|
سالم رباح
بسم الله الرحمن الرحيم
السلام عليكم ورحمة الله وبركاته *·~-.¸¸,.-~*خلووووووووووووها*·~-.¸¸,.-~*
ياسلام الله سلام الضيف في دار السلامي = عد ماهل المطر وعداد ما حنت رعوده ياعميل الخير سر القاف ما حولك منامي = من بغى راس الجبل يرقى ولا يضرب حيوده |
رد : سالم رباح
يا سلام ...يا سلام الله ..مبدع يافياض (عبدالمجيد)
ننتظر شاعر المعنى سالم رباح |
رد : سالم رباح
الله يخليك يابن مصاول
وشكرااا على المرور الجميل |
رد : سالم رباح
يالربع من شاف سالم أبن رباح جيبوه حياً ولا ...................
حياً طبعاً |
رد : سالم رباح
مساء الخير للجميع .
كنت هاليومين منشغل بالمره وأعذرونا على التأخير . |
رد : سالم رباح
اقتباس:
استلم يالشاطري
مر حبا حييت في حلة مكرمة الكرامي = طيب لأهل الطيب والا المعتدي يعرف حدوده البحر يطمي وطش الأرض في غبة ظلامي = وانتكس راس الجبل من قمته وأرخي عضوده |
رد : سالم رباح
الله..الله...
البحر يطمي وطش الأرض في غبة ظلامي=وانتكس راس الجبل من قمته وأرخي عضوده
|
رد : سالم رباح
الله الله
واحدن خاض المعارك والفشق ملي الحزامي = والتفت والين خصمه بالوغا يفرك جنوده أنت مدري علتك بالشوف والا بالكلامي = اٌ ه يابيت الشعر ضيعت طنبه من عموده |
رد : سالم رباح
اقتباس:
أرخي = أرخى خطأ إملائي . للأخ الشاعر فياض الطيب بالذات . ( وانتكس راس الجبل من قمته وارخى عضوده ) الحديث عن الجبل !!!!! ( انتكس ) ثم ( من قمته ) ثم ( أرخى ) |
رد : سالم رباح
اقتباس:
مانبيها سالفة تجنح بها يم الزحامي = كان عندك علم هاته ... نجدتة الصارم زنوده بيتنا ساسه متين .. ولاتطيرك الحلامي = افهموها وأعرفوها .. ياصبا ماهب نوده |
رد : سالم رباح
طيب طيب
مانقول اقصور فيه يفك عسرات اللحامي = أنت وينك عنه يوم انه تنازل عن صعوده قلت وش عقب القصير قال لي شهر الصيامي = قلت له لد النظر ويقول حلينا عقوده |
رد : سالم رباح
شكراااا على التوضيح يابو رباح
واصل طال عمرك |
رد : سالم رباح
اقتباس:
مع التحية للجميع |
رد : سالم رباح
يا فهيمين العقول ويا مميزت الكلامي = شايفلي شوف ريبه والدبى يرعى بعوده مانقول إلها حلال ولا نقول إلها حرامي = جابتين بعلم واحد واللبيب يبين جوده أبن مدلج |
رد : سالم رباح
مقصدي في نجد ولا مقصدك عود تهامي = يابن مدلج في بلدنا فعلنا تشهد نفوده مقصدي طيب وأنا خابر رفيعين المقامي = ماتعدا ياوسيع المعرفه حلة وجوده |
رد : سالم رباح
استلم يابن عباد
ماتكفلنا على العالم ..ومن صلى وصامي = يازمان العولمة ضاعت مسيحه مع يهوده لو بنيت البيت مايعمرْ ..وهو ساسه هدامي = كيف يعمرْ بيت .. والبناي وش حكمة وجوده |
رد : سالم رباح
اقتباس:
لا تصلي الفجر قبل الصبح ما يجلى الظلامي =ونتبه للجاهل اللي مشغله كثرة رقوده لاتحطه بالسفور ولاتحطه بالعتامي =يعرف العاقل خطاه ويكشف الجاحد جحوده أبن مدلج |
رد : سالم رباح
ياوسيع العرف خله لو يريد الإنتقامي = صار يحرث عن وفاته وانت مالك منه فوده لو تسوق الفرت مايمشي وسواقه يضامي = المكينه خبطت والقير عيبه من عموده |
رد : سالم رباح
اقتباس:
أنت وش حدك على ضرب الهنادي والسهامي = لو تشوف عيونه الثنتين يلقى في ردوده اسمعوها واكتبوها لو مضى عامن وعامي = يدفع التاجر ضميره كل ماناظر نقوده |
رد : سالم رباح
اشكرك ياعبدالمجيد على هذا الطاروق .
وان شاء الله بيننا لقاءت قادمة . |
رد : سالم رباح
الشكر يعود لك ياسالم وانا اشهد أني
ماكل معك عيش أتعلمت منك الكثير |
رد : سالم رباح
أشكر شاعرنا الجميل فياض على معانيه الجميله واشكر اخي المشرف والمحلل القدير سالم رباح على كل ما تخطه أنامله وعذروني على المداخله بينكم ولاكن أعجبني الطاروق ونا لي مده ما كتبت طواريق قلت فرصه بعد طول الغياب نتحرش بالشاعرين العملاقين لعلنا نضفر بشي جميل معهم ولاكن ما مع الما مويهات . تحياتي للجميع أبن مدلج |
رد : سالم رباح
بيض الله وجيه الشعار الصراحة امتعونا كثيراً
وأبن مدلج رايته بيضا وصراحة أبيات من أقوى ما قرأت لك يا أبو مقرن فبيض الله وجهك ولا تكفيك .. ياليتك يا أبو مقرن تبدا لنا محاورة وتختار احد الشاعرين أعلاه لكي تمتعوننا بهذه الأشعار الرائعة والمعاني القيمة.. بالنسبة لأبيات فياض فلم يقصد بها ما ذهبت اليه هذا ما أخبرني به هو .. أخوكم ابن مصاول منتظر الجديد من كل الشعار وقد اكتشفنا في هذه المحاورة مواهب سالم رباح التي كان يخبئها كما اكتشفنا شاعر وإن كان صغير السن إلا انه كبير في أبياته ومعانيه وأنا أتوقع ان يبرز على الساحة الشعرية قريباً لإنه شاعر <<<وهذه تكفي أبن مصاول |
رد : سالم رباح
فياض الطيب
مرحبا في أي وقت في مكانك وبين بني عمك , وعليك باابو مقرن تراه شاعر . وأنت كفؤ . ابو مقرن تشرفنا بحضورك وردودك و نعذرك على سوء الفهم , وان شاء الله مايكون بننا شكة . ابو ضيف الله . ترى الشيب بدا يغزينا , قبل وقته لكن وش نقول . والملعبة لها رهبتها , صفوف وتتطلب سرعة رد وضغط جماهير , خلنا في جونا الهادئ وأذا حصل محاورات على خفيف في هذا المنتدى بركة . |
| الساعة الآن 02:34 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
