منتديات الموازين الرسميه - قصيدة مختلطه !!!!

قصيدة فكاهية رائعه

اذا رأيـت سنـون الليـث ناشبـةً=في جنب ثورٍ سمينٍ طـاح مقتـول
فاعلم بإن الحسيل اخطا على الأسـدِ=ماغرّه ان الأسد في الغاب مسـؤول
ضاعت بصيرتهُ مـن فـرط قوتـهِ=وصار في الغابـةِ يصـول ويجـول
مايدري ان الأسد لـو كـان يبغيـهِ=لحَطـهُ تمّـرةٌ فـي بطـن معْمـول
ان الملـوك اذا زعلـوا علـى احـدٍ=يصبح علـى آلـةٍ حدبـاء محْمـول
ياراكب اللي تسـر العيـن رؤيتـهُ=جمسٌ جديدٌ عليـه اللـون مهْبـول
كأنهُ رغوةٌ فـي الحـوض ناصعـةٌ=بيضاء مـن در بكـرٍ مالهـا حـول
وكأن انـواره فـي خشـم كبوتـه=مناخرٌ فاتحة فـي وجـه مسطـول
وكأن سائقـهُ يمشـي علـى بحـرٍ=من تحته الموج والمرجـان واللـول
نعومـة فـي القيـادةِ مالهـا حـدٌ=معها رفاهية فـي المرْكَـب تْهـول
اذا سـرى وظـلام الليـل يكنـفـهُ=وشق بالنـور جـوٌ غيـر مأهـول
تفر منه الظـواري والجنـون معـاً=ويقتـرب كـل مرجـوٍ ومـأمـول
اذا أتى في طريقـي قلـت وا أسفـاً=الى متى والظروف العمي والحـول
وإن تذكّـرت بعـد الصمـت قيمتـه=دوّرت لي في ثنايا الخشـم هذلـول
قد انتهى الصيف لارحنـا ولاجينـا=وموتري خردةٌ في الحوش منطـول
اذا اتـى راتبـي بانـت مـسـاوؤه=تسمـع لشكمانـه حفـلات وطبـول
وإن ركبنـا جميعـاً فـي غمارتـهِ=كأننـا راكبيـنٍ وســط هـنـدول
من يستطيع شراء الجمس وا لهفـي=وفوقـهُ الديـن مثنـيٌ ومـدبـول
كـأن بينـي وبيـن البنـك توأمـةً=اطلع من القسط وارجع له على طول
ياليـت عنـدي ملاييـنٌ أُحركـهـا=او بئرُ غـازٍ ومعهـا بئـرُ بتـرول
اشري جميع المواتـر مـا اتدينهـا=حتى يقولون هـذا عنـده اسطـول
في المُدن من فوق بي أم وبانورامـا=وفي البر من فوق فكسارٍ وبَتـرول
وطيارتي تحت رجلـي دوم جاهـزةً=اذا بغيت السفـر محْمـول مزمـول
اروح في الارض وامشي في مناكبها=مابين لنـدن وواشنطـن وسيئـول
لكن عسـى الله يرزقنـا ويرزقكـم=بجنـةٍ مالهـا عـرضٌ ولاطــول
نظمتها كي اُسلّـي خاطـري فيهـا=قصيـدةً كنـهـا حـبـة بـنـدول
واعتذر عـن بدايـة شطرهـا الاول=فصاحب البيت هـذا غيـر مجهـول
والفرق فرقٌ كبيـرٌ بينـه وبينـي=كفرق الاحجام فيهـا لارج وسمـول
هو جاء بالبيت مبنـيٌ علـى عَمـدٍ=وجئـت بالبيـتِ مبنـيٌ ومشتـول
للشعـر عنـدي مساحـاتٌ وحريّـة=لا أحتمل رؤيته فـي القيـد مذلـول
ابني له في خيالي مسرحـاً فاخـر=والغير معقول يصبح شـئ معقـول
احب شعـر الفكاهـةِ اينمـا وجـد=لإن للشعـر هـذا عنـدي مـيـول
اطرب لـه قبـل ان يقـول سامعـه=ما هكذا الشعر يأتي منـه محصـول
والنـاس اجنـاس اذواقٌ وأمزجـةٌ=والغير مقبول عنـد فـلان مقبـول

سعد الأكلبي