منتديات الموازين الرسميه

منتديات الموازين الرسميه (http://www.almouazeen.com/index.php)
-   الشعر العام والفصيح (http://www.almouazeen.com/forumdisplay.php?f=34)
-   -   قصيدة نخوة في قبيلة مطير (((( الرجاء الدخول )))) (http://www.almouazeen.com/showthread.php?t=3913)

المهلكـي 23 - 02 - 08 06:33 PM

قصيدة نخوة في قبيلة مطير (((( الرجاء الدخول ))))
 
هذي قصيدة لعم الشاعر هلال المطيري والتي ينخا فيها عموم قبيلة مطير بالتصويت والفزعه مع ابنهم في برنامج شاعر المليون ....
بسم الله أبدابه وبه نفتح الباب
ماغيره احد نلتجي عند بابه
إيلاهنا اللي من ترجاه ماخاب
معبودنا اللي كل خير بجنابه
ثم أعتزي بمطير عريبين الانساب
ربع لهم في قمة المجد غابه
مطير لاحطو على النار شباب
شجعان والموت الحمر ماتهابه
يامطير عان هلال في راس مرقاب
في راس مرقابٍ تقانب ذيابه
عنده سباع إلها مخاليب وأنياب
يصفق بمخلابه وسمه بنابه
ويصيح بأعلى صوت لمطير جذاب
يومي وطش عمامته والعصابه
يومي لجمع مطير ويطش الأسلاب
وشلون ماناقف بحضرة جنابه
ماعن لزوم الوجه يامطير مجناب
يجري مجاري الدم قبل التهابه
يامطير ياربعي ترى العرق جذاب
وكلٍ على ساسه يدرب ركابه
قدامنا قالوه أبو زيد وذياب
حكابه الاول والاخر حكابه
يلعنك ياهرج ليا قيل ماصاب
نقص على من باعبه واشترابه
هرج بليّا صدق راعيه كذاب
ملعون عند الله بمحكم كتابه
واليوم حان الوقت وجات ام غصّاب
ومن لانفع في حينّا وش نبابه
هيا على الساحه بلا هوش وحراب
عن حضور اصواتكم بالنيابه
الهوش نشر اعلام صادق وكذاب
ماغار صوت بصوت ماهي حرابه
كلٍ يبا البيرق ويرمي بالاسباب
ويفوز لامن الهدف ذاك صابه
وتفوز شبان القبايل وشياب
من شدة الفرحه تجدد شبابه
تجددت مابين قاري وكتاب
والها على باقي الوفود انقلابه
تمت بذكر الله وبه نقفل الباب
على النبي صلو صلاة الصحابه
عمه الشاعر / نافع بن عيد المهلكي المطيري
0504128280

أبن مصاول 23 - 02 - 08 07:13 PM

رد : قصيدة نخوة في قبيلة مطير (((( الرجاء الدخول ))))
 
يستاهل هلال ....وصح لسان عمه نافع و إن شاء الله نبيض الوجه مع ابن عمنا

وكلنا هلال ...كلنا هلال

الفيصل 23 - 02 - 08 07:33 PM

رد : قصيدة نخوة في قبيلة مطير (((( الرجاء الدخول ))))
 
ثم أعتزي بمطير عريبين الانساب
ربع لهم في قمة المجد غابه
مطير لاحطو على النار شباب
شجعان والموت الحمر ماتهابه
يامطير عان هلال في راس مرقاب
في راس مرقابٍ تقانب ذيابه

ابشر بعزك ياهلال....
واقفين معك للنهايه..


الساعة الآن 12:04 AM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها