اليً يبا اللعب يدخل ساحة الملعب=ويدحرج الكوره المنفوخه البرقا
ان سجل اهداف والا الكنج لا يتعب=اوراقه الصًفر بارت في يده حرقا
طبع الهويًن يحاول ياصل الاصعب=حظه ردي ويتمنى الصعب يافرقا
ياهاجسي عد بي في عالي المرقب=أفحص ظنون العرب وأسامر البرقا
ولساني من اللحون يدرًج الاعذب=تجي على صوته المزيونه الطرقا
واليا احتواني نسائم عطرها المرهب=من قارس البرد امدًي مشلحي درقا
فداك عمري واشيلك حب في المنكب=تنجي سفنًا وسفن المرجفه غرقا
من صار مع كل مركوبه غبى يشعب=ترقل عموده رياح الغرب والشرقا
متى الثعالي تباري المبري الاشهب=يسري ويرقى وهي فجحور ماترقا
ياثاير الشعر خيًل ياهلا و ارحب=حياتنا دروس بين الطعن والزرقا
ان راح ماراح قلنا المقبلات أطيب=ونعود للصفرغصب ان ناحت الورقا
دنيا غريبه نشوف ونسمع الاغرب=صارت رجوله فنون الكذب والسرقا

المشاركة الأصلية كتبت بواسطة مواعيـ سراب ـدك (المشاركة 447055) صح لسانك اخوي حمود على القصيده الجزله دائما جديدك مميز بيض الله وجهك يعطيك الف عافيه .. وبنتظار كل جديد منك

المشاركة الأصلية كتبت بواسطة ساكب الحرف (المشاركة 447077) فداك عمري واشيلك حب في المنكب تنجي سفنًا وسفن المرجفـه غرقـا من صار مع كل مركوبه غبى يشعب ترقل عموده رياح الغرب والشرقـا صح لسانك اخوي حمود قصيده جميله راقت لي نعم انت مبدع في التصوير والفكره جازلي هالبيت ان راح ماراح قلنا المقبلات أطيـب ونعود للصفرغصب ان ناحت الورقا دمت بخير

المشاركة الأصلية كتبت بواسطة أبن مصاول (المشاركة 447274) الشاعر المبدع الجزيل حمود العتيبي صراحة وبدون مجاملة كل من يحب الشعر الجزل سوف يتوقف امام هذه القصيدة كثيراً.. كل بيتِ منها بقصيدة وبدون مجامله وانت شاعر من الطراز الرفيع ولا أعلم أين انت من الإعلام المرئي الذي احتله من ليس اهل له.. وهذه نعتبرها قصيدة الأسبوع وتستاهل ***** صح لسانك الآف المرات ونحن دائماً على موعد مع الشعر ومع حمود العتيبي