|
ليلة الامطار
بسم الله الرحمن الرحيم محاورة ليلة الامطار اقيمت مساء السبت في 3/4/1433هـ بين الشاعرين/علي الدجيما --وعبدالرحمن العقيلي ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ العقيلي سلامي سلام احرار في ليلة الامطار=علينا مطر من غير سيلٍ يعدونه وعلي الدجيما حسب مافادت الاخبار=غرق في المطر ويخايل البرق بعيونه الدجيما هلا مرحبا ياشاعر(ن)مثل الشعار=وعلا الطايله والمرجله عد طبلونه انا الحمد لله فالمطر ماعلي اغبار=واخيل الحيا والراس عزه من امتونه العقيلي اقول انت من مسكة الى حدها ويسار=ودربك عسيرٍ تتعب الرجل من دونه وانا ودي انك بيننا بصحبة الاخيار=واذا طعت شوري خل جمران وجنونه الدجيما الا يالعقيلي ماش زنقه وبيت ودار=ولا فيه وعل(ن)حرك الضلع بقرونه وانا ويش ابي بالطايره وانته الطيار=وراع الونيت ايقول صلب درقسونه العقيلي هذا معمر اللي قالها مروض الاحرار=اقر في كتابه واسئل اللي يعرفونه وطيارتي ماطق جنحانها السمسار=تطير وتحلق بين لندن ولشبونه الدجيما تحط الكبار اصغار ولا الصغار اكبار=يدور الفلك والتمر في راس عرجونه لاكن انتبه لاترمي الملح وسط النار=ترا ضحكة الايام ماهي بمامونه العقيلي ترا الكبر لله وانت تتبعك روس صغار=وانا اعرف نوايا الرجل من ضحكة سنونه قل الشور لي لاجيت ادور وراك الشار=تر ماني اللي لا لعب شانت ضنونه الدجيما علا الهون تكفا لاتوتر ولاتحتار=تراني ماقلت اغسل يدينك بصابونه ابعطيك شوري وانت علم به اهل شهار=عسا اللي مربط بالسلاسل يفكونه العقيلي اشوفك تجاهلنا ولاكن شيٍ صار=وصعب الرجل معك انت يلعب على هونه وهل شهار ياعلي الدجيما كبار اعمار=ولاكل رايٍٍ يابيض الوجه يرضونه الدجيما انا مالبست اشعار ماهو بلي اشعار=ولا قول نعم الا لمن يستحقونه نبا نختم المشوار يابادي المشوار=وترا لحيتك بالسمن والطيب مدهونه |
رد: ليلة الامطار
الله ..الله عليك يا أبو حمد دائماً مبدع وراقي بطرحك
وننتظر الشاعر الكبير علي بن حميدان الدجيما "أبوحسين" |
رد: ليلة الامطار
مرحبا ملايييييييييييييييييييين والله استاذنا القدير بن مصاول
انورت واسفرت بحضورك يابوضيف الله |
رد: ليلة الامطار
هلا مرحبا ياشاعر(ن)مثل الشعار=وعلا الطايله والمرجله عد طبلونه انا الحمد لله فالمطر ماعلي اغبار=واخيل الحيا والراس عزه من امتونه |
رد: ليلة الامطار
ارحب يابو ضيف الله انورة وسفرت
|
رد: ليلة الامطار
اقول انت من مسكة الى حدها ويسار=ودربك عسيرٍ تتعب الرجل من دونه وانا ودي انك بيننا بصحبة الاخيار=واذا طعت شوري خل جمران وجنونه |
رد: ليلة الامطار
ابو حسين ردك تاخر
|
رد: ليلة الامطار
اقتباس:
|
رد: ليلة الامطار
الا يالعقيل ماش زنقه وبيت ودار=ولا فيه وعل(ن)حرك الضلع بقرونه وانا ويش ابي بالطايره وانته الطيار=وراع الونيت ايقول صلب درقسونه |
رد: ليلة الامطار
متابعون وصحت ألسنتكم
|
رد: ليلة الامطار
الله يسلمك يابو ضيف الله شهادتك وسام وتاج
|
رد: ليلة الامطار
هذا معمر اللي قالها مروض الاحرار=اقر في كتابه واسئل اللي يعرفونه وطيارتي ماطق جنحانها السمسار=تطير وتوقع بين لندن ولشبونه |
رد: ليلة الامطار
تحط الكبار اصغار ولا الصغار اكبار=يدور الفلك والتمر في راس عرجونه لاكن انتبه لاترمي الملح وسط النار=ترا ضحكة الايام ماهي بمامونه |
رد: ليلة الامطار
ترا الكبر لله وانت تتبعك روس كبار=وانا اعرف نوايا الرجل من ضحكة سنونه قل الشور لي لاجيت ادور وراك الشار=تر ماني اللي لاكبر شانت ضنونه |
رد: ليلة الامطار
علا الهون تكفا لاتوتر ولاتحتار=تراني ماقلت اغسل يدينك بصابونه ابعطيك شوري وانت علم به اهل شهار=عسا اللي مربط بالسلاسل يفكونه |
رد: ليلة الامطار
اقتباس:
والله مايناحيك اللي من يناحي وادي الرمه |
رد: ليلة الامطار
لا هين يالله السلامه منك راس المال منك مكسب يابو حمد
يعطيك العافيه |
رد: ليلة الامطار
اشوفك تجاهلنا ولاكن شيٍ صار=وصعب الرجل معك انت يلعب على هونه وهل شهار ياعلي الدجيما كبار اعمار=ولاكل رايٍٍ يابيض الوجه يرضونه |
رد: ليلة الامطار
اقتباس:
|
رد: ليلة الامطار
انا مالبست اشعار ماهو بلي اشعار=ولا قول نعم الا لمن يستحقونه نبا نختم المشوار يابادي المشوار=وترا لحيتك بالسمن والطيب مدهونه |
رد: ليلة الامطار
يعطيك العافيه يابو حمد والله ان المحاوره معك متنمل ولاكن اخذنا الكفايه
وانا والله اني استمتع بالمحاوره معك ومهما قلنا مايلحقنا شك بشعرك ولاكن المحاوره تطلب منا ابراز العضلات وعدم الاستسلام للخصم وفالنهايه ترجع المياه الى مجاريها ولا في الخاطر مثقال ذره والحمد لله : استمتعنا بهذه المحاوره بحضور الاستاذ القدير ابو ضيف الله والذي له مكانه خاصه الله يعطيه العافيه |
رد: ليلة الامطار
يعطيكم العافية ومشكورين على هالمحاورة الرائعه
|
رد: ليلة الامطار
اقتباس:
الله يعافيك العنود |
رد: ليلة الامطار
صح السنتكم ياشاعرن على المحاورة الجميلة وشكر مصول ابو سلطان
وشكر مصول عبدالرحمن متعوناء بهذي المحاورة الجميلة |
رد: ليلة الامطار
اقتباس:
يابوحسين شهادتك نعتز بها واللعب معك دائم اكون على اعصابي هههههههههه اهنئك على الابداع الفير مستغرب وتفوقك التام في هذا المساء ونعد المتابعين برد الدين في الاسابيع القادمه ههههههه بطبيعة الحال المحاورة الهدف منها التسلية وهي تنافس على ارض ساحة المحاورة اما خارج الساحه فالامور طبيعيه :جدااا وجميعنا ابناء اسرة واحده جل التقدير |
رد: ليلة الامطار
اقتباس:
جل التحايا لك |
رد: ليلة الامطار
صح لسانك يالدجيما والعقيلي الصرحة فاتن هالابداع من الشاعرين ومحاوره من اجمل المحاورت .
العقيلي اقول انت من مسكة الى حدها ويسار ودربك عسيرٍ تتعب الرجل من دونـه وانا ودي انك بيننا بصحبة الاخيـار واذا طعت شوري خل جمران وجنونه الدجيما الا يالعقيلي ماش زنقه وبيـت ودار ولا فيه وعل(ن)حرك الضلع بقرونه وانا ويش ابي بالطايره وانته الطيار وراع الونيت ايقول صلب درقسونه العقيلي هذا معمر اللي قالها مروض الاحرار اقر في كتابه واسئل اللي يعرفونـه وطيارتي ماطق جنحانها السمسـار تطير وتوقع بين لنـدن ولشبونـه الدجيما تحط الكبار اصغار ولا الصغار اكبار يدور الفلك والتمر في راس عرجونه لاكن انتبه لاترمي الملح وسط النار ترا ضحكة الايام ماهـي بمامونـه |
رد: ليلة الامطار
اسعدني مرورك الكريم شاعرنا الدولي
وشهادتك غالية الثمن بلا شك انورت واسفرت وتقبل فائق الاحترام والتقدير |
رد: ليلة الامطار
للأسف لم أشهادها إلا متأخرا
صحت السنتكم وبيض الله وجيهكم .. في شوق لجديدكم القادم .. الله يعطيكم العافية يا الثنائي الجزل .. |
رد: ليلة الامطار
اقتباس:
تحياتي |
رد: ليلة الامطار
الله الله
صحت الألسسن والقلووب ابدعتووا ولاهو غريب عليكم |
رد: ليلة الامطار
صحت السنتكم شعار مافيكم حيله الله يعطيكم العافيه
تحياتي للجميع |
| الساعة الآن 03:31 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
