والله إني على فرقاك ماني صبور=كيف ابصبر وجرحي من فراقك يزيد
من فراقك تعبت وصاب جسمي فتور=والمداوي اليا جاب الدوا مايفيد
وانت ساس العلاج ومايجيب السرور=كل قلب(ن) يشوفك لان لو هو حديد
الجمال احتكرته مير عندك غرور=الجفاء للحبايب منه وش تستفيد
المحبة تفاهم مع تبادل شعور=وانت دايم على مغليك راسك عنيد
لو تعذرت لي يا زين منت معذور=شلت ذنب(ن) قديم وشلت ذنب(ن) جديد
يا حبيبي جمالك جاب خاف الصدور=وانت من مات من سبتك اضنه شهيد
جادل(ن) ما تحط النقش وسط القصور=فالجمال الطبيعي مثل ظبي(ن) فريد
بنت شيخاً اليا جاء واجبه ما يخور=فاتح(ن) باب ديوانه ورايه رشيد
الكرم ميزته والطيب فيه مخبور=كل ما طالت الايام طيبه يزيد
ريف ربعه ليا جت علت(ن) بالنحور=احترامه مع العربان لو هو بعيد

وسلامتكم...

المحبـة تفاهـم مـع تبـادل شعـور وانت دايم على مغليـك راسـك عنيـد
لو تعذرت لي يا زيـن منـت معـذور شلت ذنب(ن) قديم وشلت ذنب(ن) جديد

المشاركة الأصلية كتبت بواسطة أبوحمد الدليقاني (المشاركة 464909) صح لسانك يامسند وبيض الله وجهك

صح لسانك دائماً يابو نافع قصيدة مميزه من شاعر مميز
تحياتي لك ياعميد شعراء المنتدى
.

المشاركة الأصلية كتبت بواسطة ابن مصاول الميزاني (المشاركة 477353) الله عليك يا بو نافع صح لسانك على هالدره ولاهنت يالقرم واننتظر جديدك بكل شوق تقبل تحياتي

المشاركة الأصلية كتبت بواسطة ابن الشاعر (المشاركة 477358) صح لسانك دائماً يابو نافع قصيدة مميزه من شاعر مميز تحياتي لك ياعميد شعراء المنتدى .

المشاركة الأصلية كتبت بواسطة علي حميدان الدجيما (المشاركة 478285) هههههههههه من ضحك بالثرمان يضحك بلا سن خله الله واكبر خلك تعرف الحب حتا ماتلومنا يعطيك العافيه يابو نافع ع هالقصيده الجميله والغزليه بس الربايع لايدرن عنك ثم والله لتجي زنقة القذافي