منتديات الموازين الرسميه - إذا المراجل لبسة شمـاغ وعقـال

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

- - إذا المراجل لبسة شمـاغ وعقـال (http://www.almouazeen.com/showthread.php?t=2046)

إذا المراجل لبسة شمـاغ وعقـال

إذا المراجل لبسة شمـاغ وعقـال
قـل للعـذارى يلبسـنّ العمـايـم
ما عاد يفرق زول حرمه ورجـال
دام الفعايل تشبـه البعـض دايـم
المرجله ما هيـب كلمـه وتنقـال
وتروح ما راحت هبـوب النسايـم
وإلا خشونة صوت أو رفع الأثقال
أو رزة صـدور وفعـل الـزلايـم
ولا هي بعد مفتاح موتـر وجـوال
وإلا ردى لسانـن حديثـه شتايـم
المرجله شيمه عن القيـل والقـال
رفيع نفس (ن) حر بالجـو حايـم
المرجله عقـلٍ وزنـه وزن جبـال
ودون العقل وش فرقنـا بالبهايـم
يا مسندي لو مايل الوقت بي مـال
يا ولد أبويه يـا عظيـم العزايـم
يا معرب الجدين من العم والخـال
يا نخوة المفزوع وقـت الهزايـم
المرجله يا خوي هي طولـة البـال
هي العزم هـي الصبـر فالظلايـم
فيها الكـرم عـزة دلـه وفنجـال
فيها الكرامه عن ردى الطبع شايم
و الدين لامنه خذا القلـب منـزال
مشى طريق الحق وابليـس نايـم
ومن لا عرف ربه في طيب الحـال
لابد وقـت الضيـق بالهـم هايـم
حتى صلاتك مع جماعات ورجـال
يا عظم أجرك بين ساجـد وقايـم
ولا من رفع ربي له كـل الأعمـال
حسن الذكر لا قالو فـلان صايـم
وخلك شريف القصد يا طيب الفال
سوء المقاصـد فالبيـوت الهدايـم
النفس خيل لـك إذا كنـت خيّـال
ومن لا قوى نفسه قوتـه الهزايـم
ولا صرت ما تدري ليش أنت رجال
والله خسارة فيـك ذبـح التمايـم

مـمـآأعـجبـنـي...