منتديات الموازين الرسميه - ودي اجيك من التعب ثم أضمك

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

- - ودي اجيك من التعب ثم أضمك (http://www.almouazeen.com/showthread.php?t=4142)

ودي اجيك من التعب ثم أضمك

ودي اجيك من التعب ثم أضمك
وتشوف أنا وشلون عايش بلياك

قربك عطر ودي من البعد أشمك
أخاف يبرد مابقى لي بذكراك

أبنثرك في عروق قلبي ولمك
وأحسسك بالحب في يوم لقياك

باقي معي أغلي هديه تهمك
صورتك كاتب فوقها مقدر انساك

متى يزين الوقت وأكون يمك
اقلها اعرف ظروفك ودنياك

يا ليتني في أنفاس روحك ودمك
أبقى معك وأعيش الأيام وياك

يا كثر ماني بغربتي شلت همك
أنشد نجوم الليل من عقب فرقاك

عليك اخاف اكثر من ابوك وامك
والله ما تلقى مثل قلبي أغلاك

مارتاح أنا من الوله لين أضمك
وأعلمك وشلون حالي بلياك

رد : ودي اجيك من التعب ثم أضمك

عبدالوهاب قصايدك هاليومين غزليه وش السالفه ياعبده لا..تكون طحت في الحب

رد : ودي اجيك من التعب ثم أضمك

اقتباس:

عبدالوهاب قصايدك هاليومين غزليه وش السالفه ياعبده لا..تكون طحت في الحب

هههههههههه في الحب ههههههههه ياليت ياراس الضلع

اشكرك على مرورك ياالغالي