منتديات الموازين الرسميه

منتديات الموازين الرسميه (http://www.almouazeen.com/index.php)
-   الشعر العام والفصيح (http://www.almouazeen.com/forumdisplay.php?f=34)
-   -   من روائع الشاعر محمد أبن الذيب (http://www.almouazeen.com/showthread.php?t=27616)

فارس الكلمه 11 - 04 - 10 08:08 PM

من روائع الشاعر محمد أبن الذيب
 
مقلبك ياشيخ احمد البارح طرالي = والسبب حمدان متنبي دبي والاجريره

انت غالي ومشتري لي رنج قبل اشهور غالي = صبغة ابريكه كما الحمره على شفة سميره

سيدي باسامحك لانك كفو وانا موالي = ويش اسوي وانت شيخ وضيقتك ضيقه خطيره

ويش رايك اقلب الموضوع واغير لحالي = واطرب الجمهور والجمهور بالشوق وعبيره

شاعرن لو قلت لي بيتين من وصفن خيالي = لاقت اعجاب جماهيري منقطع النظيره

خل عاد اني اغني من على كيفي وبالي = كان رقصت البحر لاحمر على لحن البحيره

والنبي صلى الله وسلم هو الرجل المثالي = والبلاغه في حديث الترمذي وابوهريره

والنظام الاشتراكي والنظام الراس مالي = ماهي بتغني عن السجده لعلام السريره

والا انا لاحركت خشمي ذعاذيع الشمالي = تمتحني حاجتن بين الضلوع المستديره

من هنوف جرحت قلبي ولارافت بحالي = لين روتني نجوم القايله عند الضهيره

كل ماقالت علومك قلت ابد ينبيك حالي = اقفت وقالت ابد حالك ماشوف الا الستيره

كل ماقلت اقفلي باب الغلا والاتعالي = قالت اسم الله عليك اصبرعسى فالامر خيره

وش بقا يوم ملكتني بالغلا ملك الريالي = في يدين الاغنياء اللي مخابرهم فقيره

كم وليف لاتذكر له وليفن عزتالي = راحت الدنيا على راسه عبوس قمطريره

والا انا لامر طاريها علي يرتاح بالي = راحة اللي لاجرح ضيفه ولا زعل قصيره

وان قعدت اهدر سوات الهرش حمال الثقالي = انشدت هذاالبعير اللي هدر من هو بعيره

وان درت والعلم كبر طويق لكن مايقالي = صرحت مال البعير ابو سنام الا هديره

لو نقارن زينها مع مليكات الجمالي = لانتيجه تذهل العالم والا حاجه مثيره

الاوله مثل الجواب اللي ماهو يبغا سؤالي = خص ان قامت تزم النحر والمنكب تديره

اتمخطر من على الحضار تحقير وتعالي = وتمخطر بالجمال اليوسفي في كل ديره

وان طغت فلت جديل كنه ليل من الليالي = يلهب افواد الامير ويكحل عيون الاميره

وان مشت والكبر ماخذها من ابواب الدلالي = حاكم عقب المرض شعبه مسوي له مسيره

وان تعرضها الحكيم اللي يقدم في الرجالي = تلعن ابو جده وتكسب رضاه وتستشيره

لاعتزت والقوم مقفيتن على اكبار الغوالي = هبلت بمجري الهياب وشيوخ العشيره

عزوتي ياعزوتي ياعصبتي يالي والي = اصلحو بيني وبين اللي فعايلها كبيره

والا انا باسوق عمري لجلها والعلم تالي = ياتباشير النصر ياسكرت الموت الاخيره


.........محمد بن الذيب.........

ابن مصاول الميزاني 11 - 04 - 10 08:24 PM

رد: من روائع الشاعر محمد أبن الذيب
 
شاعر لا يعلو عليه [محمد بن الذيب]


لا هنت يالبناخي على النقل دمت مبدع

خـالـدالـمـيزاني 11 - 04 - 10 10:47 PM

رد: من روائع الشاعر محمد أبن الذيب
 
يعطيكـ ألف عاااااااااااااااااااااااافيهـ

عز الخوي 12 - 04 - 10 12:17 AM

رد: من روائع الشاعر محمد أبن الذيب
 
صح لسان الشاعر محمد ابن الذيب وتسلم الاخ فارس الكلمه على النقل الرائع والموفق


الساعة الآن 08:09 PM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها