|
معاناة موظف أرامكو...والعيد
اخواني أخواتي من المؤكد ان لكل عمل في الحياة ضريبة وموظفي شركة أرامكو السعوديه في عملهم من المشقة والتعب وسهر الليالي مالله عالم به
ونضام عملهم يحتم عليهم مخالفة الكثير من المناسبات بسبب ظروف عملهم التي أكثرها تكون بطريق الورديات وهنا أحد الموظفين يعبر عن سخطه على الشفت وعلى أنه قد خالف الناس وهم في العيد بهذه الأبيات البسيطه:
الشفت لخبط راحتي مثل نومي=والزّيت ماشي فالانابيب ويزيد والزّام زام الصبح جعله يشومي=قد كان له مع ماضي الوقت ترديد عزّاه ياحظٍ حسبته يقومي=عزّاه ياحظ العنا والتباليد أحدٍ تليبس من جديد الهدومي=وأحدٍ معيّد فالعيد عند الرغاديد و أحدٍ سواتي مايل الحظ يومي=وعليه مع لبس الكفرهول تمديد قيجات بمب مكسرات الخشومي=ومراوحٍ تفتر من دون تبريد ومرواحٍ وبيبات بقعا ما تعرف القرومي=لاشفتها ماغير أجر التناهيد حالي على العيدين مثل الهشومي=متهشمٍ حالي على الضمّر الغيد وألا على المقناص بعد العزومي=فالساحل الشرقي لحزم الجلاميد حرٍ طليق مع الهوى والحزومي=غادي لأبن عدوان وإلا لبو زيد ياصاحبي صبري قضى مثل يومي=عليك ياللي كايل الكيل وتريد يالله يامنشي مزون الغيومي = أنك تعدّلها من الشّفت والقيد شف يارفيقي قبل اقطّع هدومي=ما ابغى حقوقي.. بس لي حق فالعيد ودّي اعيّد بين ربعي وقومي =والزام ماسكني على التيم تأكيد ياليتني ياخي... موظف حكومي =ماعرف زام الليل وآعيّد العيد منقول من الإيميل م ن ق أبن مصاول |
رد: معاناة موظف أرامكو...والعيد
كان الله في عون موظفي ارامكو
يعطيك العافية على النقل تقبل مروري ... |
رد: معاناة موظف أرامكو...والعيد
كان الله في عونهم
وهذه طبيعة الانسان ملوول ، دائما يبي الدنيا تجي على كيفه وهذا صعب المحال |
رد: معاناة موظف أرامكو...والعيد
يعطيك العافيه يابن مصاول
جتني على ايميل ارامكو حياك ياتاج راسي |
رد: معاناة موظف أرامكو...والعيد
عيد الاضحى يصادف زام ليل
ابن مصاول كلم المروح اللي عندنا عندي رصيد اجازه ثلاث ايام خله يطلعني ههههههههههههه |
رد: معاناة موظف أرامكو...والعيد
اقتباس:
أبن مصاول |
رد: معاناة موظف أرامكو...والعيد
اقتباس:
وفيه ناس من الجماعه وغيرهم والله أنهم في العيد ما يشوفون اهلهم إلا تلاقيهم يضربون طريق الرياض روحى وجيئة !!! يدورون الرزق في العيد رضا الناس غاية لا تدرك أبن مصاول |
رد: معاناة موظف أرامكو...والعيد
اقتباس:
وبالنسبة للدوام في العيد فهو حاصل هذه السنه ولكن عزاؤنا أننا في عيد الفطر كنا Days Off علشان كذا ما عندنا مشكله في عيد الضحيه المهم كبر الخيشه :009: حقت الفلوس وخلك قعيطي في الديرة اللي انت فيها علشان تكون مبراطورية ذوي بدار في الحوطه ههههههههههههههههه والمرووووح منهو لا كود أنه المنيف؟؟؟ سعد الرشيد عندكم مزعجني بالأتصالات يقول يبي يرجع :z019: اقتباس:
|
رد: معاناة موظف أرامكو...والعيد
ابوضيف الله وشلونك
لا المنيف في نعيم والرشيد عنده الفورمن عندنا القريشه يامي والله انه اجودي بس بالاجازات نشبه |
رد: معاناة موظف أرامكو...والعيد
نفس معاناه الوالد
الله يكون في عونكم يعطيك العافيه |
رد: معاناة موظف أرامكو...والعيد
الله يعينهم
|
رد: معاناة موظف أرامكو...والعيد
اقتباس:
حياك يا مالك...أبشرك بخير وعافيه القريشه أسمع به الرجال بس تراه ينزعه عرق يام وانت ما انت في يام فأنتبه يا عوني |
رد: معاناة موظف أرامكو...والعيد
اقتباس:
أكيد اجنبيه ههههههههههههههههههههههه الله يوفق والدكم ويخليه لكم(ويابلادي واصلي):z051: |
رد: معاناة موظف أرامكو...والعيد
اقتباس:
|
رد: معاناة موظف أرامكو...والعيد
الخوف من العنصريه من اجل ان يمدح الواحد في المجالس بظلم الأخرين
قصيـــده مـــوظف ورد الريـــس رهيـــيــــيـــبــــــــــه قصيـــــده المــــــــوظف الله ولا منت الريـــــــس وتقييــــمــه ... رزقي على واحـــــدٍ ماخـــاب طلابه تقييم بعض العرب نجهل تعــــاليمه ... ولو ما عرفنـــا بنـــوده ربي ادرابه الله حسيب البشـــــر لا قلّت الشيمه ... ولابد للعبــــد يومٍ ياخذ حســــــــابه لانزاح ليل المصــــالح ونجلى غيمه ... وكلٍ لقى ما فعل في صفحة كتـــابه العـــذر ما ينفعه والحســــره امديمه ... والناس ما ينفعونه لو هم اصحــابه وخذت مغــــاتيره وزيدة مجــــاهيمه ... بمراح وضحه بدت مع سوده اتعابه حسب الخطا من رصيده يدفع القيمة ... حسناته اللي جمعهــــا راحت انهابه يانــــــــــاس ياللي تعز الدين وتقيمه ... ادعوا على الريس الظالم ومن جابه يجيه من ينتقم للفـــــــــــرد ويضيمه ... ويصير عبــــــــره لغيره يوم يدرا به -------------------------------------------------------------------------------------------------------------------------------------------------------------------------------------- ورد الريـــــــــس يا كثـــــــــــر ما نظلم الريـــــس و تقييمه *** وننسى نظـــام وضــــــــع لزم نتمشى به وصف وظيفــــــــي شرح مجمل تعـــاليمه *** في وســــــــط كمبوترك و بزر تقــــرابه ادخل على صفحة التقييــــــــــم و القيمــه *** واعــرف وش اللــي طلب منك تحلــى به الله حسيـــــــب البشر تبلع مجــــــــاهيمه *** و تناقشك في عقـــــــــــال ما تهقــوى به اللي يبـــــــــــي الـ s يدخل في تقــــاييمه *** وراه ما يجعل الإبــــــــداع في حســـــابه كثر الحشـــــــــــف ما يزيد السعــر مليمه *** و من لا يضمر ذلـــوله جت تمشــــــى به كلن يصــــــــــلي و ينهيهـــــــــا بتسليمه *** و الفرق في اجـــــــــــرهم بين ويدرى به محلى القمر في السماء باللــــــيل نسريبه *** و اذا اشرقت شمسنــــا محدن تعزوى به ياللي تحسبك و حيــــــد وســــــط اقليمه *** غيرك كثير يقــــــدي من تقــــــــــــــدابه خــــل الرئيــــــــــس الذي قلت به الشيمة *** واحسن عملك الذي يدفع لك حســــــــابه |
| الساعة الآن 02:05 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
