(الالــــــــــفيــــــــــه)
عندي فرايد من هجوسي مضامين=عديتها من راس طيب وحميه شغل هجوسك والتفت يمنا زيـــن=واسمع حروفن واضحه وابجديه الالف أفهم مقصدي يااحمر العين=الجود ورث جدود ماهو عطيه والباء برقن لابرق يسهرالعين=برقه يلوح ومن جنوب برديه والتاء تتبع ضافيات الســـــبالـين=ذودن صفر ماخالطته الرديه والثاء ثابت لو تروغ المساكيـــن=عن حزة الميقاف والصامليــــه والجيم جيبن لازهمته على الحين=تبغى جنوب النير والا طميــــه والحاء حرن لاشهر بالجناحـــين=شال الحباري بالعزوم القويـــه والخاء خلك للرجال السلاطيـــن=مدهال عز ومدتك حاتـــميــــه والدال دربك بين وقت الصلاتين=لاشتاق بالك للفياض الـــعذيـــه والذال ذرب يمين زبن الدخيليــن=لامن تلاشت بين هذي وذيــــه والراء ربعي ملحقين المخليـــــن=يوم السنين الاوليه ولـــــيـــه والزاء زيد الطيب خاو الكريمين=مطنطخين الراس والنار حيــــه والسين سوق الزين لوتكسب الشين=واللي تمده شرط بيجيك زيـــــه والشين شد الباس لاجل العزيزين=لامن تذكر كل واحد خويــــــه والصاد صيد المجد خوض الميادين=واعرف طريقك والنوايا مطيه والضاد ضيفك والمواجيب ثنتيـن=مد الشحم للضيف والشاذلـــــيه والطاء طير الحر لولا الجناحـين=يمديه مات وللمجاعه ضحيـــه والعين عون النفس في صالح الدين=حاول تجي حسنه ولاتجيك سيه والغين غير الحر نسل الميامــين=لاتعتزي بالاش والا حـــليــــه والفاء فارق ياحريب المعاديـــن=أهل الحسد والبغض واهل الاذيه والقاف قومن لامذاهب ولا دين=مثل الندا في كوم طيه وطيـــــــه والكاف كلمه حطها بين قوسين=محدن نشا معصوم ذنب وخطيه والام لولا ضربت الصاع صاعين=صالت عليك أوجاع نارن صليه والميم مهما تعمل سنين وسنين=دنيا على ماقيل لحضه دنـــــــيه والنون نارن ولعت بين ضلعين=فاقصى حشاش القلب شبت لظيه والهاء هيل وبن ومصوقل الصين=لاصار عندك للطويلات نـــــيه والواو واحد وارقبه حول عامين=عندي مقامه شرط أصل ومزيه والياء يالله خالق الناس من طين=لاتبتلينا دون ناســـــــن بلــــيه هذي نصيحه لاغدى الشور شورين=واضرب سلامي والتحيه تحيه (فــــــــيــــصل المــــــيزاني) |
رد: (الالــــــــــفيــــــــــه)
ماشاء الله تبارك الرحمن
قصيدة جمعت بين قوة الحبكة وحكمة المعنى وجزالة اللفظ .. صح لساانك حتى ترضى يا فيصل وحياك الله بيننا ... |
رد: (الالــــــــــفيــــــــــه)
صح لسانك اخوي فيصل
صراحه الالفيه ممتازه وكلمات روعه .. وبنتظار راي الشعراء فيها ويعطيك الف عافيه |
رد: (الالــــــــــفيــــــــــه)
الله يعطيكـ العافيه شلاحيه مطنوخه واتمنى تكون عجبتك القصيده
وهــــــــذا اللـــــــــــــي أتمنـــــــــاهـ ,,,,, |
رد: (الالــــــــــفيــــــــــه)
مشكور مواعيدكـ سراب وأنشاء الله نجيب اللي يسعدكم
|
رد: (الالــــــــــفيــــــــــه)
ماشاء الله يابو فيحان شاعر وبن شاعر الله يرحم والدك وهذا الشبل من ذاك الاسد
الى الامام يابو فيحان تقبل تحياتي واعجابي بهذه الشامخه |
رد: (الالــــــــــفيــــــــــه)
صح لسانك اخوي فيصل قصيده وافيه وجزله
دمت بخير |
رد: (الالــــــــــفيــــــــــه)
الله يسلمكـ يابو حسين وماعليكـ زود وحنا نتعلم منكـ وشهادتكـ تكفي
تـــــــــح ـــــــياتي |
رد: (الالــــــــــفيــــــــــه)
صحت أبدانكـ أخوي ساكب الحرف ومشكوووووووووور
|
رد: (الالــــــــــفيــــــــــه)
ياسلام على هالشامخه يافيصل
ألف صح لسانك وصحيت كلك قصيده لها اسلوب آخر تفننت في حبك وسبك ابياتها لك الود والاعجاب ياصاحبي . |
الساعة الآن 10:01 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir