منتديات الموازين الرسميه - حبيب العازمي وعبدالله بن غازي

حبيب العازمي

هلا مرحبا يا شاعر ٍ جيت معزوم
وخطوتك محسوبه على كل حالي
يا عبدالله انته كيف حالك من اليوم
وش اخر ما قلت من القصيد الطوالي

عبدالله الميزاني

لعل البقاء يا كشب وام الدما دوم
ترا ما بقي لك نصف مما بقالي
اثر فالعرب شجعان وخبول ورخوم
وهذا الكلام بعيد عن ما طرالي

حبيب العازمي

ليا قلتها قلنا مقدر ومقسوم
اخذنا الاوايل وش نبى بالتوالي
بعد فالعرب نايم ما صحصح من النوم
يبى يلبس الغتره ولبس العقالي

عبدالله الميزاني

من ابيات بندر شوخ وطيور وتحوم
تحلل حرام ولا تحرم حلالي
الاسلام خكسة شروط بالحج والصوم
لا ناقض حبال ولا انت فاتل حبالي

حبيب العازمي

مليح الطعام يجيك مالح ومسموم
ويخر مرض فالكبد والا الطحالي
سوار الذهب مير الذهب وين معدوم
ترد الجنيه وجيتني بالريالي

عبدالله الميزاني

الا يا عظيم الشان يا حي قيوم
توديه لهله يا عزيز الجلالي
اظنك على صفحات وصكوك وختوم
على ما يقولون الهلالي هلالي

حبيب العازمي

يا شاعر مطير الفرس قامت على الروم
وباقي بناخيكم انا وانت خالي
تدور عسل في ضلع والضلع ملغوم
وهاذي قضيه باقيه لاتزالي

عبدالله الميزاني

الا يا اهل الفيوم ما فيه فيوم
يميني تكفي نوب مدة شمالي
ابى احط لي معرض عن البيع والسوم
كب انك تشك ان الزلاما عوالي

حبيب العازمي

يا راع البعيرشعيل غادي وماسوم
تعده جمل ويضيع بين الجمالي
اعرف الزلامي شيخ ويروع القوم
ولا فيه شكه وانت حولك جدالي

عبدالله الميزاني

انا خابر ٍِ انك نجم لكن منجوم
اصدق طلوع الشمس والا الظلالي
لو انك توسم له علامات وارسوم
تعرفون الاقصى قبل عرف الموالي

حبيب العازمي

انا خابر ٍ انك توم واكبر من التوم
وتومك غروبي وانت تومي زوالي