ياحبيبه خلي الحب بركاده = وافهمي مني كلامي يوم أقوله
لا تخلين الجفا طبعك وعاده = الجفا عنه التقاليد معزوله
مادريتي يوم عشتي في سعاده = ماعرفتي علّة القلب وميوله
تفعلين اللي تبينه فرض إراده = لا طلبتي حاجتك جتك بسهوله
ما يهمك من بذل كل أجتهاده = في هواك و كل شي له اصوله
خلي الحب بوجودك له سياده = حلقي به فوق ما نرضى نزوله
حبنا لاتقتلينه في مهاده = أتركيه يعيش من عمر الطفوله
لو عليّ تمارسي حكم الإباده = أن بغيتي حلّها منك محلوله
بس يكفيني عنا ماابغى زياده = تكفي النظره من العين الخجوله
في مظلة حبنا يوم انعقاده = صوريه ومثلي دور البطوله

المشاركة الأصلية كتبت بواسطة أبن مصاول (المشاركة 450193) أبو خالد ...صح لسانك وقصيدة غزلية ملئت بالصور الجميله و المفردات الرائعه , ونعم إذا حضر أبو خالد حضر الشعر الرومانسي الراقي. صح لسانك واعتلى شانك وننتظر دائماً جديدك المتجدد

صح بدنك اخوي ابن مصاول
اسعدني مرورك الله يعطيك العافيه تحياتي لك

المشاركة الأصلية كتبت بواسطة الذكريات (المشاركة 450195) صح لسانك الله يعطيك الف عافيه

صح بدنك اختي الذكريات
اشكرك الله يعطيك العافيه تحياتي لك

المشاركة الأصلية كتبت بواسطة ساكب الحرف (المشاركة 450297) في مظلة حبنـا يـوم انعقـاده صوريه ومثلي دور البطولـه صح لسانك ابوخالد قصيده جميله بكل ماتعنيه الكلمه اعجبتني كثيرا دمت بخير

اخوي ساكب الحرف صح بدنك
اسعدني مرورك الله يعطيك العافيه

المشاركة الأصلية كتبت بواسطة االوتين (المشاركة 450580) صح السانك.... يعطيك العافيه....

اختي االوتين صح بدنك
الله لايهينك لك تحياااااااتي