|
مريت بيبان المقابر والهدف رد السلام /اقرب شاعر
مريت بيبان المقابر والهدف رد السلام = يرحمكم الله ياهياكل قوم بيض اعظامها وانا الذي ممشاي في كل المعاني بالنظام = واليا عرفت الاوله يمكن نعرف ختامها |
رد: مريت بيبان المقابر والهدف رد السلام /اقرب شاعر
الشاعر اللي شايفن نفسه وفي خشمه عرام = يبشر بشعّارن تشيل من الخشوم عرامها أن كان طبعك غير عن كل العرب فيك أنفصام = أنا أعرف مهبل عبادالله واعرف أحكامها |
رد: مريت بيبان المقابر والهدف رد السلام /اقرب شاعر
صح لسانك أخوي قناص المعاني وصح لسان شاعرنا المبدع الحميدي بن فارس .
الله يعطيكم العافية |
رد: مريت بيبان المقابر والهدف رد السلام /اقرب شاعر
صح لسانك اخوي قناص ولاهنت وصح لسان الحميدي بن فارس ولاهنتو
يعطيكم الف عافيه |
رد: مريت بيبان المقابر والهدف رد السلام /اقرب شاعر
صح السانك اخوي قناص المعاني والشاعر الحميدي بن فارس ويعطيكم العافيه ولا هنتو....
|
رد: مريت بيبان المقابر والهدف رد السلام /اقرب شاعر
صح لسانكم ياشعار ورد قوي من ابوخالد
الله يعطيكم العافيه |
رد: مريت بيبان المقابر والهدف رد السلام /اقرب شاعر
صحة ابدان الجميع
والمعذره لانه صار عندي ضرف وانا ماشوف رد الحميدي ولاادري ليش ماهو مسجل لكن اذا كان موجود نكمل الليله والحميدي ما يحتاج شاعر نخبه وانا على قد حالي ههههههههه تمنيت اني اشوف رده اللي حافظه ياشباب يكتبه ودي اعرف وش قال |
رد: مريت بيبان المقابر والهدف رد السلام /اقرب شاعر
تفضل اخوي هذا رد الشاعر الحميدي الشاعر اللي شايفن نفسه وفي خشمه عرام ... يبشر بشعّارن تشيل من الخشوم عرامها أن كان طبعك غير عن كل العرب فيك أنفصام ... أنا أعرف مهبل عبادالله واعرف أحكامها |
رد: مريت بيبان المقابر والهدف رد السلام /اقرب شاعر
اختي ريم الموازين
اشكرك على تعاونك وروحك الرياضيه |
رد: مريت بيبان المقابر والهدف رد السلام /اقرب شاعر
اللي عطاك وسام مايفهم ولايملك وسام = وانته من الرعيان والرعيان مثل اغنامها
ان طعت شوري دس راسك فالثراء مثل النعام = انا رجل قناص والبلها قضبت اخطامها |
رد: مريت بيبان المقابر والهدف رد السلام /اقرب شاعر
الليل الليل يالحميدي
بسرعه قبل سالم رباح يحذف مشاركتي تراه ماعنده حرية راي |
رد: مريت بيبان المقابر والهدف رد السلام /اقرب شاعر
أنا أحترمتك بس أشوفك ماأنت كفو الأحترام = الأرض لاتمشي عليها ثم تثور ألغامها أنا أكبر من اللي تقوله لختلط عج وعسام = من ربعتن دايم تدوس الخصم تحت أقدامها |
رد: مريت بيبان المقابر والهدف رد السلام /اقرب شاعر
حنا ندرجها ومن مثلك يصحون النيام = واكبر قضيه يوم بقعا وقعت ببهامها
الليله انحولك شارع سد ماحولك زحام = حتى بني هندوس في دلهي يصح اسلامها |
رد: مريت بيبان المقابر والهدف رد السلام /اقرب شاعر
حنا ترانا ما أنعرفك لا حلال ولا حرام =أم الكباير في تغطرسها يجوز أعدامها ترى الحرم من دونه المسعى وبيبان السلام = واصل القبايل لانوت غزوه ترز أعلامها |
رد: مريت بيبان المقابر والهدف رد السلام /اقرب شاعر
يالمشرفين انا عندي مشكله في الجهاز ما اشوف رد الحميدي ممكن احد يكتبه
|
رد: مريت بيبان المقابر والهدف رد السلام /اقرب شاعر
اخوي الحميدي ردك ما يطلع عندي
|
رد: مريت بيبان المقابر والهدف رد السلام /اقرب شاعر
ياجماعه ساعدونا مدري الحميدي رد والا لا
|
رد: مريت بيبان المقابر والهدف رد السلام /اقرب شاعر
ياريم الموازين
ممكن مساعده تكتبين الابيات جزاك الله خير ان كان الحميدي رد انا مدري ليش هو ساكت |
رد: مريت بيبان المقابر والهدف رد السلام /اقرب شاعر
يالحميدي ردك مايطلع عندي مادري انت كاتب ابيات والا ايش ياخوي ممكن تعيدهه بخط اخر واصغر
|
رد: مريت بيبان المقابر والهدف رد السلام /اقرب شاعر
تفضل اخوي هذا هو رد الشاعر الحميدي حنا ترانا ما أنعرفك لا حلال ولا حرام ..أم الكباير في تغطرسها يجوز أعدامها ترى الحرم من دونه المسعى وبيبان السلام .. واصل القبايل لانوت غزوه ترز أعلامها ممكن اخوي تكون داخل من جوال عشان كذا مايطلع عندك تنسيق الشعر |
رد: مريت بيبان المقابر والهدف رد السلام /اقرب شاعر
اقتباس:
اقتباس:
عندك مساحه من حرية الراي اخوي في المنتدى بحدود الاحترام وحياك الله ونرحب بك بين اخوانك |
رد: مريت بيبان المقابر والهدف رد السلام /اقرب شاعر
انا من شيوخ العرب وانته توضى بالايدام = ثمانيه رقمك ليا قلنا نعرف ارقامها
الله يجازي من يقول انك بعير ولك سنام = احلام والجهال ينكبها كثير احلامها |
رد: مريت بيبان المقابر والهدف رد السلام /اقرب شاعر
اختي ريم الموازين
جزاك الله خير ووفقك الابيات وصلت عن طريق مشاركتك وافضل تعامل وجدناه في هذا المنتدا هو تعاملك الراقي والاخ الحميدي اطلب منه الابيات و منطش مدري وش السبب الدعوى شعر مايزعل احد بس انا عندي سؤال اذا كان الحميدي شاعر نخبه اجل وش اصير انا هههههههههه |
رد: مريت بيبان المقابر والهدف رد السلام /اقرب شاعر
تسلم اخوي ولابد من ان نحسن الظن الشاعر الحميدي مايطنش احتمال يكون عنده مشكله بالاتصال او ظروف وكل الشعار هنا نخبويين وياهلا فيك اخوي |
رد: مريت بيبان المقابر والهدف رد السلام /اقرب شاعر
اقتباس:
بصراحه انا احد ابنا الموازين وحضرت اشارك مع اخواني ولكن للاسف شاركة اكثر من مره في تحلليل المعاني للشاعر عبدالله الميزاني واذا كان تحليلي يخالف وجه نظر الاخ سالم رباح يتم حذف مشاركتي من سالم رباح ولا اعلم اين الاداره واين المسؤلين والحين اعتزلت اتحليل واذ قال سالم رباح شي نهز روسنا مثل الهنود واصبح سالم رباح هو لسان الموازين والمعروف ان ابناء قبيلة الموازين اهل شعر وافكار تخدم الشعر ورفض الراي الاخر لايخدم المنتدى ارجو من المسؤلين تقبل وجهات النظر واحترام راي الاخرين حتى لو يكون خطاء بشروط ان لايخل بالمبدي الاسلاميه والاخلاقيه |
رد: مريت بيبان المقابر والهدف رد السلام /اقرب شاعر
ترى الحرامي عندنا مكشوف لو صلى وصام = بكره يعود واليدين يعض روس أبهامها الله يعين أمه وأبوه اللي غذوه من الطعام = يبون منه الفايده والمرجله ما رامها |
رد: مريت بيبان المقابر والهدف رد السلام /اقرب شاعر
اخوي قناص المعاني سالم رباح ليس مسؤول الان عن قسم عبدالله غازي وبامكانك واي عضو تحليل اي محاوره ونرحب باي تحليل في قسمه سواء كان منك اخوي او من اي شاعر والاداره حريصه على كل شاعر هنا وكل عضو وياهلا بجميع ابناء الموازين في منتداهم ومكانهم..~ |
رد: مريت بيبان المقابر والهدف رد السلام /اقرب شاعر
رد الشاعر الحميدي ترى الحرامي عندنا مكشوف لو صلى وصام ... بكره يعود واليدين يعض روس أبهامها الله يعين أمه وأبوه اللي غذوه من الطعام ... يبون منه الفايده والمرجله ما رامها |
رد: مريت بيبان المقابر والهدف رد السلام /اقرب شاعر
هاذي نهاية من يجمع له حطب جوف الظلام = ليت العرب ياربعنا عنا تشيل اصنامها
لو الشباب يعود مانشكي من امراض العظام = يالله عسى حلو الليالي والسعد قدامها |
رد: مريت بيبان المقابر والهدف رد السلام /اقرب شاعر
الاخ الحميدي صح السانك استمتعت بالعب معك
كذلك الشكر موصول لجميع من شارك وصحح ولنا لقا انشالله مع شعراء نخبه ومعنى اخرين في الايام القادمه |
رد: مريت بيبان المقابر والهدف رد السلام /اقرب شاعر
شكر خاص للاخت المشرفه ريم الموازين
على تواضعها وحسن معاملتها واخلاقها العاليه وفقها الله وجزاها خير واستودعكم الله جميعا الى اللقاء |
رد: مريت بيبان المقابر والهدف رد السلام /اقرب شاعر
صحت السنتكم ومحاوره قويه من الشاعرين
ومن هذه المحاوره نكتشف الشاعر ابو خالد بأنه شاعر محاوره كبير كما هو كبير في النضم فأنا لي عتب كبير ع ابو خالد لماذا مايكون دايم حاضرآ في قسم المحاوره معنا وهو بهاذا المستوا ماشاء الله بس له يوم ياويله خلني اتفرغ له ههههههههههه والله محاوره رائعه من شاعرين متمكنين جدآ ولوا فيها بعض النزول شوي ولاكن مايمنع الثقه موجوده والمحاوره نقاش لايزعل منها احد ولازم يكون فيها حزم وشده تبرز قوة الخصم وموهبته والمجامله في الشعر سوا نضم او \ محاوره لاتخدم الشاعر ولا الشعر . الله لايهينكم ع ماقدمتم ونتمنا قسم المحاوره يكون مستمر كما عودنا وبشكل منضم وهذا مانتمناه دمتم بخير |
رد: مريت بيبان المقابر والهدف رد السلام /اقرب شاعر
صح لسان الشاعر الكبير شاعر النخبه الحميدي بن فارس بن مدلج وأيضاً نقول للأخ قناص المعاني بان المنتديات مفتوحة للجميع للمشاركه وأنت لم تتقدم بالشكوى للإداره لترى ردة فعلها ..نرجو التقيد بضوابط المنتديات من الجميع فالضوابط تطبق على الجميع واما بالنسبة لتحليل سالم ليس بقرآن يسلم به كذلك تحليلك أنت فما انتما إلا مجتهدان ولو انك لم تعكر محاورتك بالتطرق لأمور جانبيه وركزت على أبياتك كان أفضل.
أيضاً اتقدم بالشكر الجزيل للأخت العزيزه ريم الموازين لمراقبتها للمحاورة والإشراف عليها في غياب مشرفي قسم المحاوره!! |
| الساعة الآن 05:49 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
