ان جيتني حياك وان رحت حيـاك=ان رحت ماني ناشد ٍ عنـك مـره
أبيعك بسوق المقاصيص ونسـاك=الله كم نجـم ٍهـواء مـن مجـره
بندر يقـول لواحـدٍ لـه حلايـاك=ابك انت من سريت حتـى تضـره
ما الله بحا ديني ولا احتجت شرواك=ولا خصـك احـد بـقـول لله دره
عيه عرب والناس ماهمها أرضاك=لاا قفيت لك ماني بقصـاص جـره
شغلتك مع ذولا لصالـح هـذولاك=تمشي ولك مع كـل قـوم ٍ مبـره
راعي نقيلي عفـن هـلاس نمـاك=ما فيك من خصلة حيـاء وزن ذره
علاقتك مع من حذف لك بمخبـاك=راسك كمـا الـرادار دايـم تفـره
ما مر بك طيـب ٍ ولا لاذ بحمـاك=لو مر فيك الطيـب جيبـه يقـره
لافيد لاصحبـة ولا ينشـرب مـاك=خل العتب مالـك ومـال التشـره
قلته وكل ٍ قال حقـك ومـا جـاك=ردي قوم وشلـت فيـدك بصـره
يا لله بحرز ٍ منك يـا لله وحمـاك=بحماك يا مـولاي خيـره وشـره

المشاركة الأصلية كتبت بواسطة أبن مصاول (المشاركة 395766) صح لسانك أخوي متعب وقصيدة جميلة جداً , ومعبرة نتلقنا معها لجمال شعر متعب الممينيح الذي يغدق به علينا من وقت لآخر .. فصح لسانك وسلم بنانك مع الشكر لك

اخي الكريم لاهنت على المرور العذب


صح بدنك



ودي ومحبتي وتقديري

المشاركة الأصلية كتبت بواسطة مواعيـ سراب ـدك (المشاركة 395768) صح لسانك اخوي متعب وبيض الله وجهك على هالابيات ويعطيك الف عافيه وبنتظار كل جديد قادم منك

هلا ومليون هلا



وجهك ابيض




صح بدنك كل الود والتقدير

المشاركة الأصلية كتبت بواسطة ملكة القوافي (المشاركة 395870) صح لسانك أخوي متعب المينيح

اختي لاهنتي على المرور العذب




صح بدنك




تقديري ومودتي