لا تقول أخطيت , عقلي بالهوى ضيّع صوابه = جات عفويه كذا , من غير ذنب ولا خطيّه
أنتثرت بـ صفحة الواقع قبل يطوي كتابه = لين صار الحكم وأعلنت الولاء مع كل طيّه
مادريت إلا وأنا أمشي وين ما يمشي جنابه = مع طريقه مع طريقه لا مشى روحه وجيّه
جيت أدور للقلوب وقلب غيره صك بابه = كنّ قلبه بالهوى وصّى على قلبي وصيّه
مثل ابن شلاّح لا جاه المسيّر يا هلابه = قال يانمر الوجار , آمل الوجار , من الحميّه
بس قلبه غير قلبي مابغاه ولا درابه = ما فتح بابه ولا نادت عروقه غير ليّه
إيه أحبه والمحبه من صباه إلى شبابه = الله أكبر ياشبابه صار بك شيبه ضحيّه
كنّ ربي ماخلق مخلوق من بقعة ترابه = كمله بالزين سبحانه على كل البريّه
لو عليه أخشى من الضيقات , ماخشى ألا ثيابه = مايطوله غير من شانه يرد حوض المنيّه
مارحم قلب العناء لو كان ماسرّه عذابه = المشاعر حاتميّه والليالي سرمديّه
لا لمع برق الحياء يجلي ظلامي من سحابه = وان سرى غنيت في ليل اللحون السامريّه
لا تقول أخطيت , عقلي والهوى هذا صوابه = وألا أقول , أخطيت عادي خلّها تحسب خطيّه

المشاركة الأصلية كتبت بواسطة عبدالمجيد الظويفري (المشاركة 379078) لو عليه أخشى من الضيقات , ماخشى ألا ثيابه = مايطوله غير من شانه يرد حوض المنيّه مارحم قلب العناء لو كان ماسرّه عذابه = المشاعر حاتميّه والليالي سرمديّه

المشاركة الأصلية كتبت بواسطة مواعيـ سراب ـدك (المشاركة 379081) صح لسانك ياعبدالمجيد وبيض الله وجهك على هالابيات الطيبه والجزله يعطيك الف عافيه وبنتظار كل ماهو مميز منك

المشاركة الأصلية كتبت بواسطة الحميدي بن فارس الميزاني (المشاركة 379095) ياعبد المجيد ياسلام عليك دائم مبدع ابداع تلو ابداع القصائد تخضعلك خضوع صح لسانك وعتلا شانك مافيك حيله لاهنت تحياتي لك وحترامي لشخصك وبداعك

المشاركة الأصلية كتبت بواسطة حمود العتيبي (المشاركة 379101) صح لسانك عبد المجيد الظويفري طرقت المعتى بغمق لاشباع الفكره وكان لك ما أردت مع الاحتفاظ بكامل حقوق الترمبز المبتغاه تحيتي

المشاركة الأصلية كتبت بواسطة ابن الشاعر (المشاركة 379164) بيتين توقفت عندها كثيرا لجمال صيغتها وليس تقليل بباقي الابيات صح لسانك ملايين ياعبدالمجيد وصح لسانك حتى ترضى ابداع متواتر .. وشاعريه تتنامى بكل ماتحتويه من جزاله سيكون لها ولمالكها شأن في واحة كبار الشعراء باذن الله دعواتي لك بالتوفيق ولا تحرمنا الاستأناس بجديد فيضك .

المشاركة الأصلية كتبت بواسطة ملكة القوافي (المشاركة 379169) صح لسانك أخوي عبدالمجيد الظويفري

المشاركة الأصلية كتبت بواسطة ماجد محمد القحم (المشاركة 379177) صح لسانك حتى ترضى يابو سعيد...على ماتنثره من ابدآآآآآع لله درك ...تقبل مروري وسجل اعجابي الدائم

المشاركة الأصلية كتبت بواسطة راع الوفا (المشاركة 379480) الشاعر القدير / عبدالمجيد الظويفري الغالي صح لسانك ولاهنت ابيات تقطر بعذوبة الابداع فيها اتقان للمعنى وسبم للقوافي حفظك الباري

المشاركة الأصلية كتبت بواسطة عبدالله العوني (المشاركة 379490) صح لسانك ياعبدالمجيد واعتلى شانك على هالقصيده وودي لك

المشاركة الأصلية كتبت بواسطة راشد العبداني (المشاركة 379493) إيه أحبه والمحبه مـن صبـاه إلـى شبابـه الله أكبر ياشبابه صـار بـك شيبـه ضحيّـه الله الله قصيده في منتهى الروعه والجمال لله درك على اشباع الذائقه عزيزي / عبدالمجيد دمت على خيرررر

المشاركة الأصلية كتبت بواسطة نزف المشاعر (المشاركة 379808) صح لســــــــــآنك ولاهنت .. إبداع يتجدد .. ألف شكر لك .

المشاركة الأصلية كتبت بواسطة جـبـرالـخـواطـر (المشاركة 379813) صح لسانك ويعطيك العافيه

المشاركة الأصلية كتبت بواسطة شلاحية مطنوخة (المشاركة 381559) لو عليه أخشى من الضيقات , ماخشى ألا ثيابه ............. مايـطـولـه غـيــر مـــن شـانــه يـــرد حـــوض المـنـيّـه الله الله .. أقف إحتراماً لهكذا شاعرية ... صح لسانك يا عبد المجيد .. وألف مبروك الديوان .. تستاهله والله ..

يعطيك الف عافيه
تقديري لك

المشاركة الأصلية كتبت بواسطة أبن مصاول (المشاركة 416752) مبدع يا أبو سعيد ونشكرك على رفع ذائقة المتلقي بهذه القصيدة وعلى الرغم من انها جاءت عفويه إلا انها قمة في تسلسل الأفكار وقوة المعاني وجزالتها وتفرض على المتلقي الوقوف عندها كثيراً.. صح لسانك أيه الشاعر المبدع

صح بدنك يابو ضيف الله ،،
أسعدني مرورك ،
لاهنت ولاهان مقدارك ،

أحترامي ،