لولا عيونك ما كتبت القصيده=ولا صرت من نظرت عيونك تعذبت
عين اشقر(ن) نظرات عينه حديده=من هجرته حول على ساحل الخبت
يذكر وقالوا يا بخت من يصيده=طبع الوحش ينحاش لا منك ارقبت
والخد براق المزون السديده=من شاف برقه قال سيله يجي ثبت
سبحان من بالزين فرق عبيده=ريح النفل يفرق على باقي النبت
عزي لقلب(ن) مابقى له شريده=ماعاد افرق بين الاثنين والسبت
لا عاد تكفى من جروحك تزيده=تراك من صدك ومن هجرك اذنبت
الحب يفتك بالقلوب العنيده=واقول ابا بطي من هوى الزين ما طبت
الهجر بين قلوبنا لا تعيده=ابنشدك غير المعاناه وش جبت
اغليك لو إنك بعيد البديده=حاضر خيالك طول الايام ما غبت


وسلامتكم...

المشاركة الأصلية كتبت بواسطة الحميدي بن فارس بن مدلج (المشاركة 487079) صح لسانك اخوي ابو نافع على هذه القصيده الجزله الله لايهينك تحياتي لك

المشاركة الأصلية كتبت بواسطة شاعر الاحساس (المشاركة 487090) صح لسانك يا أبو نافع على هذه القصيدة الجزلة

المشاركة الأصلية كتبت بواسطة أبن مصاول (المشاركة 487091) صح لسانك يا ابو نافع وقصيدة مميزه كما عودتنا دائماً في كل غرض من اغراض الشعر تطرقه , ولا بد للشاعر المجيد ان يطرق غرض مهم مثل غرض الغزل وهالأيام نرى توجهك غزلياً والظاهر انك ناوي على نيه الله عالم بها ههههههههههههههه تقول: واقول ابا بطي منها والزين ما طبـت واعتقد با هناك خطأ في الكتابه والصحيح: واقول ابا بطي من هوى الزين ما طبـت أعجبني قولك: من هجرته حول علـى ساحـل الخبـت طرقك لمفردة "الخبت" يدل على سعة محصلتك اللغويه صح لسانك مرة اخرى ونحن في إنتظار إبداعك المستمر

المشاركة الأصلية كتبت بواسطة علي حميدان الدجيما (المشاركة 487122) صح لسانك يابو نافع وجددت الجروح في وانا منول احاول انسا صح لسانك يابو نافع يعطيك العافيه

المشاركة الأصلية كتبت بواسطة ذيب الحرّه (المشاركة 487123) صح السانك يابو نافع على القصيدة الجميلة ويعطيك العفية

المشاركة الأصلية كتبت بواسطة العبدالله (المشاركة 487771) صح لسانك على القصيده