ماكـل علـم لـو أدري عنـه بعلـم=لاتقـول ياشيـخ علمنـي وترتاعـي
آخذلـي أيــام متـوحـد ولاأكـلـم=وأحاول أظهر سروري وأخفي أوجاعي
يحق لي يـوم أسـج أحيـان وأبلـم=أشوف بعض السوالف مالهـا داعـي
فكـري مشتـت ولميتـه ولا يـلـم=أنهل خرز سبحه أفكـاري ومرماعـي
علـى فلـم الخيـال يـمـر ويفـلـم=وأنـا أتفـرج ولاغافـي ولاواعــي
أحيان صاحي وبعض أحيـان متحلـم=وأحيان أتنح مثـل تتنيحـه الراعـي
وجهه الزمن منكسح ومصـد ومدلـم=وضروف الأيام تقطـع كـل قطاعـي
دنيـا دنيـه لنـا تظحـك ولاتعـلـم=ونهايه العمـر فيهـا بـاع وذراعـي
وحنا بظاعة حـراج وشيـل يامعلـم=في سوق الأعمار تشرينـا وتبتاعـي
نركض وراها ومن سلم علـى سلـم=ولانعـرف إن الحيـاه بهـا تمتاعـي
لابالله ألانعرف ومـن بنـا مـن لـم=يعرف مصيره يجيه وياصلـه ساعـي
حتـى رفيـق عليـه مـر ماسـلـم=لابد الأيام تشرح له عـن أوضاعـي

المشاركة الأصلية كتبت بواسطة ابن مشدد (المشاركة 291986) صح لسان ابو دعيج وعتلا شانه وتسلم على النقل يابو عبيد

المشاركة الأصلية كتبت بواسطة عز الخوي (المشاركة 291987) صح لسان الشاعر مطلق دعيج ومشكور نايف عبيد على النقل الموفق

المشاركة الأصلية كتبت بواسطة أبوهزاع (المشاركة 291989) صح السان الشاعر مطلق دعيج الله لايهينك يابو عبيد على النقل تقبل..تحياتي

المشاركة الأصلية كتبت بواسطة ابن فالح (المشاركة 292005) صح لسان الشاعر مطلق لاهنت على النقل0