أقول يا من صاب عقله هبالي=يومك وصفت أهل الجنوب أنت غلطان
رميت رمية مثل رمي الخطالي=وأخطيت بالرمية ولا صبت نيشان
ما تدري أنه عيب شتم الرجالي=اللي على كسب الطويلات شجعان
والله ما يقبل كلامك شمالي=يدري بعادات القبايل والأعيان
ما أدري على ويش الكبر والتعالي=ياشاحذ الأموال من كل سلطان
فقران تشحذ درهمه والريالي=متسول وتقول يا ناس جوعان
ليتك سكت وكنت لاهي وسالي=لكن على نقصك تبي زود نقصان
جنوبنا في كل شي مثالي=دار الشرف والجود من سالف أزمان
وأحنا الجنوبيين عز وجلالي=ترخص دمانا ما نساوم بالأوطان
بالعلم والتدريب طلنا المعالي=فالهندسة والطب والجيش مليان
والشعر فينا له حضور ومجالي=عرضة و ردية و طاروق و ألحان
أبدى من الطايف و أشد الرحالي=من باحة الأبطال غامد و زهران
والجو في سبت العلاية صفا لي=بأهل الشيم بلقرن و خثعم و شمران
و أحلى المناظر بالنماص الخيالي=موطن رجال الحجر لابة و شيخان
وعند أهل بيشة جود من تمر حالي=أكلب و بلحارث و صبيان شهران
و ابها تباهت بأهلها والجمالي=عسير و أصحاب النواميس قحطان
و الفزعة اللي كم تشد أنذهالي=فزعات يام أهل الشهامة بنجران
و أحسب و لا أنسى لو يطول أنشغالي=أهل القضا والفقه أشراف جازان
و اللي نشد عني و عن وصف حالي=خذ الخبر ما دمت واله و شفقان
أنا من آل عبيد عمي و خالي=بلقرن لي عزوة و مرجع و عنوان
دون الجنوب أفقد جميع أحتمالي=و أثور من أجله كما ثور بركان
دام الحمية عندنا ما نبالي=لو صار في ذا الوقت رجفه و ميلان
هذا جنوب العز ماضي و تالي=لو تحقره يا اللاش عالي و لا هان
و الختم أبي تقرا و تفهم مقالي=إن كنت للمعنى نبيه وفهمان
خل المهأيط و الكبر و التعالي=و أحذر تسب أهل المراجل بنقصان

المشاركة الأصلية كتبت بواسطة ولدعون (المشاركة 3094) اخوي الكريم ابن مصاول ابي أسالك وش قال التويجري في اهل الجنوب عشان يثور دم القرني !!!

المشاركة الأصلية كتبت بواسطة الدويله (المشاركة 7979) كلام بسيط ادى للمسبه

المشاركة الأصلية كتبت بواسطة ميزاني الشرقيه (المشاركة 10066) إذاكان الشيخ عايض القرني شتم وسب التويجري لأجل هذا فهي كبيره جدا بحق الشيخ الفاضل حتى لو التويجري اخطا مالمفروض عالم وفقيه ينزل الى هذا المستوى التي تنزل من قيمة الشيخ عند محبيه ........

المشاركة الأصلية كتبت بواسطة أبن جويبر العبدلي (المشاركة 10688) السلام عليكم ورحمة الله وبركاته مشكور يابن مصاول ولاكن عجزنا نعرف لعايض القرني نوب يعتزل الدين نوب يرجع نوب نلقاه شاعر نوب داعية بس انه توصل فيه المواصيل الى هذا النوع من الشعر؟؟؟؟؟!!!!!! انا خايف التويجري بكره يرد عليه ويذكره بالسنين اللي مضت وخصوصا بعض القضايا التي اتهم فيها القرني على العموم لو رد عليه بناخي الهوامل بأي شي محد يلومه

المشاركة الأصلية كتبت بواسطة عربي (المشاركة 10678) مدري ليش اهل الجنوب شالوا و وطوا ترى التويجري قال كلمه حق ياخي اهل الجنوب ما عرفوا الشعر الا السنين التاليه .. اصلا شعرهم ماله قافيه تحكمه ....ولا غنوا الشعر المقفى الا بعد المخالطه بنجد وشمالها والتويجري صادق فيما قال

المشاركة الأصلية كتبت بواسطة أبن مصاول (المشاركة 10814) كلامك يا أبن جويبر كله صحيح وعين العقل واما فيما يخص أن يرد عليه التويجري فكما قلت ومن بيته من زجاج لا يقذف الناس بالحجاره اخوك ابنمصاول