منتديات الموازين الرسميه

منتديات الموازين الرسميه (http://www.almouazeen.com/index.php)
-   الشعر العام والفصيح (http://www.almouazeen.com/forumdisplay.php?f=34)
-   -   قصيده مختاره للشاعر سعد بن سلطان بن قانان الرخيمي المطيري (http://www.almouazeen.com/showthread.php?t=687)

ابو سعران المريخي 11 - 07 - 07 09:10 AM

قصيده مختاره للشاعر سعد بن سلطان بن قانان الرخيمي المطيري
 
[move=up]قصيده مختاره للشاعر سعد بن سلطان بن قانان الرخيمي المطيري [/move]
احدى قصائده في الشيخ/هزاع بن عبدالعزيز بن ماجد الدويش.

ياراكب من عندنا جمس اسود
جمس جديد ولاوطته المكده
ليا دعست سريتره تقل يطرد
اقفى تقل خفر السواحل تحده
كنه مهرب والمهرب مهدد
فالقتل تأبيد السجن مايسده
حمل على الماخوذ حشيش اسود
فعله قبيح ولابه احد يوده
عليه قوات السواحل تشدد
وتنطحوه بسهلة مجرهده
عطوه فيها حول خمسة عشر رد
وتله يبي من حيث جاء يرده
كبسله بوصه واحتمى العلم واشتد
واللي بطبلونه إنبيره يعده
يوم استواله نابي الحزم الاجرد
روح حلال القوم محد يرده
ويوم ارهوا انه راح ماعاد ينرد
جات الاوامر بإحرقانه بشده
وعطو خبر لمسدد الرمي سدد
وخبط على الاخمس وهزه ومده
يصلاه بالرشاش قرم مسدد
هذي هفت دونه وهذيك سده
وقام يتعزوى يوم صارت معاند
وتساون الثنتين ماعاد وده
صكه بثالث وارتفع فوق وإرتد
والويل ترزم وارزم الحزم قده
ولالحم البنزين بثالث وصرد
عده يطير من الحزم فوق عده
رقوه لاتسعين كيلو ورا الحد
مع سهلة حذف المرو فوق شده
فوقه شجاع مورد الخال والجد
وعليه من وقته محفه وضده
ماهو براعي شين لاشك محتد
والوقت له عن المناعير صده
قليل مال ويطلبه هيس اربد
قبيح وجه من الوجيه المصده
افقم فم ناشف طويل مجرعد
قابة فمه قرو ٍ قبيح مرده
انخش عور وجهه من اللحيه اجرد
هيس ليا عبند عمى مترده
والمال ضربة مال ماينتقاصد
واللاش عذره للوفا مايسده
مهما تعذر مايفيد امتمرد
الاجودي عليه مالله يحده
حده حداه الله على غير ماود
والا على ماصار ماهو بوده
يشدا ونيت يم هزاع يسند
طير يدسم شارب اللي يهده
هزاع ابن عبدالعزيز ابن ماجد
ابن الدويش اصله وفصله وعده
شيوخ حمران النواظر موكد
اللي لهم على المناعير ضده
لياصاحت الغوجاء وقامت تنجد
(...........)كل حبل صفراه مده
كم واحد بنحورهم قام ثم كد
وخلي عشاء سحم الضواري اتهده
ياغافل عن فعلهم قوم وانشد
وسايل لحدبان الظهور وتعده
يوم انها ماغير محزم ومجند
وشلفاء وسيف وعالم مستعده
لهم على احواض المنايا موارد
فوق المهار وفوق حمر الاشده
يوم الجهل وافعالهم ماتعدد
واليوم سور وندرق دوم سده
شيوخنا اللي في ذراهم نتمدد
نرقد وللروس مكبرين المخده ,,,

سلطان القحم 11 - 07 - 07 12:26 PM

رد : قصيده مختاره للشاعر سعد بن سلطان بن قانان الرخيمي المطيري
 
صح لسان الشاعر الكبير..سعد بن سلطان الرخيمي المطيري..وتسلم يمينك على النقل ..أخوي ابو سعران المريخي..
تقبل تحياتي ..سلطان الميزاني.

دلـــوعــــة الـــمهـــد 11 - 07 - 07 10:10 PM

رد : قصيده مختاره للشاعر سعد بن سلطان بن قانان الرخيمي المطيري
 

شيوخ حمران النواظر موكد^^^اللي لهم على المناعير ضده
يوم الجهل وافعالهم ماتعدد^^^واليوم سور وندرق دوم سده
شيوخنا اللي في ذراهم نتمدد^^^نرقد وللروس مكبرين المخده ,,,


صح لسانك والسان شاعرها ..يعطيك العافيه اخوي على النقل ..

ابو عبد الله 27 - 07 - 07 01:46 AM

رد : قصيده مختاره للشاعر سعد بن سلطان بن قانان الرخيمي المطيري
 
صح لسانه

وسلمت يمينك على النقل حبذا لو نقلت لنا من قصائد الشاعر . ولك جزيل الشكر

بنت حمران النواظر 27 - 07 - 07 04:05 PM

رد : قصيده مختاره للشاعر سعد بن سلطان بن قانان الرخيمي المطيري
 
قصيده جدا رائعه سلمت اناملك على نقلها :049: تقبل مروري يا خوي:040:

أبن مصاول 19 - 08 - 07 09:09 PM

رد : قصيده مختاره للشاعر سعد بن سلطان بن قانان الرخيمي المطيري
 
فوقه شجاع مورد الخال والجد=وعليه من وقته محفه وضده
ماهو براعي شين لاشك محتد=والوقت له عن المناعير صده
قليل مال ويطلبه هيس اربد=قبيح وجه من الوجيه المصده
افقم فم ناشف طويل مجرعد=قابة فمه قرو ٍ قبيح مرده
انخش عور وجهه من اللحيه اجرد=هيس ليا عبند عمى ما ترده

الله يا سعد الرخيمي صح لسانك يالشاعر اللي تصخر القاف تصخير.....وقد سمعتها خلال المناقضات التي تمت بين شعراء مطير وكديميس العصيمي عندما فتح فمه متهجماً على مطير وشيوخها ورموزها فألقموه حجراً شعرائنا


أشكرك أبو سعران على إظافة هذه الرائعه.....

أبن مصاول

هاني العوني 08 - 05 - 09 09:44 PM

رد: قصيده مختاره للشاعر سعد بن سلطان بن قانان الرخيمي المطيري
 
بيض الله وجهك يابن قينان ...... أنت بطل بمعنى الكلمة

هاني العوني 08 - 05 - 09 09:45 PM

رد: قصيده مختاره للشاعر سعد بن سلطان بن قانان الرخيمي المطيري
 
أنت درع مطير ألف مبروك .. لقد سعدت بهذا الخبر

ابن مشدد 08 - 05 - 09 10:01 PM

رد: قصيده مختاره للشاعر سعد بن سلطان بن قانان الرخيمي المطيري
 
مشكور ابن سعران على هذا النقل وصح لسان قايلها


الساعة الآن 04:57 PM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها