يومك تقعّد لي ياساهر ماهو عيب !! = ولا على شاني مواطن مسيكين ؟
ان كان تهدف تاخذ اللي ورا الجيب ! = قلي وانا اقسم معاشي على اثنين
لك نصه ولي نص فرصه وتجريب = واوعدك في حفظ العهد والقوانين
ماهو بتسرقني ومن منطلق طيب = وتقول انا خايف عليك ولك معين
الطيب ! ماهو تختل الناس بالغيب = وتسهر لجل منهم تدّخل ملايين
نورك شكت منه الضلوع المحاديب = وزوّد تلفّاتي من يسار ويمين
يابرق كنا لك نسوق التراحيب = واليوم شوفك ما ابهج النفس والعين
لاصار ساهر برقه يسبب الشيب = من لاح في جوّه غدا وابله دين
سيرتك صدفه مالها أي ترتيب = إلا اربع حروفٍ على حد ( قوسين )
إبدايتك في داخل الباص تركيب = وهالحين لك هيبه ومنصب وتمكين
يحق لك لا صرت تركب على جيب = ولاّ كما الصرّاف من بين هايوين
قدّام لا ناصلك نسعى مهاذيب = وليا وصلنا لك نجيلك مهدّين
لإن العلاقه بيننا مابها ريب = علاقة ضحية على حد سكين

المشاركة الأصلية كتبت بواسطة شلاحية مطنوخة (المشاركة 424373) يــــابـــــرق كــــنـــــا لــــــــــك نـــــســـــوق الــتــراحـــيـــب .............. والـيـوم شـوفـك مـــا ابـهــج الـنـفـس والـعـيـن تسلم أخوي زياد وصح لسانك حتى ترضى .. قصيدة أتت عفوية وصادقه ومن معاناه حقيقية من ساهر ونظامه الفاشل ... أعجبني هالبيت الأخير كثير .. لإن الــــعـــــلاقـــــه بـــيــــنــــنــــا مـــــابـــــهـــــا ريـــــــــــــــب ..................... عــــلاقـــــة ضـــحـــيـــة عــــلـــــى حــــــــــد ســـكـــيــــن

المشاركة الأصلية كتبت بواسطة الذكريات (المشاركة 424399) صح لسانك اخوي والله يعطيك العافية