منتديات الموازين الرسميه

منتديات الموازين الرسميه (http://www.almouazeen.com/index.php)
-   شــــعـــراء منتديات الــمــــوازين (http://www.almouazeen.com/forumdisplay.php?f=17)
-   -   اتقبل ملاحظاتكم وانتقاداتكم على قصيدتي المتواضعة .! (http://www.almouazeen.com/showthread.php?t=37613)

المعنّـى 26 - 12 - 10 06:46 PM
اتقبل ملاحظاتكم وانتقاداتكم على قصيدتي المتواضعة .!
 
مساكم خير يا أصدقائي :0065:



اخوكم المعنّــى يطقطق في القصيد وما ندري يصير شاعر ولا مجرد متذوق

على كل حال انا عندي عدة قصايد راح انزلها بعدين

لكن فيه قصيدة قصيرة كتبتها قبل يومين ودي أحطها لكم هنا كأول قصيدة أعرضها في هذا الصرح الشامخ ..

بانتظار انتقاداتكم البنّـاءة وملاحظاتكم من شعار المنتدى أو من غيرهم أرحب بجميع المشاركات ..




يا بنت ياللي تكتبين القصايد=هيضتي الهاجوس وانعشتي البال
من بعد ما كانت همومي تزايد=وصارن على صدري كثيرات وثقال
اقفن وراحن مثل سرب الطرايد=حتى تغنى البال عشرين موال
ودرب الهوى يا بنت بالحيل كايد=ياما وياما عـقـّــد رجال و رجال
ولولا الحيا والمرجلة والعوايد=لا اقول لك علمٍ على البال يختال
لكن مما فدت ضمن الفوايد=ما كل ما يطري على البال ينقال


وسلامتكم :049:

.

هامورمطيري 26 - 12 - 10 06:50 PM
رد: اتقبل ملاحظاتكم وانتقاداتكم على قصيدتي المتواضعة .!
 
محاوله جريئه

الفكره تحتاج لربط ...الوزن يحتاج المزيد من الجهد

قادمك اجمل بالتوفيق لك

ابن الشاعر 26 - 12 - 10 09:41 PM
رد: اتقبل ملاحظاتكم وانتقاداتكم على قصيدتي المتواضعة .!
 
صح لسانك يالمعنى
وابيات رائعه وجميله

بس لو استبدلت كلمة وصارن على صدري .... الى وكانت على صدري ...
لكان افضل للمعنى
وعندي سؤال هل تكتب باسم المتوقد بمنتديات اخرى
وبالتوفيق
.

مواعيـ سراب ـدك 26 - 12 - 10 09:51 PM
رد: اتقبل ملاحظاتكم وانتقاداتكم على قصيدتي المتواضعة .!
 
صح لسانك وبدائه مووفقه

وبالتوفيق ان شاء الله اخوي


ويعطيك الف عافيه .. وبنتظار كل جديد منك

ولد الشمشم 26 - 12 - 10 11:13 PM
رد: اتقبل ملاحظاتكم وانتقاداتكم على قصيدتي المتواضعة .!
 
صح الساااااااااانك وبيض الله وجهك

فيصل زايد الميزاني 26 - 12 - 10 11:19 PM
رد: اتقبل ملاحظاتكم وانتقاداتكم على قصيدتي المتواضعة .!
 
صح لسانك وبدايه جيده
لكن يجب عليك التركيز جيد والاختيار الامثل للابيات المناسبه
واهم حاجه الثقه بالنفس صحيح سوف تواجهك صعوبات في البدايه
لكن متاكد بان لك مستقبل زاهر
بالتوفيق

أبن مصاول 27 - 12 - 10 08:18 AM
رد: اتقبل ملاحظاتكم وانتقاداتكم على قصيدتي المتواضعة .!
 
قصيدة موفقه لأبعد درجة وليست مجاملة مادام هذه فقط طقطقه أجل وشلون قصيدك الآخر

انا أقول انك شاعر وسوف يكون لك شأن ولا يوجد لدي أي ملاحظة ما عدا ما نبهك اليه أبن الشاعر فملاحظته في محلها..

فقط المفروض أنك نصصت عجز البيت الأخير وهو : ماكل ما يطري على البال ينقال. لأنه قول مشهور وقد ورد في أكثر من قصيدة بنفس الكلمات تماماً ومنه قول الشاعر:

ماكل ما يطري على البـال ينقـال
. . . . . . . . . . . . . . ولاكل شاعر يكتب البيـت بالصـح

تحياتي لك ..والى الأمام فانت شاعر

حمود العتيبي 27 - 12 - 10 08:21 AM
رد: اتقبل ملاحظاتكم وانتقاداتكم على قصيدتي المتواضعة .!
 
صح لسانك يالمعنى

أبيات جميله والشطر الثاني من البيت الاخير كأنه مر علي قريبا ويبدو ان لك لقب آخر

بالتوفيق والرحله تبدأ بخطوه

ننتظر جديدك لاهنت

سالم رباح 27 - 12 - 10 08:57 AM
رد: اتقبل ملاحظاتكم وانتقاداتكم على قصيدتي المتواضعة .!
 
أبيات سليمة الوزن والقافية ولها معنى بنيت عليه .

لذلك الأبيات كأبيات موفقة .









فقط تدرب على الجزالة في اللفظ والعمق في المعاني , والقصيدة بهذه الأبيات القليلة لاتسمى قصيدة الا بعد تجاوزها لثمانية أبيات على الأقل وبشرط أن تكون مكثفة شعرياً , ولي وجهة نظر في القصائد القصيرة أنها لاتسمى قصائد مالم يكن هناك كثافة قوية في القصيدة أي تغني بقوتها عن عشرين بيت أو أكثر .

منصور الدرين 27 - 12 - 10 12:05 PM
رد: اتقبل ملاحظاتكم وانتقاداتكم على قصيدتي المتواضعة .!
 
لاأزيد على ماذكر الأخوان وبالتحديد أخوي ابن مصاول

فعلاً بداية أعتبرها صحيحة الوزن والقافيه

وأيضاً معانيها جيده

أستمر والله يوفقك يالمعنى

كل الشكر

المعنّـى 27 - 12 - 10 06:06 PM
رد: اتقبل ملاحظاتكم وانتقاداتكم على قصيدتي المتواضعة .!
 
اقتباس:
المشاركة الأصلية كتبت بواسطة هامورمطيري (المشاركة 414258)
محاوله جريئه

الفكره تحتاج لربط ...الوزن يحتاج المزيد من الجهد

قادمك اجمل بالتوفيق لك

هامورمطيري يعطيك العافية


لكن وضح كيف الوزن يحتاج المزيد من الجهد ؟


اوافقك من ناحية الفكرة تحتاج للربط .. الف شكر لك ..


اقتباس:
صح لسانك يالمعنى
وابيات رائعه وجميله
صح بدنك يا ابن الشاعر .. تسلم طال عمرك

اقتباس:
بس لو استبدلت كلمة وصارن على صدري .... الى وكانت على صدري ...
لكان افضل للمعنى
والله ملاحظة في محلها يا ابن الشاعر وهذا ما ابحث عنه ..! تساعدوني في اكتشاف الاخطاء واختيار الطريق الافضل ..


اقتباس:
وعندي سؤال هل تكتب باسم المتوقد بمنتديات اخرى
وبالتوفيق
نعم يا ابن الشاعر .. لكن اخطئت في كتابة الموضوع هناك

وابشرك لقيت ضالتي هنا .. عساكم ذخر لي



اقتباس:
صح لسانك وبدائه مووفقه

وبالتوفيق ان شاء الله اخوي

مواعيدك سراب ..


صح بدنك الله يسلمك ..


اقتباس:
صح الساااااااااانك وبيض الله وجهك


وياك يا ولد الشمشم .. شاكر لك مرورك


هامورمطيري 27 - 12 - 10 06:33 PM
رد: اتقبل ملاحظاتكم وانتقاداتكم على قصيدتي المتواضعة .!
 
اعجبني تقبلك وسعة صدرك

وثقال...ورجال

شوف قصيده لاي شاعر مشهود له بالنظم وانظر هل الواو تتكرر

انا واثق ان لديك اجمل من هذا

نزف المشاعر 28 - 12 - 10 02:42 AM
رد: اتقبل ملاحظاتكم وانتقاداتكم على قصيدتي المتواضعة .!
 

صح لسانك اخوي ولاهنت ..


أبيات جميلة وطقطقة حلوة امانة .. تشعر بإن لك مستقبل شعري جميل بإذن الله ..




اما الملاحظات والإنتقادات العين ماتعلى على الحاجب .. شعرائنا وأساتذتنا أفادوك بها ..




كل الشكر لك .. وبالتوفيق إن شاء الله

ملكة القوافي 28 - 12 - 10 04:23 AM
رد: اتقبل ملاحظاتكم وانتقاداتكم على قصيدتي المتواضعة .!
 
صح لسانك أخوي المعنى وبالتوفيق لك

المعنّـى 29 - 12 - 10 12:54 AM
رد: اتقبل ملاحظاتكم وانتقاداتكم على قصيدتي المتواضعة .!
 
اقتباس:
المشاركة الأصلية كتبت بواسطة فيصل زايد الميزاني (المشاركة 414369)
صح لسانك وبدايه جيده
لكن يجب عليك التركيز جيد والاختيار الامثل للابيات المناسبه
واهم حاجه الثقه بالنفس صحيح سوف تواجهك صعوبات في البدايه
لكن متاكد بان لك مستقبل زاهر
بالتوفيق
أخوي فيصل مشكور على التشجيع

وفعلا الثقة بالنفس سلاح لا يستهان به ..



اقتباس:
المشاركة الأصلية كتبت بواسطة أبن مصاول (المشاركة 414499)
قصيدة موفقه لأبعد درجة وليست مجاملة مادام هذه فقط طقطقه أجل وشلون قصيدك الآخر

انا أقول انك شاعر وسوف يكون لك شأن ولا يوجد لدي أي ملاحظة ما عدا ما نبهك اليه أبن الشاعر فملاحظته في محلها..

فقط المفروض أنك نصصت عجز البيت الأخير وهو : ماكل ما يطري على البال ينقال. لأنه قول مشهور وقد ورد في أكثر من قصيدة بنفس الكلمات تماماً ومنه قول الشاعر:

ماكل ما يطري على البـال ينقـال
. . . . . . . . . . . . . . ولاكل شاعر يكتب البيـت بالصـح

تحياتي لك ..والى الأمام فانت شاعر

هلابك ابن مصاول

يعطيك العافية على الدعم الرائع منك ..

ملاحظتك في محلها .. انا اعرف ان الشطر الاخير من بيت مشهور لكن ما ادري وش اسوي فيه

لذلك علامة التنصيص كان لابد من تواجدها ..

ألف شكر لك ..

اقتباس:
المشاركة الأصلية كتبت بواسطة منصور الدرين (المشاركة 414513)
لاأزيد على ماذكر الأخوان وبالتحديد أخوي ابن مصاول

فعلاً بداية أعتبرها صحيحة الوزن والقافيه

وأيضاً معانيها جيده

أستمر والله يوفقك يالمعنى

كل الشكر
منصور الدرين

الله يسلمك ويعافيك ..

وياك ان شاء الله


اقتباس:
المشاركة الأصلية كتبت بواسطة حمود العتيبي (المشاركة 414500)
صح لسانك يالمعنى

أبيات جميله والشطر الثاني من البيت الاخير كأنه مر علي قريبا ويبدو ان لك لقب آخر

بالتوفيق والرحله تبدأ بخطوه

ننتظر جديدك لاهنت

حياك الله يا حمود

فعلا الشطر الاخير مشهور لكن والله مدري من صاحبه .!


يعطيك العافية ..

المعنّـى 29 - 12 - 10 01:15 AM
رد: اتقبل ملاحظاتكم وانتقاداتكم على قصيدتي المتواضعة .!
 
اقتباس:
المشاركة الأصلية كتبت بواسطة سالم رباح (المشاركة 414503)
أبيات سليمة الوزن والقافية ولها معنى بنيت عليه .

لذلك الأبيات كأبيات موفقة .









فقط تدرب على الجزالة في اللفظ والعمق في المعاني , والقصيدة بهذه الأبيات القليلة لاتسمى قصيدة الا بعد تجاوزها لثمانية أبيات على الأقل وبشرط أن تكون مكثفة شعرياً , ولي وجهة نظر في القصائد القصيرة أنها لاتسمى قصائد مالم يكن هناك كثافة قوية في القصيدة أي تغني بقوتها عن عشرين بيت أو أكثر .

هلا سالم

فعلا القصيدة قصيرة وهذا ما اواجهه في كتابة القصائد

لكن مع الوقت ان شاء الله راح اكتب اطول من كذا ..


مرحبا بك ..


اقتباس:
اعجبني تقبلك وسعة صدرك

وثقال...ورجال

شوف قصيده لاي شاعر مشهود له بالنظم وانظر هل الواو تتكرر

انا واثق ان لديك اجمل من هذا
هامورمطيري

ما وضعت قصيدتي تحت مجاهركم إلا ويجب أن اكون وسيع صدر على انتقاداتكم والحمد لله استفدت منها ..


كثرة الواو انا ملاحظها و مثل ما قلت تعتبر نوعا ما نقص في القصيدة

يعطيك العافية على الملاحظة ..


اقتباس:

صح لسانك اخوي ولاهنت ..


أبيات جميلة وطقطقة حلوة امانة .. تشعر بإن لك مستقبل شعري جميل بإذن الله ..




اما الملاحظات والإنتقادات العين ماتعلى على الحاجب .. شعرائنا وأساتذتنا أفادوك بها ..




كل الشكر لك .. وبالتوفيق إن شاء الله
نزف المشاعر

صح بدنك ويعطيك العافية على التشجيع

مشكورة على التعليق ..

اقتباس:
صح لسانك أخوي المعنى وبالتوفيق لك

اهلا شاعرتنا سهام .. صح بدنك

ولو انه كان ودي تبدين ملاحظاتك .. لكن المرة الجايه ان شاء الله ..

أبو بندر 29 - 12 - 10 10:48 AM
رد: اتقبل ملاحظاتكم وانتقاداتكم على قصيدتي المتواضعة .!
 
اخوي المعنى
صح لسانك قصيده جزله ووافيه انت شاعر فطري بالتأكيد لأن اللذي امامنا ليست
طقطقه كما ذكرت بقدر ماهو ابداع شعري
دمت بخير

المعنّـى 29 - 12 - 10 09:36 PM
رد: اتقبل ملاحظاتكم وانتقاداتكم على قصيدتي المتواضعة .!
 
ساكب الحرف


صح بدنك

شجعتوني اجيب القصيد اللي عندي


شاكر لك تعليقك


الساعة الآن 08:08 PM.

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها