تباشري بالخير يادار الاسلام=يادار بيت الله ومسجد رسوله
في عودة اللي دام عزه لنا دام=ساس الزعامه والدهى والبطوله
شفناه متعافي بعد كل الاسقام=وحان الفرح والعيد دقت طبوله
دهاه تعجز عنه الآلسن والأقلام=قلته وكل إنسان فاهم يقوله
في غيبته فقدت مهابه وحكّام=وتفككت دوله ودوله ودوله
شعوب طغيانه وتدمير وإجرام=لكن بلدنا بغيهم مايطوله
شرذمة(ن)تسعى لتنكيس الأعلام=ماأحد(ن)يميز مخرجه من دخوله
شعبك معك ياخادم البيت قدام=ياعاهل(ن)وصل الفرح مع وصوله
لكم الولاء ياأهل الولاء طول الايام=ياعيال من للعز سرّا ذلوله
عبدالعزيز اللي على الموت مقدام=اللي غطت كل الفعايل فعوله
وطى على راس المعاند بالآقدام=ولاحط سارية العلم بالسهوله
الإبسيف(ن)وجبته روس الاخصام=مع بارق(ن)هجنه تباري خيوله
ويوم إنها زانت وهبت بالانسام=رحل عسى الفردوس الآعلى نزوله
وخلّف لنا حكّام ساروا بالاحكام=احكام شرع الله وسنة رسوله
دولة شرع طاهر وخيرات وانعام=حكم(ن)عسى رب الملا مايزوله
هذا كلام الشيب والعز قدام=والكايده رمز الفخر والرجوله

المشاركة الأصلية كتبت بواسطة مواعيـ سراب ـدك (المشاركة 434018) صح لسانه والله يحفظه ويخليه لهله ان شاء الله وبيض الله وجهك يافايز على نقلك لهذه القصيده الجزله يعطيك الف عافيه .. وبنتظار كل جديد منك

المشاركة الأصلية كتبت بواسطة الخافي اعظم (المشاركة 434067) صح لسسسسسسسسسسسسسسسسسسسسسسسسسسسسسسان شاعرها وتسلم يافايز على النقل الجميل واللة انة شاعر صغير وعقلة كبير ماشاءاللة علية اتمنالة التوفيق من كل قلبي والمزيد من الابداع تقبل مروري

المشاركة الأصلية كتبت بواسطة عنود الصيد (المشاركة 434057) مشكور اخوي فايز على ماتنقلة من قصايد جميلة يعطيك العافية

المشاركة الأصلية كتبت بواسطة نزف المشاعر (المشاركة 434531) وعليكم السلام ورحمة الله وبركاته ما شاء الله تبارك الرحمن الله يحفظه ويخليه لكل عين ترجيه . صح لسان شبل ميمون وبيض الله وجهه .. وربي يوفقه في مسيرته الشعرية . ومشكور أخوي فايز والله يعطيك الصحة والعافية على ما تطرحه لنا من أشعار جميلة .

المشاركة الأصلية كتبت بواسطة العاااااقل (المشاركة 437527) صح لسانه وشاعر له مستقبل

المشاركة الأصلية كتبت بواسطة االوتين (المشاركة 437573) قصيده رائعه تسلم ع النقل

المشاركة الأصلية كتبت بواسطة نادر فيــ زمانه (المشاركة 438248) صح لسان شبل ميميون ومشكور ع النقل اخووي قصيده راقت لي وبانتظار جديدك وجديده

المشاركة الأصلية كتبت بواسطة أبن مصاول (المشاركة 438266) صح لسان هذا الشبل وكما يقال هذا الشبل من ذاك الأسد فأباه شاعر وأعمامه شعراء والعائلة كلها عائلة شعرية ولا يستغرب أن يكون أبنائهم شعراء ما داموا يجالسون هذه القامات الشعرية التي أشعارهم تجبر كل متذوق للشعر الحقيقي ان يتوقف امامها مراراً وتكراراً.. مرة أخرى نقول لشبل ميمون صح لسانك وامامك مستقبل شعري باهر إن شاء الله فأنت الآن تقول هذه القصيدة "ماشاء الله عليك" وأنت بهذا السن الصغير فكيف بك وقد تخطيت العشرين فمن المؤكد سوف تكون شاعراً قوياً لا يشق له غبار.. الشاعر المبدع فائز الشيب لا هنت على هذا النشر الراقي لمبدعي ميمون ودائماً موفق في اختياراتك