الا يا وطنا كل يومٍ نعًده عيد=يوارى الثرا ميًت ويعلن نبا ميلاد
توالى بك الاجيال والخير فيك يزيد=لك ارواحنا نفديك بالدم والاجساد
علينا عهودٍ واجبه مكًده توكيد=عهود الولاء والحب لاجلك ياعز بلاد
سماك نتلحفها ونفرش رمال البيد=وتغني عن اغلى الصوف والقطن والسجاد
بلادٍ علت باعلامها كلمة التوحيد=و من تحتها سيف المهمات بالمرصاد
جمع شملها وشتاتها الملهم الصنديد=وطاعت لا بو تركي وشامت عن الاسياد
حفظها بعد حفظ الله من العبث والكيد=وثبًت دعائم دولة العز والامجاد
نعدًد نعدًد وأين؟ نتعب من التعديد= وعبد العزيز أعماله اكبر من التعداد
وحقه علينا دعوة طيبه ما أزيد=عسى بجنة الفردوس له مسكن وميعاد
ولملوك دولتنا نسوق الثنا ونشيد=زحول الرجًال أهل الرئاسه من الاجداد
بقوة قيادتنا العدا قيًدت تقيًيد=ياكم طامعٍ شلوا ذراعه وهو ماصاد

المشاركة الأصلية كتبت بواسطة ابن الشاعر (المشاركة 377466) صح لسانك ياخوي حمود وبيض الله وجهك على هالابيات واحي فيك روح الوطنيه والانتماء ولاهنت يالقرم دائماً مميز

المشاركة الأصلية كتبت بواسطة أبن مصاول (المشاركة 378040) صح لسانك اخوي حمود وما اجمل التغني بالوطن وحب الوطن ويعجبني الشاعر الذي دائماً يكون بالقرب من الأحداث ويترجمها في وقتها على شكل قصيدة صادقة مثل هذه , وأي حدث أجمل من اليوم الوطني؟؟ ما عدى العيدين صح لسانك وقصيدة كاملة مكملة .. أبن مصاول

صح السانك وقليل في حق الوطن وشكرا