ياحبيبن غاب عني وأختفا = أحسب أنه فالمحبه لي صدوق
كل ماجيته يواعد بالوفا = ويتعذر قولت ظروفي تعوق
من عطاني وجه ماأعطيه القفا = ما عليه لا رفعت الراس فوق
لا تلوم الطرف كانه ماغفا = الخفوق اللي يحب يزيد شوق
طالت المده وجوي ماصفا = المشاعر ثايره عيّت تروق
لو يولع شمع قلبي ماطفا = من يطفي نار في وسط الخفوق
كود راع الحق لامنه عفا = الكريم يردلك كل الحقوق
أنت تدري منك جاني ماكفا = حبك اللي سال مع دم العروق
خلنا ياسيدي معك أحلفا = كان لك حيله وفي وصلي شفوق