( الشاعر شعوره من الله وهايب )
الحمدلله رب العالمين والصلاة والسلام على الرحمه المهداه للعالمبن وآله الصحب الكرام ,, نص يتحدث عن نفسه اتمنى ان يجد القبول بذائقتكم
الشاعر شعـوره مـن الله وهايـب=يجيه في حـزات ويغيـب حـزات يطفي بجوف القلـب نـار اللهايـب=ويشفي جروح الصدر في كل الاوقات وانا ليـا كثـرت علـي المصايـب=رفعت انا كفوفي لـرب السمـاوات الله ماغيـر الله يـسـد الطـلايـب=اللي بامره يحيـي عظـام وارفـات وياوقتي اللي شفت فيـك العجايـب=ومن هولها ايامك تلعثمـت باسكـات الطفل يصبح من عنا الوقت شايـب=شاف اختلاف الناس عن كل مافـات والظلم صار الظلـم بيـن القرايـب=كلن هجر خله على غيـر مشهـات حتى الهوى خانته بعـض الحبايـب=ماكنهـم عاشـو بلحظـات لــذات والبارحه جتنـي همومـي سرايـب=حتى رثيت الحال بابيـات وابيـات وين انت عني ياهوى البـال غايـب=مرت ثلاث شهـور دون اتصـالات عجل قبل نسكـن لحـود النصايـب=ونـوادع الحييـن نقبـل للامـوات هذا هو شعـوري وهـذي طلايـب=مااظن في دنيـاي بعـدك سلامـات |
رد: ( الشاعر شعوره من الله وهايب )
صح االساانك يا العبداااني ولا
ننحرم من جديدك دمت وتدووومي مبدعاا |
رد: ( الشاعر شعوره من الله وهايب )
الله الله ياراشد
كل مره تفاجئنا بنص ناري صح لسانك حتى ترضى ابيات قمه في الروعه . |
رد: ( الشاعر شعوره من الله وهايب )
صح لسسانك يابو مناور
شاعر كبير وخبير جعلت حروفك تتحدث معنا بلغتك الخاصه لا هنت ولاهان منطوقك احترامي |
رد: ( الشاعر شعوره من الله وهايب )
وانا ليـا كثـرت علـي المصايـب--- رفعت انا كفوفي لـرب السمـاوات الله ماغيـر الله يـسـد الطـلايـب--- اللي بامره يحيـي عظـام وارفـات اخوي راشد نص فريد من نوعه قوي في ابياته فعلا هكذا الشعراء الكبار اذا كتبو بداية القصيده فيها قمة التوكل على الله كما هو واضح في البيتين اعلاه اعجبتني كثيرا ومن ثم تناولت هجر القرايب ثم وجدك على الفراق جمعت بين هذه الامور وربطت بينها باسلوب جميل تجعل الذي يقراء القصيده يدخل باجوائها ويستمتع بمفرداتها حبكه شعريه وجزالة ابيات مع ملاحظه صغيره (هذا هو شعوري وهاذي طلايب ) تكررت دمت بخير |
رد: ( الشاعر شعوره من الله وهايب )
اخي / زياد
صح بدنك تشرفت بتواجدكم لاهنت |
رد: ( الشاعر شعوره من الله وهايب )
اقتباس:
شهادتك وسام على صدري لاهنت |
رد: ( الشاعر شعوره من الله وهايب )
اقتباس:
تشرفت بتواجدكم الجميل لاهنت لاهنت عزيزي |
رد: ( الشاعر شعوره من الله وهايب )
اقتباس:
ساكب الحرف شكرا لكلامك الجميل واتمنى ان اكون عند حسن الظن وبخصوص تكرير مفرده طلايب فمن خلال تجربتي المتواضعه يحق للشاعر تكرير المفرده بعد ثامن بيت من القصيده امتناني وتقديري |
رد: ( الشاعر شعوره من الله وهايب )
صح لسانك أخوي راشد العبداني
|
الساعة الآن 01:09 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir