ياهاجسي حضّر لي الشعر مشكور=حضّر جزال الشعر وأترك هزاله
أسبح بحر وأبدع شعر وأنحت صخور=من شاعر(ن)يرسم قصيده خياله
شاعر كفو مايبدع القاف مكسور=وتلقاء على قافه ختوم الجزاله
ويثبت بميقافه ليا وصله الدور=وقفة شعر وإبداع وأيضاًً رجاله
وتراك من شاعرك يالهجس مآمور=شاعرك وده يكتب اللي طراله
وأكتب أقول اللي طرالي على الفور=وكل(ن)يقول ويكتب اللي في باله
من منتداكم يالموازين مسرور=بعد إنضمامي مع رجال الشكاله
لي الشرف وأفخر ولاأقولها زور=بالقاف اقوله بعد ماجاء مجاله
وفالمنتدى بالقاف لي ماقف ودور=والحمل مايشتاله الإ جماله
االمنتدى اللي شامخ(ن)كنه السور=يشبه للسور الصين والطيــّب فاله
على الوفاء والعز شامخ ومعمور=ماعمروه أهل الردى والنذاله
عساه يبقى عامر سنين وعصور=وعلى الوفاء والطـيّب تبقى رجاله
وأختامها من قلب وإحساس وشعور=من شاعر(ن)مايبدع الإ الجزاله
أهدي لكم باقة رياحين وزهور=تهدى من ابن الشيب في كل حاله