يا خدمة الجوال حنا عميلين=مرت ثمان إسنين ماهي قليله
ندفع لخدماتك بعشرة وعشرين=حنا كرمنا جاك وأنتي بخيله
والرقم خاتمته بواحد وتسعين=متفاخر إنه في يدين العميله
وتجهل بياناته ولا له عناوين=جاني جديد مواصفاته جميله
من حر مالي لا هدئه ولادين=شراه لي أبو جناء بالدليله
خالي ولد جدي زعيم الميادين=اللي فعوله بالمواقف جليله
ياخدمة الجوال وين الملايين=اللي خذيتيها بنصباً وحيله
ياخدمة الجوال تكفين تكفين=لنا طلب عندك ولا لك بديله
كلم على حسابك دمار الكريمين=لا دق أبورنه هروجه طويله
ومن خدمة الموجود قهر المحبين=تشعل بخفاق المولع مليله
هالخدمتين اللي تجد الشرايين=نبغى بدلها والمعاني جزيله
إما العزيزة كولمي طبعها زين=مثل الإشارة والإشارة وسيله
ويانوكيا شكرأ على إن سبعين=إمين سري والهموم الثقيله
لو فتشه شيخ القبيله وبالعين=شاف الحروف وكاتبتها أصيله
يرمي ببشته ويتعزوا ببيتين=ويقول هاذي همها عن قبيله
وإذاسأل عني بجأوب بشطرين=جوأب يشفي كبده اللي عليله
إنا سهام العبدلي شيخة الزين=ساسي مطير ولاتبعت الرذيله

المشاركة الأصلية كتبت بواسطة ابن الشاعر (المشاركة 419970) صح لسانك اختي ملكة القوافي ابيات موبايليه اكثر من رائعه وفعلاً كفيتي ووفيتي يالعبدليه ,

المشاركة الأصلية كتبت بواسطة الذكريات (المشاركة 419975) ويانوكـيـا شـكــرأ عـلــى إن سبـعـيـن إمـــيــــن ســـــــري والــهــمـــوم الـثـقـيــلــه ذكرتيني بايام زمان:eh_s(2): الله الله صح لسانك واعتلى شانك ابيات اكثر من رائعه اختي سهام

المشاركة الأصلية كتبت بواسطة لؤلؤة الموازين (المشاركة 419977) مشكوره وصح السانك وعتلا شانك

ههههههههههههه والله انك صادقه وهذي اعاني منها مع بعض الناس ....لا وبعضهم يدق عليك وإذا رفعت تبي تكلمه يجيك رسال تقول:

المتصل يرغب الإتصال بك على حسابك لإتمام هذه العمليه أضغط نجمه ههههههههههههههههه والله قهرني يتصل علي وعلى حسابي حسبي الله عليه<<<<عاد هو عارف نفسه وصراحة هو اللي علمني ان فيه مثل هالخدمه ولا قبله ما اعرفها

وهناك كما قلتي call me يا كثرهم

إنا سهام العبدلي شيخة الزيـن=ساسي مطير ولاتبعت الرذيلـه

يسلام على الابيات اختي ملكة القوافياهنك على الاختيار الموفق

المشاركة الأصلية كتبت بواسطة أبن مصاول (المشاركة 420129) صح لسانك اختي سهام وقصيدة إجتماعية جميله ولفت إنتباهي قولك: كلم على حسابك دمار الكريمين=لا دق أبورنه هروجـه طويلـه ههههههههههههه والله انك صادقه وهذي اعاني منها مع بعض الناس ....لا وبعضهم يدق عليك وإذا رفعت تبي تكلمه يجيك رسال تقول: المتصل يرغب الإتصال بك على حسابك لإتمام هذه العمليه أضغط نجمه ههههههههههههههههه والله قهرني يتصل علي وعلى حسابي حسبي الله عليه<<<<عاد هو عارف نفسه وصراحة هو اللي علمني ان فيه مثل هالخدمه ولا قبله ما اعرفها وهناك كما قلتي call me يا كثرهم

ههههههههه ايه الخدمة هذي خدمة كثير من اللي ما عندهم رصيد ونكبت أهل الشرائح العامة

صح بدنك اخوي ابن مصاول والله يعطيك الف عافيه على المرور المميز