أنا مادريت ان الهوى يسرق الاشواق=ويسري بها في ظلمة الليل وسكونه
ويرمي على صدري همومٍ وأنا ماطاق= يحرك براكينٍ مع الوقت مدفونه
ابا اشك الهوى للي جنابه سعه ما ضاق=تغمض عيون الخلق مانامت عيونه
يهب الهواء والذاكره عاقها الارهاق= ملامح حبيبي تبهر الذهن وتخونه
ماشا الله سهوم العين لاهدافها عشاق=تحطم خطوط المخ وتبيح مكنونه
ويشرف على رقص المفاصل صليب الساق=على برمته تقويسةٍ موت ملعونه
تراقص معالم جسمها والنهد زراق=مشهل علو الجسم ومعدل متونه
ليا قهقرت في مشيها واانثنت براق=يهز المشاعرلا كشف عالي مزونه
شعرها يظلل ما يجي من وراه رواق=ليا فلًته يدهش نظر كل مزيونه
لها تهوي الانفس لها تلتوي الاعناق=لها النفس تواقه لها النفس مرهونه

المشاركة الأصلية كتبت بواسطة مايهاب (المشاركة 385871) بيض الله وجهك ياحمود هذا الغزل والوصف والابلاش..والله اني كاني اشوفها قدامي (ولاتزعل) هذا هوالمطلوب من الشعر..والشعر مع الشاعر اذا مااعطاك الصوره او وضعك فيها فلاينبغي له ان يسمى شعرا ولا الشاعر كذلك.. جزالة،قدرة تصويريه هائلة،حبكة سردية،انسابيه وتسلسل في الافكار......... اشكرك من الاعماق.. مايهاب