نادى الجنوب وجاوبه نجـد لبـيـه = أمـر تـدلـل يـابــعــد كـل الاوطــــــان
يخسى المعادي حدنا مايجي فـيـه = مـاقـدمــه الا نـار شـعـلـه ودخــــــان
نركي عليـه الصالي اللي يـخـليـه = مـثـل الـرمـاد وكـن مـاكـائنٍ كـــــان
ومن العـذاب المر والسم نـسقـيـه = ونـزود الجرعـه ليا صار عـطـشــان
اجنودنا دون الوطن دوم تـحميـه = ابـطـال فالـميـدان خبـره وشـجـعـــان
بـقـيـادة اللي جعـل ربي يعـافـيـه = الـحـاكـم اللي لـه مـعـزه ولـه شـــــان
وبرواحـنا حـد الحـرمين نـفـديـه = ويصيـر كـل الـشـعـب قـوه وفـرسـان
ياويل من جـانا ويـبـغى يـعـاديـه = يلقى الـعـذاب ويرجع اكـيـد خســران
اللي يخون الدار ويبـيـع اهـالـيـه = ماهو محصل لـه مع الـنـاس مسـكـان
ابليس عن درب الاجاويد مغويه = مدري وراه من البشر شخص شيطان
والـمـتـهــم والله مـحـدٍ يـبـريـــه = يـبـيـن في وجهـه من الـشـر عـنــوان
والا اليمن شعـبـه نحـبه ونغـلـيـه = عــلاقــةٍ زيـنـه وصحـبــه وجـيـــران

المشاركة الأصلية كتبت بواسطة علي حميدان الدجيما (المشاركة 382574) صح لسانك يابو مذكر ونحن سعدا بنضمامك في هذا الكيان الغالي وانت راعي محل ومرحبآ الف وانت شاعر غني عن التعريف ونتمنا لك التوفيق

المشاركة الأصلية كتبت بواسطة شلاحية مطنوخة (المشاركة 382598) حياك الله أخي الكريم عبد الله بن مذكر في هذا الصرح الشامخ وصح لسانك ملايين على هالقصيدة الجزلة .. عسى الله يحمي وطننا ويحفظة من كل شر ..

المشاركة الأصلية كتبت بواسطة ابن الشاعر (المشاركة 382690) مصافحه اولى .. وصح لسانك يابو مذكر على هالقصيده وحياك الله مليون بين اخوانك واهلك بمنتدى النخبه والابداع وسعدنا بانضمامك الى هذا الصرح الشامخ وبانتظار المزيد من ابداعك .. وياهلا فيك... .

المشاركة الأصلية كتبت بواسطة ملكة القوافي (المشاركة 382694) هلابك أخوي عبدالله مذكر العقيلي وصح لسانك

المشاركة الأصلية كتبت بواسطة سفيرأمطير (المشاركة 383144) صح لسانك يأبومذكر على هالمصافحه الحلوه وكذالك في وطننا الغالي ويحياك الله ومرحباً مليون بين ربعك والمحل محلك والموازين والعقاليه أخوان ومكملين لبعض ونحن سعداء بنضمامك وتواجدك بيننا وأكرر الله يحييك0 وننتضر بوح قلمك وجديد شعرك

المشاركة الأصلية كتبت بواسطة محمد ماجد الميزاني (المشاركة 383165) مرحبابك والله يابومذكر في هالمنتدى الشامخ الي له الشرف بحضورك وصح الله السانك طال عمرك