منتديات الموازين الرسميه - عبدالله غازي ونواف العازمي

** نواف :

يامرحبا من هجوسا صادقا ماهـو بكـذاب
بأصحابنا اللي تواعدنا وتوفـي فـي وعدهـا

بضاعة السوق وسط السوق ياللي تفتح الباب
وأنا اعرف الأوله والثانيـه واللـي بعدهـا

** عبدالله غازي :

دام البقا بالصحيب اللي يعدي كل مرقاب
يخايل المزنه اللي سيلها يسبـق رعدهـا

بضاعة السوق مابين الشرار وفتل الاشناب
يشره على سلعة البياع شرايـا فقدهـا

** نواف العازمي :

ياأ صحابنا اللي يربون اللحى وتحف الأشناب
اتعلم اللي يجيب اخبارهـا لـو مانشدهـا

الناس يامطير في تال الليالي صارت احـزاب
وأحزابكم قمت اعددها ولايحصى عددهـا

** عبدالله غازي :

الساحر اللي دفن سحرك وثارت فيك الاسباب
والأرض تبكي على الطيب تضمه فـي لحدهـا

جابتك من تحت الارض الحيه اللي جابت الداب
والنفس مادري يصدق جدهـا ولا جهدهـا

** نواف العازمي :

ياصحابنا ياأهل الضفة فضحتونا في الاجناب
من حبكم للشهاده ترمي المرضـع ولدهـا

خلوني أضرب بسيفي كل ماحصلت مضراب
هاذي علوم الحقيقه ياابن غازي واعتمدهـا

** عبدالله غازي :

الكون كله مجرات وسماء ونجوم وتـراب
كم واحدا يطلب الحاجه ويرجع ماوجدها

ياراس مشعاب في هذا السنه ماانته بمشعاب
والعين مادري يصدق دمعها ولا رمدهـا

** نواف العازمي :

الناس راس وذنب وانتم كماهم روس وأذناب
خل النماره تنـزل روسهـا وتمـد يدهـا

ماودي انك تغيب نورها والنـور ماغـاب
لو مامعك حجة فالمحكمـه تثبـت سندهـا

** عبدالله غازي :

حنا لقيناك يابيت الشعر عمدان واطنـاب
ماتستعز البيـوت وبنيهـا كنـه هددهـا

يالعازمي مايجي معنى الزمان حروف وكتاب
خل البلادى تعيد عيدها داخـل بلدهـا

** نواف العازمي :

راحت بيوت الشعر والشعر مع سعدون وعقاب
ياصاحبـن لامناسيـب البيـوت ولاعمدهـا

الليله انته لذيك وذيك لازم تحسب حسـاب
وان شفت برق السحابه زادجنب عن نصدهـا

** عبدالله غازي :

انته ثنا عشر سنه تومي على راسك بمشهاب
وحنا ترانا نسمـي عبدهـا اول مـن عبدهـا

اما تجي بالرضا والطيب ولا بـأم غصـاب
ياطيب الفال من حل البيوت ومن عقدهـا