منتديات الموازين الرسميه - ×/ ياخروفي يومك تظهر السن بنشدك : ليش انت فرحان ؟!!/×

منتديات الموازين الرسميه (http://www.almouazeen.com/index.php)

- من تصوير الأعضاء (http://www.almouazeen.com/forumdisplay.php?f=90)

- - ×/ ياخروفي يومك تظهر السن بنشدك : ليش انت فرحان ؟!!/× (http://www.almouazeen.com/showthread.php?t=43822)

نزف المشاعر

14 - 11 - 11 03:13 AM

×/ ياخروفي يومك تظهر السن بنشدك : ليش انت فرحان ؟!!/×

بسم الله الرحمن الرحيم

السلام عليكم ورحمة الله وبركاته

وأسعد الله جميع اوقاتكم بالخير بالخير والمسرات ..

" اللهم لك الحمد كما ينبغي لجلال وجهك وعظيم سلطانك "

وشلونكم ؟ ووش لون العيد معكم .. إن شاء الله عيدتوا واستانستوا ؟

الحمد لله عيد الأضحى هذا العام كان مختلف بالنسبة لي عشته بكل فرح وسرور لم أشهدها منذ 4 أعوام .

حيث الأعوام الماضية طرأت لنا منغصات من وفاةاو اصابة بمرض لم نشعر معها بطعم العيد .. " مابي أقلب المواجع "

نرجع لموضوعنا ..طبعا مانسيتكم لازم تشاركوني فرحة هذا العيد .. ف التقطت لكم بعض القطات بعدستي المتواضعة .

http://almizany.info/viewimages/362b5ddf7a.jpg

ياخروفي يومك تظهر السن بنشدك : ليش انت فرحان ؟!!

http://almizany.info/viewimages/e89a38d1b0.jpg
ليه فرحان ؟!! و أنت بالنار قاضي آخر مراحل سنينك ؟!!

http://almizany.info/viewimages/7e05db1fa9.jpg

شوفوا الراس الثاني كيف عاض على اسنانه من القهر .. لأنه كان حامل وذبحناه وجنينه في بطنه " تحسفنا عليه صراحة ماكنا ندري إنه حامل ولا كان ذبحنا غيره "

http://almizany.info/viewimages/85eec6a59e.jpg

http://almizany.info/viewimages/11396b60de.jpg

عندي وحده الله يذكرها بالخير أول مره تحرق حيوانات .. عفوا قصدي تحرمس روس وفراسن خلت الفراسن على النار لين احترقت مابقى إلا العظم والحافر ههههههههه نسيت أصورهن بشكلهن النهائي .. والراس شوفوا شكله
http://almizany.info/viewimages/3be717144a.jpg
كيف ماله أذاني ولحمة خده مستويه من كثر ماتشلوط على النار ههههههههههه .

http://almizany.info/viewimages/e0bc14c7e9.jpg

وهذولي خرفاننا العزيزة بعد ماقمت بطبخهن على العشاء بمساعدة الوالدة ربي يخليها لي" مرتين بغيت أطيح في القدر " ههههههههههههه .

الصورة هذي بعد الهجوم لأني ماقدرت أصورهن قبل يقلطون الرجال .

" سبحان الله من الغرائب ذاك اليوم مافيه ولا مخبز ولا بقالة عنده قرصان كنا بنحطها على المفطحات " يقولون فيه وحده اسمها لولو مدري ريم الموازين آخذتهن ماخلت ولا حته " الله يسامحك ورى ماخليتي لنا شوي نستر به مفطحاتنا ههههههههههههههههههههههههههه

نعود بكم للوراء قليلا

في مغرب يوم التروية داهمتنا عاصفة رملية

http://almizany.info/viewimages/e6a676ffb3.jpg

صورة جوية للعاصفة من هيلوكبتري الخاص .

ونعود بالذاكرة قليلا للوراء

تتذكرون هذا
http://almizany.info/viewimages/b9fa1fe67b.jpg

بعد صلاة الفجر يوم العيد كان نايم بالحوش ههههههههه
ياعمري مايدري إنها آخر نومه بحياته ..وبعد مارجع الوالد والوالدة من صلاة العيد قالوا لنا القطو يطلبكم الحل حصلوه مصدوم بالشارع .. الله يرحمه ضاقت صدورنا عليه كان ودنا يعيد معنا صراحة نحس إنا افتدقنا احد أفراد العائلة ..

وختاما

أتمنى أنكم انبسطتوا وأ عجبكم الموضوع .

نزف المشاااااعر

بنت الغلباء

14 - 11 - 11 03:50 AM

رد: ×/ ياخروفي يومك تظهر السن بنشدك : ليش انت فرحان ؟!!/×

نزوف احب فيك عفويتك في طرحك للمواضيع الشخصيه

لكن وش ذا الرعب ماامداني افتح الموضوع الاطلعولي هذول ههههههههه

وعظم الله اجرك في البسه ياحرام كسرت خاطري والله

احب البسس بصراحه لكن الحين محرومه من تربيتها

ودام عندك هليكوبتر ورا ماتسيرين علينا بالشرقيه هههههههه

يعطيك العافيه ياقلبي

عنود الصيد

14 - 11 - 11 07:09 AM

رد: ×/ ياخروفي يومك تظهر السن بنشدك : ليش انت فرحان ؟!!/×

يالله صباح خير

وش هذااا يانزوووووووووووف اول مافتحت الصفحه الا طالع بوجهي وخفت اما اللي فتح فمة شيء مشاءالله

وش ذا الاجرام ذابحين المسكينه وهي حااامل

الله يرحم القطوووة معيدت الضعيفة هههههه

وين العزيمة ولا قلتي حيااكم

على العموم الرووس متساعد الواحد ياااكل الله يديم النعمة

اقول ولا لحمة وزعتي ولا شيء

كان عطيتينااا فخذ يختي نصلحهااا في المنتدى هههههههههههه نشوي او نحطهااا مندى

تسلمين عالصور المخيفه امااا اللي فاتح فمه مراااح اكمل نومتي منه

مشكورة حبيبتي وعساااه محل عااامر بوجودك

تحياتي لك بنيتك الحبوبه

في قلبي منك لمحات

14 - 11 - 11 08:46 AM

رد: ×/ ياخروفي يومك تظهر السن بنشدك : ليش انت فرحان ؟!!/×

ياحظكم بلعيد

مو مثل بعض الناس يسمع ان فيه عيد

يالله ان شاء الله الاعياد قدام اهم شي العافيه.

بصراحه مووضووع اخر حلااااوه. < مدمن ذبح وشوي.

كل الشكر لكي نزف على الطرح الراائع.

نزف المشاعر

14 - 11 - 11 02:26 PM

رد: ×/ ياخروفي يومك تظهر السن بنشدك : ليش انت فرحان ؟!!/×

اقتباس:

المشاركة الأصلية كتبت بواسطة بنت الغلباء (المشاركة 472261)

تسلمين بنوته .. ربي يعافيك

بالعكس مو رعب إلا مثير للضحك ، شوفي كيف ابتسامته هههههههههههههههه

أجرنا وأجرك ياختي والله للحين نتذكره ودنا يرجع اشتقنا له ..

شاكرة لك مرورك وتشريفك ياحيي .

ريم الموازين

14 - 11 - 11 02:31 PM

رد: ×/ ياخروفي يومك تظهر السن بنشدك : ليش انت فرحان ؟!!/×

والله يانزوووف انك مشلوطه الراس شلوطه
ماهي هينه ياكيف صالخته صلخ هههههه
تعالي بسوي لك كورسات شلوطة روس وفراسن ههههههههههه
<< خبره ذبايح وشلوطة روس :)
انتم اغبار اجل حنا ليلة عرفه امطار<< راضي الله عليهم ههههه
اما بستك الله يرحمها شكلها يوم طلعت متنكره على شكل خروف
وضحو بها ههههههههههههههههه
اقول نزووف انا ماشري قرصان من برا انا اسوي قريصاتي
بدياتي فديتني هههههههههههههههههههه
عمومآ موضوع روووعه وذكرتيني بكرف يوم العيد :z07:
جعله منزل عامر وثاني مره اعزميني ترا ياختي اجي بعدين
ترا طيحت القدر ماجت كذا هذا عشان ماعزمتيني ههههههههه
تستاهلين التقييم << شوفيني كريمه عزميني عاد المره الثانيه يابعدي :)

أبن مصاول

14 - 11 - 11 03:10 PM

رد: ×/ ياخروفي يومك تظهر السن بنشدك : ليش انت فرحان ؟!!/×

موضوع مميز كتميز صاحبته وتألقها الدائم ...وهنا نحن أعضاء منتديات الموازين نثبت للكل بأننا نخبه

وسوف أعود للموضوع لا حقاً ولكن لي تعليقات بسيطه:

1-هولوكوست رهيب لو دروا عنك حقوق الحيوان يا ويلك!!!.:008:

2-ملاحظه:أن خرفانكم يحملون !!!! وشلون؟؟؟ ههههههه:0092: لحظه أبي ادور هالمعلومه بقووقل :z06:

3-الطياره للبيع ؟؟:icon9:

وتستاهلين التقييم بخمس نجوووم للهولوكوست الرهيب:022:

ملكة القوافي

14 - 11 - 11 07:29 PM

رد: ×/ ياخروفي يومك تظهر السن بنشدك : ليش انت فرحان ؟!!/×

http://almizany.info/viewimages/362b5ddf7a.jpg

أهداء للخروف
ايه أبتسم دامك عن الكون راحل=مرتاح من هم الحياة وتعبها
ههههههههههههههههههه

أهداء لنزف المشاعر
يانزف لا تحرقين الراس=راس الذبيحه مكانه غير
الراس مقدار قوم وناس=ماحط للرعب والتصوير

ههههههههههههههههههههههههه

الله عليك يا نزف يا زين عيدكم
والله عيدنا كان وناسه وذبايح وشئ
بس للآسف جوالي انتقل لرحمة الله قبل العيد هههههه
وما شريت للحين ولا كان سسبقتك
والله يعطيك العافيه على التصوير والموضوع الرائع

لؤلؤة الموازين

15 - 11 - 11 12:53 AM

رد: ×/ ياخروفي يومك تظهر السن بنشدك : ليش انت فرحان ؟!!/×

:wavetowel2::wavetowel2:مشاء الله عليك نزوف والله شغل متعوب عليه
وشكل الروس مضحك على الأبتسامه الحزينه
ذكرتيني بعيد هالسنه كان لم يكن سعيداً بالنسبة
لي وكرفت فيه كررررررف :eetrath:مع ثلاث ذبايح
وجتني الروس في كرتون تقولي من العايدين
ههههههه وخضت معركه:z057: مع تقطيع الكبده
الي كان ينتظرها حشد من الرجال ((والشغاله مسافره))
أما سالفة القرصان من العجز خلاص طفيت حطيت
على كل صينيه وحده ههههههههههه
كان عيد ملئ بالمغامرات !!!والجهد والتعب!!
يسلمو يانزوف ذكرتينا بذيك الأيام تسلمين ..
على الطرح المميز للموضوع كاعادتك..

الذكريات

15 - 11 - 11 02:18 AM

رد: ×/ ياخروفي يومك تظهر السن بنشدك : ليش انت فرحان ؟!!/×

روووووووووووووووعه الله يعطيك الف الف عافية

نزف المشاعر

15 - 11 - 11 02:52 PM

رد: ×/ ياخروفي يومك تظهر السن بنشدك : ليش انت فرحان ؟!!/×

اقتباس:

المشاركة الأصلية كتبت بواسطة عنود الصيد (المشاركة 472269)

يالله صباح خير

وش هذااا يانزوووووووووووف اول مافتحت الصفحه الا طالع بوجهي وخفت اما اللي فتح فمة شيء مشاءالله

وش ذا الاجرام ذابحين المسكينه وهي حااامل

الله يرحم القطوووة معيدت الضعيفة هههههه

وين العزيمة ولا قلتي حيااكم

على العموم الرووس متساعد الواحد ياااكل الله يديم النعمة

اقول ولا لحمة وزعتي ولا شيء

كان عطيتينااا فخذ يختي نصلحهااا في المنتدى هههههههههههه نشوي او نحطهااا مندى

تسلمين عالصور المخيفه امااا اللي فاتح فمه مراااح اكمل نومتي منه

مشكورة حبيبتي وعساااه محل عااامر بوجودك

تحياتي لك بنيتك الحبوبه

مادرينا إنها كانت حامل " شكلها بالشهور الأولى عشان كذا مابان " هههههههههههه

وبعدين ياختي هذا وش تسمينه ؟!!
جايبة لك الصواني بكبرها وتقولين ماعزمتك .. عيب تقلطين قبل الرجال هههههههههه

اما القطوة صدقتي ماعيدت الضعيفة إهئ إهئ .

ربي يسلمك عيوني .. سعيدة بمرورك واطلالتك الحلوة

نزف المشاعر

15 - 11 - 11 02:57 PM

رد: ×/ ياخروفي يومك تظهر السن بنشدك : ليش انت فرحان ؟!!/×

اقتباس:

المشاركة الأصلية كتبت بواسطة في قلبي منك لمحات (المشاركة 472273)

مرحبا بك أخوي .. وتسلم الحلو مرورك ربي يخليك

صدقت أهم شي العافية ..

بس ممكن تحكي لنا عن العيد عندك وكيف قضيته ؟

شكلك مغترب !!

شاكرة لك مرورك وتشريفك

نزف المشاعر

15 - 11 - 11 03:16 PM

رد: ×/ ياخروفي يومك تظهر السن بنشدك : ليش انت فرحان ؟!!/×

يالله إنك تحييها

اقتباس:

المشاركة الأصلية كتبت بواسطة ريم الموازين (المشاركة 472328)

والله يانزوووف انك مشلوطه الراس شلوطه
ماهي هينه ياكيف صالخته صلخ هههههه
تعالي بسوي لك كورسات شلوطة روس وفراسن ههههههههههه
<< خبره ذبايح وشلوطة روس :)
تراك فاهمة الموضوع غلط قسم قسمات مو انا اللي مشلوطة .. مايحتاج تعطين كورسات دام عندك خبرة جهزي عمرك العيد الجاي إذا الله أحيانا برسل لك الروس تشلوطينها والفراسن لك هدية هههههههههههههه
انتم اغبار اجل حنا ليلة عرفه امطار<< راضي الله عليهم ههههه

جانا مطر بس والله ناسية متى .
اما بستك الله يرحمها شكلها يوم طلعت متنكره على شكل خروف
وضحو بها ههههههههههههههههه

ههههههههههههههههههههههه ضحى بها واحد مايخاف الله جاء مسرع وصدمها
ياعمري لو إنك شايفتها وراسها مفضوخ والله إن تبكين عليها .
اقول نزووف انا ماشري قرصان من برا انا اسوي قريصاتي
بدياتي فديتني هههههههههههههههههههه

إيه تسوينها بدياتك ماقلنا شي .. بس لاتنكرين ذاك اليوم من كثر الكرف اللي جاك تعيجزتي تسوينهن هههههههههههههههه
عمومآ موضوع روووعه وذكرتيني بكرف يوم العيد :z07:
تسلميم حبيبتي تواجدك الأروع .ياحلو كرف العيد مع إنه متعب إلا انه ممتع .
جعله منزل عامر وثاني مره اعزميني ترا ياختي اجي بعدين
ترا طيحت القدر ماجت كذا هذا عشان ماعزمتيني ههههههههه
عزمتك بس ماجيتي شكلك نسيتي هههههههههههههه وتراي أرسلت لك عشاء وللحين مارجعتي الماعون هههههههههههههههههه
تستاهلين التقييم << شوفيني كريمه عزميني عاد المره الثانيه يابعدي :)

لاهنتي على التقييم ماقصرتي كثر خيرك ..

شاكرة لك مرورك وتشريفك

ابن الشاعر

15 - 11 - 11 11:20 PM

رد: ×/ ياخروفي يومك تظهر السن بنشدك : ليش انت فرحان ؟!!/×

شلوطه وعجاج وموت
عز الله انكم عيدتو يانزف
والا هالروس اللي كنها طقم هديه
والصحون اللي مافيها الا عظام
اقول لوانكم صايمين يوم العيد اوجر لكم

لا تعليق >> ( ماخلا شي ) هههه
.وفعلا موضوع يستاهل التقييم
.

أبو بندر

16 - 11 - 11 09:52 AM

رد: ×/ ياخروفي يومك تظهر السن بنشدك : ليش انت فرحان ؟!!/×

موضوع مميز كتميز صاحبة الموضوع لون الراس محترق انا قلت مطلعينه من بقايا انفجار هههههه
احسن الله عزاكم فالبسه خاتمتن طيبه توفت في يومن مبروك خخخخ بيهون المصيبه
شكرا اختي نزف على التألق دمتي بخير

نزف المشاعر

17 - 11 - 11 02:03 AM

رد: ×/ ياخروفي يومك تظهر السن بنشدك : ليش انت فرحان ؟!!/×

اقتباس:

المشاركة الأصلية كتبت بواسطة أبن مصاول (المشاركة 472334)

مرحبا بك أستاذنا الكبير

ههههههههههههههههه بالنسبة إن خرفاننا تحمل .. فلفظ الخروف يطلق على الخروف والخروفة قصدي النجدية يعني على الذكر والأثنى .. مثل مالفظ الولد في اللغة العربية يطلق على الذكر والأنثى . ( واضح الشرح ) هههههههههههه

أما الطيارة فحظ أوفر لك تم بيعها في معرض دبي للطيران ههههههههههه .

مشكور على التقييم ماقصرت الله يعطيك العافية

سررت بمرورك وملاحظاتك الجميلة ..

نزف المشاعر

17 - 11 - 11 02:10 AM

رد: ×/ ياخروفي يومك تظهر السن بنشدك : ليش انت فرحان ؟!!/×

اقتباس:

المشاركة الأصلية كتبت بواسطة ملكة القوافي (المشاركة 472366)

http://almizany.info/viewimages/362b5ddf7a.jpg

أهداء للخروف
ايه أبتسم دامك عن الكون راحل=مرتاح من هم الحياة وتعبها
ههههههههههههههههههه

أهداء لنزف المشاعر
يانزف لا تحرقين الراس=راس الذبيحه مكانه غير
الراس مقدار قوم وناس=ماحط للرعب والتصوير

ههههههههههههههههههههههههه

الله عليك يا نزف يا زين عيدكم
والله عيدنا كان وناسه وذبايح وشئ
بس للآسف جوالي انتقل لرحمة الله قبل العيد هههههه
وما شريت للحين ولا كان سسبقتك

والله يعطيك العافيه على التصوير والموضوع الرائع

حيا الله شاعرتنا المميزة

اهدائك مقبول وصح لسانك .. عز الله إنك صدقتي
إرتاح من هم الحياة وتعبها .

الوفيات كثيرة هالايام ههههههههههههه
خيرها بغيرها ياختي .. إن شاء الله السنة الجاية إذا ربي عطانا عمر تتحفينا بصور عيدكم ..

ربي يعافيك ويسلمك ياقلبي .. شاكرة لك مرورك الرائع

مواعيـ سراب ـدك

17 - 11 - 11 11:33 PM

رد: ×/ ياخروفي يومك تظهر السن بنشدك : ليش انت فرحان ؟!!/×

هههههههههههههه صراحه احس كلها رعب ههههه

مشاء الله عليك وعلى طرحك

يعطيك الف عافيه

نزف المشاعر

23 - 11 - 11 01:30 AM

رد: ×/ ياخروفي يومك تظهر السن بنشدك : ليش انت فرحان ؟!!/×

اقتباس:

المشاركة الأصلية كتبت بواسطة لؤلؤة الموازين (المشاركة 472395)

هلا وغلا بلؤلؤتنا ..

ربي يعافيك ويسلمك ياقلبي

صادقة ياختي أنا اعتبر يوم عيد الأضحى يوم الكرف العالمي هههههههههههههه وعلى قولتك مغامرات ومعارك بس والله حلووووة لما نتذكرها ..

نوريتنا ياقلبي ,, وسررت بمرورك وتعليقك الجميل

كل الشكر لك عيوني ..

نزف المشاعر

23 - 11 - 11 01:32 AM

رد: ×/ ياخروفي يومك تظهر السن بنشدك : ليش انت فرحان ؟!!/×

اقتباس:

المشاركة الأصلية كتبت بواسطة الذكريات (المشاركة 472402)

روووووووووووووووعه الله يعطيك الف الف عافية

ربي يعافيك يالغالية

شاكرة لك مرورك وتشريفك

نزف المشاعر

23 - 11 - 11 01:38 AM

رد: ×/ ياخروفي يومك تظهر السن بنشدك : ليش انت فرحان ؟!!/×

اقتباس:

المشاركة الأصلية كتبت بواسطة ابن الشاعر (المشاركة 472485)

ههههههههههههههههههههههههههه لاتعليق صراحة فطستني ضحك

تسلم اخوي ولا هنت على التقييم

سررت بمرورك وتعليقك الطريف ..

آحلى عسلـ

26 - 11 - 11 09:48 PM

رد: ×/ ياخروفي يومك تظهر السن بنشدك : ليش انت فرحان ؟!!/×

http://almizany.info/viewimages/362b5ddf7a.jpg

يا الله موتتني من الضحك هالصوره
ابحتفظ فيها لا بغيت اضحك اشوفها بس

^_^

بس والله كسرت خاطري غنمتكمـ الحامل
إلا : وين وديتو البيبي حقها ههههههههههه

تسلم الايادي ي قمررر ..

:z025:

عيد المطيري

27 - 11 - 11 04:52 PM

رد: ×/ ياخروفي يومك تظهر السن بنشدك : ليش انت فرحان ؟!!/×

http://almizany.info/viewimages/362b5ddf7a.jpg

اولآ عيدكم مبارك وكل عام وانتم وجميع المسلمين بخير

ثانيآ / عظم الله أجركم فى بستكم وعوضكم الله فى بسه ثانيه ههههه
ثالثآ/وربي شكل الروس تخوف خخخخ يعيني ع الأسنان الحلوه شكله مافارق الحياه فى عينه القطره ما يبي الحياه ..

ماشاء الله عليك يا نزف متميزه فى المطبخ والتصوير والمنتدى وغيرها

تحيااااتي لك

العبدالله

11 - 12 - 11 11:27 PM

رد: ×/ ياخروفي يومك تظهر السن بنشدك : ليش انت فرحان ؟!!/×

الله يعطيك العافيه

الساعة الآن 06:14 AM.

إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها