جانا الخبر والعلم واظح وماثوق=وصفقت بالكفين مما حصلي
قالو توفى راعي الشعر والذوق=شاعر ذوي ميزان في كل دلي
مرحوم ياللي تدفع الرجل برفوق=ياشاعر القلطه ليازاد بلي
الداب الاسود لاحتما كل طاروق =يفتل وينقض والمعاني تحلي
الشاعر اللي معتلي كل شاهوق=فالماقف الغصاب دوم معتلي
شاعر علم بالشعر لاطب بالسوق=ينقد ذهب ماجاب ذلي وذلي
انشهدانك شاعراً تعتلي فوق=والشعر يمك مايجي فيه زلي
لاجا نهاراً فيه سابق ومسبوق=دون القبيله خاطره مسفهلي
انا اشهدانك طيب الذكر وتفوق=والطيب في شرواك ماقيل ملي
يالله عساه بجنة الخلد ويروق=عسى الجنان الخضر فوقك تضلي

الله يرحمه ونعم الرجل

شاعر كبير قليل حضوره ولكن اذا حضر حضر

رحمه الله رحمة واسعه

وصح لسانك واحسن الله عزاء ذوي ميزان وذوي عون وعبدالله ومطير وجمهور المحاوره