منتديات الموازين الرسميه - قصيده للشاعر\لافي الغيداني (غزليه ؟ويصف الطياره فيه)

بسم الله الرحمن الرحيم
اخواني اعضاء منتديات الموازين الرسميه
السلام عليكم ورحمة الله وبركاته وبعد
اضع بين يديكم قصيده للشاعر الكبير\لافي بن حمو الغيداني

وهواحد شعراء قبيلة حرب والقصيده عنوانه عنوانبن الاول ؟وصف الطياره والثاني ؟غزل

اليكم القصيد ارجوا ان تنال اعجابكم

مايبرد واهج الشوق وشعور الهيام؟؟؟؟؟؟؟؟؟؟؟؟غير سردا تطوى البعد بالسرعه طوي

بديها من خلف ماهو مثله من امام؟؟؟؟؟؟؟؟؟؟؟مستوى في حال وبحال ماهو مستوى

خشمها عبرود طلقه وموخرها بهام؟؟؟؟؟؟؟؟؟؟رافعه راعيه بإشاره ماتنغوي

لابدوا دعاء السفر واعلنوا ربط الحزام ؟؟؟؟؟؟؟؟؟؟؟وإرشادات الأمن لو ترتطم والا تهوي

واستلمها واحد خبرته عشرين عام ؟؟؟؟؟؟؟؟؟؟؟؟كبتن بالله وبكتابه إيمانه قــــوي

مسلم عنده خبر بالحلال وبالحرام؟؟؟؟؟؟؟؟؟؟جابله ربي على الدين وسلوكه سوى

وصعدت مثل أشقر فوق جول الصيد حام؟؟؟؟؟؟؟؟لمراوحها مع الجو لجه وحدوي

مثل مايدوي صدى صوت رعاد الغمام؟؟؟؟؟؟؟؟صوتها صداه عبر الفضاء يدوي دوي

صنعة اللي ماعرفوا لاصلاة ولا صيام؟؟؟؟؟؟؟شعب اكثرهم ماهو عارف منهو ذوي

بالنهار ليا تعلت كبر فرخ الحمام ؟؟؟؟؟؟؟؟؟دونها آلاف المسافات تزويها زوي

وان تغطلس بينك وبين رؤيتها الظلام؟؟؟؟؟كن في روس اجنحتها مشاهيب بدوي

دوبهم دكوا عن دلاله الربع الحشام ؟؟؟؟؟؟تحتها من وقدة السمر جمر مجثوي

دايم وربعه على جلسه عنده حيام ؟؟؟؟؟؟؟؟ابلج لين جنابه لربعه وحموي

مالي الاهي لياجاء للأشواق احتدام؟؟؟؟وقامت الذكرى على القلب تكويني كوي

لي شهر وشوي عيني محاربها المنام ؟؟؟؟؟؟؟ودي احضر جوازي وادور لي خوي

بيني وبينه مسافات وحدود ونظام؟؟؟؟؟؟؟؟؟واحد فرقاه شاويتن فؤادي شوي

بس ابا ازوره مثل مايزارون الكرام ؟؟؟؟؟؟؟؟؟؟لين عيني من قباله وشوفه ترتوي

لو بغيت اصبر واكابر واقول اني تمام؟؟؟؟؟؟؟؟؟؟؟؟ذيب حبه بين جرد المحاديب يعوي

كان مالي في دروب الهوى شف ومرام؟؟؟؟؟؟؟؟؟لين شفته واشهد انه هواة المهتوي

ياسلام الله على السلهمه والابتسام ؟؟؟؟؟؟؟؟وياسلام الله على اللي مايبيله مطروي

كن مالله حط في منطقة خصره عظام؟؟؟؟؟؟؟؟؟وكن غيره محتوى مثل ماهو محتوي

لاقعد ماوده يقوم وليا قام قام ؟؟؟؟؟؟؟؟؟؟؟؟؟؟؟؟تلوي اعناق البشر قومته يمه لوي

تقل بين اعلى الجسم واسفل الجسم انقسام ؟؟؟؟؟؟؟؟شي من جسمه مرتب وشي فوضوي

استلمني في جبروته اشر استلام ؟؟؟؟؟؟؟؟؟؟؟؟لين طيح معنويات راس المعنوي

الغرام ليا بطش فيك ملعون الرسام ؟؟؟؟؟؟؟؟؟؟مايعرف هذا قبيلي وهذاك خلوي

يكبر الرجال امام المهمات الجسام ؟؟؟؟؟ويصغر الرجال امام الجمال الانثوي

مايتحمل نظرة العين وارخاء اللثام ؟؟؟؟؟؟؟؟؟؟؟؟؟لوباسه باس رحمة حياة بن جلوي