|
عبدالله الميزاني(سوارالذهب)في أول ظهور بعدالحادث
معلومه عن الحفل
الشعار المدعوون سوار الذهب ملفي المورقي تركي 2000 وفيصل الرياحي الذي لم يحضر للحفل رغم ان حجزه كان اوكي تعمدت ايراد هذه المعلومه للمساعدة في فك رموز بعض الطواريق:) لعب في هذه الحفله خمس طواريق وهي كالتالي 1)عبدالله الميزاني مع ملفي المورقي 2)ملفي المورقي مع تركي 2000 3)عبدالله الميزاني مع تركي 2000 4)ملفي المورقي مع عبدالله الميزاني 5)تركي 2000 مع عبدالله الميزاني الطاروق الاول عبدالله الميزاني مع ملفي المورقي عبدالله الميزاني
مرحبا عند ربع يزبنون الدخيل=عزوة تنطح العدوان وتضيمها ياالله انك تديم افراحنا كل ليل=قبل لا تاقف الساعه على تيمها ملفي المورقي
البقاء عن رجال يكسبون الجميل=والتعاليم توخذ من تعاليمها جارنا الله من الاقدار وقت طويل=والمشاكل يزيح عن العرب غيمها عبدالله الميزاني
ياهل السيل يالي شربكم سلسبيل=ويلكم من عذاب النار وجحيمها طبع الانسان مايخلق لك المستحيل=ماتعز الرجال الا بتكريمها ملفي المورقي
خابرن جنة خضراء وظلن ظليل=نعمة تنعم الاجواد بنعيمها يتعب الرجل لين انه يضوي حصيل=مايطاوع هوى نفسه وتوهيمها عبدالله الميزاني
هل مزاجك من الكافور والزنجبيل=بين تأخيرة الدنيا وتقديمها أوزن الكيل بالمكيال يالي تكيل=لاتزعل معازيبك معازيمها ملفي المورقي
حجتك حجة بيضاء وعندك دليل=مار الاعمال دايم في خواتيمها مافقدنا كثير ولافقدتوا قليل=والعلوم المباحه ليش تحريمها عبدالله الميزاني
أنت نرضيك بالواقع ومن ها القبيل=بس سيب هل البصره وتنجيمها لا تولع فتيل ولا نولع فتيل=والمخيله رعدها سابقن ديمها ملفي المورقي
قتمة عن عباد الله عساها تزيل=أزعجتنا يابن ميزان بوحيمها الامانه على المخلوق حمل ثقيل=قلت لك سينها واعجل على جيمه انتهى الطاروق الاول |
رد : عبدالله الميزاني(سوارالذهب)في أول ظهور بعدالحادث
الطاروق الثاني
ملفي المورقي مع تركي 2000 ملفي المورقي
سلام تسليمن يعم الموازين=جيران وأصحاب عزاز وعواني لكن سرى الليل ياتركي ألفين=وبيني وبينك طيبات المعاني تركي 2000
يامرحبا ترحيبتن فالها زين=من صافي النيه ومنطق لساني ملفي المورقيعطني علومك والخواطر دواوين=لكن عشرك لاتعود ثماني
مدر البعير الي توجه على فين=هذي طبيعه فالبعير العماني علامة ياصاحبي بين قوسين=ماظن تمحها ظروف الزماني تركي 2000
ماني بجناين لبعض البعارين=ألي ماتمشي غير بالخيزراني لا والله الا ساع ماشافة العين=وأستر بالي ياطويل اليماني ملفي المورقي
ماراح فالجمعه يجي يوم الاثنين=ويصير له عند الجماعه مكاني أقول لك من صبح وتقول بعدين=أنظر بعينك وأستمع با الاذاني تركي 2000
لا أقفيت ماني تابع للمقفين=لوكان أعدك واحد من خواني العلم عندي يالرجال المسمين=أخذه وسلم لي على أهل المحاني ملفي المورقي
العاطفه تاخذك والرفق واللين=لين الرشاء اقفت به ظهور المحاني مال الامانه غير ناس موامين=ماتنعطي ياصاحبي شخص ثاني تركي 2000
كلمتك هذي ماعليها براهين=لوكان ياملفي تزف التهاني بكره ليا ثارت عليك البراكين=ضاعت علومك كلها في ثواني ملفي المورقي
أقول عان الجدي خير العناوين=وأتقول لا بالله سهيل اليماني تركي 2000نجمن يطوع ماردين الشياطين=ماهو غريب انه يشيل المباني
العام سيفي ضاع بين السكاكين=واليوم سيفي يابيض الوجه جاني ترى السنه عيدين واليوم عيدين=عيد كما الاضحى وعيد رمضاني ملفي المورقي
وشلون سيفك مع سيوف السلاطين=الي مضاربها تقص المثاني الله يثبتنا على الحق والدين=دنياك هذي ماعليها ضماني تركي 2000
يالمورقي وليت واحضك الشين=حتى أيش لو تصهل صهيل الحصاني علم بني حضرم تصك الدكاكين=ما عاد ينفعهم فلان وفلاني انتهى الطاروق الثاني |
رد : عبدالله الميزاني(سوارالذهب)في أول ظهور بعدالحادث
الطاروق الثالث(تركي وعبدالله)
عبدالله الميزاني
يا الله الي عليك الحال والاتكال=أعقل الذاهبه وأرحم مداويرها غن يابن عطاالله والمناقش جدال=من لقى عين زمزم من حفر بيرها تركي 2000
المخاليق في حكمة عزيز الجلال=يوم الايام ماتومن مقاديرها المناقش ماهو ممنوع بين الرجال=وأنت عندك علوم مانبي غيرها عبدالله الميزاني
الفلك مهد مابين اليمن والشمال=بعض الايات مايحتاج تفسيرها مايكثر شحمك الا الطعام الحلال=مايغش الطيور الا حناجيرها تركي 2000
طال صبري وانا دورك والصبر طال=واتعبتني جهينه مع مشاويرها ياموصي عسى عندك من المال مال=شر الايام لايضحك على خيرها عبدالله الميزاني
نوب أنا أزعل عليكم واقطع التصال=اكره الدبدبه وأكره معاصيرها أنت ياحلو ماتبلش على كل حال=كل مألغي قناه تعيد تصويرها تركي 2000
الزعل وش تبي به ياكريم السبال=خلها تمشي الدنيا على سيرها مايشيل الحمول الا ظهور الجمال=يوم بعض العرب تبدي معاذيرها عبدالله الميزاني
صاحبي مايشجعني على الانفعال=والروافض يجيز الشرع تكفيرها ماتت أم البنات وعاشت ام العيال=علم البدو لاتتعب مظاهيرها تركي 2000
أنت أشوفك تحسب أن الحقيقه خيال=لو تعبر بها يتعبك تعبيرها لاتزال الهقاوي دونها لاتزال=والملفات ماسحبة تقاريرها عبدالله الميزاني
أطول ايات قرن الثور ولا الغزال=والامارات تضحكني مناصيرها أنت موقوف بين الشك والاحتمال=يعني القدس مايعنيك تحريرها تركي 2000
لو تعرف الاجابه ماطرحت السوال=مايغش العقول الا تفاكيرها كان ودك تجاهد يابن غازي تعال=أعمر القدس ولا زيد تدميرها عبدالله الميزاني
لاتصب الغروب ولا تلف المحال=لعنة لليهود ولحم خنزيرها اشهد أنك ولد صاحي ومضرب مثال=يوم تتعب على الكلمه وتكريرها تركي 2000
لو الايام تكشف غيب سود الليال=كان ماغنة الدنيا على زيرها لو أعدلك أظنك ماتحب العدال=كل غبة بحر ترمي بوابيرها انتهى الطاروق الثالث نقله لنا اخونا هامور مطيري (منتديات مطير) وقمت بتحريره أبن مصاول |
رد : عبدالله الميزاني(سوارالذهب)في أول ظهور بعدالحادث
محاورة روعه بين ابن غازي وابن عطالله والمورقي ملفي ..
والحفله عند واحد من ربعنا الغمان من القحومه .. وابن غازي ابشركم احسن من الاول ومتغير 100%.. وابدع .. ولازلت اقول الخيل الاصيله لاتلحق الا تالي وهذا ابن غازي والوعد قدام يامطير.. وتسلم يمينك يابو ضيف الله على النقل لاهنت .. سلطان الميزاني. |
رد : عبدالله الميزاني(سوارالذهب)في أول ظهور بعدالحادث
اقوول والله محاوره ولا احلى منه
وبعدين عبدالله متغير صار احسن من الاول والشي الثااني على هذا المحاوره اقول لعبدالله وتركي خلكم كذا ممحاووره اجمل احلى واحسن من الساابق مشكور يابن مصاووول يعطيك العافيه |
رد : عبدالله الميزاني(سوارالذهب)في أول ظهور بعدالحادث
الله يطول عمر ابو غازي ويحفظه عزالله أنه شاعر هرم,,,,,,,,,,,,,
|
رد : عبدالله الميزاني(سوارالذهب)في أول ظهور بعدالحادث
الا انت وين انت مبطي ما سيرت ولا مريت على بني عمك فالمنتدى ياميزاني الشرقبة...........ياخوي عسا ماشر........
ترا وجودك ضروري يالذيب معنا......... اخوك..........مايهاب |
رد : عبدالله الميزاني(سوارالذهب)في أول ظهور بعدالحادث
الظرووف ماسمحتلي لحد الان اني ادخل النت عموما ...... وإلا مشتااق لكم بالمررره لكن انتم شدو حيلكم واذا زانت الامور بكون اولكم ............ والله يعطيكم العافيه
|
رد : عبدالله الميزاني(سوارالذهب)في أول ظهور بعدالحادث
ابن مصاوووول مبدع مبدع
كل الشكر لك ع نقل المحاوررره تقبل مروري ووووودي |
رد : عبدالله الميزاني(سوارالذهب)في أول ظهور بعدالحادث
اقتباس:
حياك الله يا ابو عبدالله وسرني مرورك وتعليقك والتنبيه بأن الحفله عند الغمان ربعنا .... والله يبشرك بالخير بأن طمنتنا على الرجال وانه متغير وهذا اللي حنا نصحناه به في كل المنتديات وقلنا يجب على أسوار الذهب أن يغير من أسلوبه ولم نقله إلا محبة به ولإنه يعنينا ولإنه شاعر كبير المفروض أن يحبب الناس فيه وأن يكسبهم فكل مبدع بدون جمهور لاشئ ... احسنت يا أبو عبدالله ولا هنت على المرور المميز كما عهدناك دائماً... أبن مصاول |
رد : عبدالله الميزاني(سوارالذهب)في أول ظهور بعدالحادث
اقتباس:
ولك شكري أبن مصاول |
رد : عبدالله الميزاني(سوارالذهب)في أول ظهور بعدالحادث
اقتباس:
أخوك ابن مصاول |
رد : عبدالله الميزاني(سوارالذهب)في أول ظهور بعدالحادث
اقتباس:
هلا أخوي مايهاب وانا أشدد على كلامك وأن تواجد عضو مثل ميزاني الشرقية ضروري جداً , وأشكرك على حرصك بتواجد اخوانك في المنتديات وهذه ليست غريبة على عضو مميز مثلك أبن مصاول |
رد : عبدالله الميزاني(سوارالذهب)في أول ظهور بعدالحادث
استغرب من كلامكم يااخوان كانكم دوبكم تنتبهون لسوار الذهب
سوار الذهب كان ومنذا أول ظهور له كان شاعر عملاق وركناً مهم من اركان المحاورة واذا قارناه فأننا نقارنه بمستور العصيمي وبفيصل الرياحي وبالزلامي وبشليويح ابن شلاح وبمطلق الثبيتي وبالمسعودي والجبرتي . يعني شاعر عملاق من أهم شعراء المحاورة . مهما اختلفنا على اخلاقه وطريقة تعامله أو حضوره او صوته الا ان الشعر يبقى شعر ولن يبقى للتاريخ الا مايتناقله الرواة وتدونه الاقلام ولن يشفع صوت الشاعر أو حماسه وحضوره لوضعه في قمة الشعراء . الصوت والحضور عامل مساعد في إحياء الحفلة لكن لن يرفع من قيمة الشعر أو يضعه ضمن شعر الكبار . أذا تغير سوار الذهب للأفضل فأن شعره منذا أن بدأ شعر الشاعر العملاق وتغيره ممكن في حضوره أو طريقة معاملته للناس وهذه عوامل ثانوية جدا كقيمة شعرية , لكنها مهمة في قبول الناس وحبهم وجماهيرية الشاعر بينهم . تركي الفين كسب ود الجميع بانه ينبض حماسة وصوته من اجمل الأصوات لكن مستواه الشعري لايقارن ابدا وفي اي حالاً من الاحوال مع الشعراء الكبار كسوار الذهب أو من هم في مكانته الشعرية . ارجوا أن لانخلط بين الشعر وبين الحضور والصوت . البعض يزعل لكن قول الحق لا احد يلومنا فيه . وكل الاثنين غالين على الموازين ان شاء الله . |
رد : عبدالله الميزاني(سوارالذهب)في أول ظهور بعدالحادث
اقتباس:
فلا يخفى علينا حرصك على المنتديات وتطورها ومواظبتك في إسداء النصح لأخوانك الأعضاء والإدارة |
رد : عبدالله الميزاني(سوارالذهب)في أول ظهور بعدالحادث
اقتباس:
لا شكر على واجب أخي عبدالوهاب والإبداع هو مرورك وتعليقك الجميل..تقبل شكري وتقديري أبن مصاول |
رد : عبدالله الميزاني(سوارالذهب)في أول ظهور بعدالحادث
اقتباس:
أنه لم يخدم إعلامياً ,,,,اما أبو عطالله ولحب الجماهير له من المحيط الى الخليج فهو مخدوم إعلامياً مباشرة او غير مباشرة ولو سألت أي قبلي عن الأثنين وقلت له : هل تعرف عبدالله بن غازي الميزاني؟؟؟ قال لك : هاه..هاه...من عبدالله غازي؟؟؟ ولو قلت له: سوار الذهب قال لك : لا اعرفه. ولو قلت له: تركي2000 قال لك معروف جداً لدي . فالإعلام هو من يصنع النجم وهذه هي الأساسيات وكم من شاعر فحل مغمور وغيره شاعر دون ذلك معروف للخاصة والعامه ... ونحن نتكلم عن الإنتشار ومعرفة الناس فالإعلام هو المهم والإنتشار اهم ... وبنالسبة للشاعران فهما في أعيننا ولن نفضل احدهما على الآخر أبداً ..أبداً فكلاهما ميزانينان ويهمون كل ميزاني. وتركي كما أبدع في شعر المحاورة فله قصائد كثيرة تعتبر إبداع ومنها : الدمع هذا اللي تشوفه ماهو دمع..الخ القصيدة فانظر في قوة القصيدة ومعانيها بينما عبدالله غازي عرفناه في المحاورة فقط وفي قصيدة مدح على ما اتذكر. أبن مصاول |
رد : عبدالله الميزاني(سوارالذهب)في أول ظهور بعدالحادث
يعطـيك العـآفيه إخوي [moveo=left]إبـن مصـاول [/moveo]ع.. النقـل المتميّز والجمـيل والـرآئـع....
تحيـآتـي لـكـ إخوٍك شليان الشلاحي |
رد : عبدالله الميزاني(سوارالذهب)في أول ظهور بعدالحادث
الله يعافيك اخوي شلليان وقد سرني مرورك المميز والذي سرني جداً
|
رد : عبدالله الميزاني(سوارالذهب)في أول ظهور بعدالحادث
يعطيك العااااافيه اخوووووي
والحمدلله على سلامة الشاعر الكبير عبدالله الميزاني ( سوار الذهب ) |
| الساعة الآن 06:39 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
