محاوره بين ابن غلاب والشاعر هزاع المهلكي
 

االمهلكي

سلام والمعنى كما حرب(ن) عبوس قمطرير = وانا عيوني ماتشوف الا الصقور الحايمه
الشعر نبراس العرب حده مثل حد الشطير = وّلا السلامه ياولد غلاب ماهي دايمه

الميزاني


يامرحبايالشاعر الي يبدع القاف العسيـر
الي مع الشعار مكتوب(ن)بوسط القايمـه
بالشعرياهزاع تال الوقت مدري وش يصير
لكن شد الحيل واسبح فالبحور العايمه

المهلكي


لا ياجمل زومان ياشين الرغى عقب الهدير
صحصح عيونك ليه عينك في طريقك نايمه
منت الفرزدق ياولد ميزان ولاحولك جرير
وان كان ردت للشعر نبرى الكبود الزايمـه

الميزاني

يالمهلكي هزاع اناخابرك لك قدر(ن)كبير
انته تروم المرجله والناس مثلك رايمه
ياكبرشكلك يالبحرياصغرشكلك يالغديـر
والناس يوم العيد ياهزاع ماهي صايمه

المهلكي


ولا عليكم زود والدنيا رحاتـن تستديـر
لكن انا وشلون ابا عالج نفوسن هايمـه
صحيح ماقلته لكن ترجم للاعمى والبصير
واللي تسومه ياولد غلاب قبلك سايمـه

الميزاني

ون طاح وسط البير باهـزاع مانـي لايمـه

يالحاشي الي لك عيون صغار خوف من البعير

خل الجمل يمشـي بكيفـه لاتقـوم تزايمـه

المهلكي

اللي زرعها بر يارجال مايحصـد شعيـر

لاوالله الا فوق راسك لاح بـرق الغايمـه

لاواحليلك يالبعير اللي يجفلـك الصفيـر

صورتك وانته بالرسن جنب القعود ملايمه

الميزاني

افهم كلامي زين ياهزاع واعرف وش يصير

ركز على الموضوع والعالم قعـود وقايمـه

دام الرشا فوق المحاله كيف ماتسمع صرير؟

وشعيل فوق العد والعالـم تجيلـه شايمـه

المهلكي

يابوش مادهورك ياكود الغبا وتونـي بليـر

خلى المشاكل فوق راسك ياعميلـي خايمـه

كف الغناوي ويش يطمع من كفوفك يالفقيـر

والظيم ماحدن يرغبه يا اهل النفوس الضايمه

الميزاني

عز الله اني مابغيت اجرحك ياسلك الحرير

ولا ودي اجدد جروح(ن)كلهـا متلايمـه

لكن صارت سالفه والوضع ذاشكله خطير

حاولت اعدلها وصارت كلهـا متشايمـه

يسرني ان انقل لكم هذه المحاوره التي جرت بيني وبين الشاعر هزاع المهلكي يوم الاثنين ليلة الثلاثاء الموافق 30/10/1430 وكانت مباشره على (منتديات شعراء مطير)

رد: محاوره بين ابن غلاب والشاعر هزاع المهلكي
 

صح لسان المهلكي وصح لسانك يابوعيسى ومحاوره جميله وهذه ليست غريبه عليك فانت شاعر جزل ولاتقول الا الجزل

رد: محاوره بين ابن غلاب والشاعر هزاع المهلكي
 

رد: محاوره بين ابن غلاب والشاعر هزاع المهلكي
 

رد: محاوره بين ابن غلاب والشاعر هزاع المهلكي
 

صح لسانك يابوعيسى وصح لسان المهلكي. محاورة قوية.

رد: محاوره بين ابن غلاب والشاعر هزاع المهلكي
 

صح لسانك يا ولد ميزان ودائماً جزل وتقف في وجوه أكبر الشعراء و نقول للمهلكي صح لسانك

ولا هنت يا أبو عيسى على نقل هذه المحاورة الطيبة للمنتديات وهذا ما نأمله دائماً من شعراء المنتديات في نقل محاوراتهم لكي نشاركهم أبداعهم

أبن مصاول

رد: محاوره بين ابن غلاب والشاعر هزاع المهلكي
 

رد: محاوره بين ابن غلاب والشاعر هزاع المهلكي
 

صح لسانك يابو عيسى محاوره ممتازه

وابداع يابو عيسى مايوصف

رد: محاوره بين ابن غلاب والشاعر هزاع المهلكي
 

صحت ابدانكم جميعا واشكركم على الردود والتشجيع بارك الله فيكم

رد: محاوره بين ابن غلاب والشاعر هزاع المهلكي