كنت احسب إن الزين شي(ن)خيالي=وكنت احسب إنه شي لايمكن يكون
يالين شفت اللي لها القلب مالي=وعرفت من تآخذ لقب شيخة الكون
وعرفت من فازت على كل غالي=وتلت فوادي تل وانا ابن ميمون
اللي تضم من الحلا والجمالي=شي(ن)يخليني من جنون في جنون
اللي لها فالقلب منزال عالي=كوكب شموخ ومملكة عز وفنون
فديتها لأجل الغلاء بكل حالي=حتى ولو تأمر على روحي تمون
في حبها مغرم وهايم لحالي=محب وآتحدى للناس(ن)يحبون
كل البنات اللي من اول وتالي=يبطون ما وصلوا غلاها ويبطون
ولاياصلون إسلوبها بالسؤالي=والإ إذا قالت آلوو بالتليفون
فديت ضحكتها بحالي ومالي=حتى ولو مالي كثر مال قارون
وأقول وأختم بالقصيدة مقالي=بيت(ن)من ابياتي مصدق ومضمون
هيه وحيدة عصرها بالجمالي=اللي ولو تامر على روحي تمون

المشاركة الأصلية كتبت بواسطة أبن مصاول (المشاركة 420810) صح لسانك أخوي فائز وأستمتعت بقراءة هذه الغزلية الجميله ومن المؤكد المحب الحقيقي يبذل الغالي والنفيس لأجل عيني حبيبه

المشاركة الأصلية كتبت بواسطة عنود الصيد (المشاركة 420853) اخ فايز ابيات غزليه جميله لكن سؤالي لك هل الشاعر عندما يكتب ابيات غزليه او ابيات اخرى هل يكتبها من واقع عاشه ام يكتبها من فراغ لان اعرف بعض من يكتب الشعر بدون مناسبه واحس الشعر يخرج من احساس وشاكره لك

المشاركة الأصلية كتبت بواسطة علي حميدان الدجيما (المشاركة 421087) صح لسانك يفايز الله يعطيك العافيه

المشاركة الأصلية كتبت بواسطة ابو العز (المشاركة 420977) صح لسانك اخوي فايز وبيض الله وجهك على القصيده الجزله

المشاركة الأصلية كتبت بواسطة شلاحية مطنوخة (المشاركة 420971) الله الله صح لسانك حتى ترضى يابن ميمون .. ولاهنت على هالجزله ..

المشاركة الأصلية كتبت بواسطة مواعيـ سراب ـدك (المشاركة 420887) صح لسانك اخوي فايز وبيض الله وجهك على القصيده الجزله ويعطيك الف عافيه وبنتظار كل جديد منك

المشاركة الأصلية كتبت بواسطة ملكة القوافي (المشاركة 421788) صح لسانك أخوي فائزبن الشيب قصيدة جميله جداً