راكب اللي كن صوته ليا منه اشتغل=همس كهّان النصارى ضحى عيد المسيح
اسود(ن)شمعات نوره مثل كوكب زحل=ماأحتكر توريده ابن جميل ولاالجميح
جابه الجفالي المعتمد توه نزل=من بلاد الطاغيه هتلر الوجه القبيح
كن طبلونه كرستال شاشة ديجتل=معتدل لون الإضاءه وللنظره مريح
وكن سك جنوطه ليامشى سكةهلل=من كنوز أرباب الاموال في خزانة شحيح
وإن مشى في شوي تقول يمشي في وحل=وإن تعلى الخط تقول فوق بساط ريح
فيه من زوم المغيره وكبر ابوجهل=ماتقطّعه الفضاء المظلم الجو الفسيح
نحره راع الجمايل ومزبان الجمل=لافي الغيداني اللي يليق به المديح
بلغه مني سلام(ن)مثل شهد النحل=من مطير أهل الوفاء وأهل العلم الصحيح
وقل ماتوجد عقده الإيجي للعقدحل=وانت حلاّل العِقد بعد ماربك يتيح
شع ذكرك بالوفاءمن محل ليامحل=رافع(ن)لك راية(ن)قدم ربعك ماتطيح
فيلسوف المفردات الجزال من الجُمل=غيّد غيدانية(ن)تسبح البحرالفصيح
خل عنك الصوت ومجمعة روس الهمل=وأرس ياغرس المهابه وسدك لايبيح
فتنة الدجال جاء قبلها فتنة دجل=والعرب عجزت لاتفرق قبيح(ن)عن مليح
غير من ربك عطاه الرجاحه فالعقل=يدري إن فلان رجل(ن)ثقه وفلان ميّح
لو عطوه الضوء الاخضر وصرح وأنتحل=موهبة طرفه وحنكة قضى القاضي شُريح
وانت فيك الطيب والعرف ماهو محتمل=شي واضح قدم الاعيان متبين صريح
اقبلت يمك هجوس المعاني طوع جل=ساقها صوت القريحه على منهل قريح
في لزوم(ن)مالها الإ مثل لافي زحل=فاللوازم ننحر الجزل والإ نستريح
لو غرضنا فالقصيده نقض على فتل=مافتلناها عساها تولي في قريح
لأن شي بدون معنى كلام بلاعمل=مثل دعوة مشرك(ن)على ضريح

المشاركة الأصلية كتبت بواسطة عبدالرحمن العقيلي (المشاركة 399279) صح لسان الشاعر:عزيز الميموني ولاهنت يافائز ع النقل تقبل تحياتي

المشاركة الأصلية كتبت بواسطة مواعيـ سراب ـدك (المشاركة 399115) صح لسان الشاعر ويعطيك الف عافيه اخوي فايز على نقلك للقصيده الطيبه ... دائما مميز في قصايدك ونقلك

المشاركة الأصلية كتبت بواسطة أبن مصاول (المشاركة 399116) صح لسان بن الشيب وقصيدة جزلة من شاعر جزل ....ولا هنت على النقل أخوي فائز الشيب

المشاركة الأصلية كتبت بواسطة ساكب الحرف (المشاركة 399260) صح لسان الشاعر/ عزيز الشيب قصيده جزله وسلمت اخوي على النقل المميز دمت بخير

المشاركة الأصلية كتبت بواسطة ابن الشاعر (المشاركة 399251) صح لسان الشاعر/ عزيز الشيب قصيده جزله وصح نقلك يابو شامان وبيض الله وجهك وبانتظار تزويدنا برد لافي الغيداني .

المشاركة الأصلية كتبت بواسطة الذكريات (المشاركة 399117) صح لسان بن الشيب وقصيدة جزلة ولا هنت على النقل أخوي فائز