منتديات الموازين الرسميه - نضجْ توتكْ وذاب التوتْ..!

شقا قلبي من البارح..
اعاني والفكرشارح..
عسى حلمٍ يجيب الزين..
عساه فـ/دنيتي سارح..
انا وقلبي وليلتنا..
نبي نشرح حكايتنا..
عساها تعجب القاري..
في حلمٍ جابك البارح..
في ليله والليالي صيف..
يمر الطيف كنّه ضيف..
واذا ليل الحلم باقي..
عساه الليله يجمعنا..
اشوفك في بساتيني..
تداعب كل مافيني..
اذا روحي وسط روحك..
ابد لاتسأل جروحي..
سكنتي في عروق الحب..
مشيتي فوق سندس قلب..
واذا بحبك يضيع العقل..
أعيش العمر مجنونك..
لمسنا فـ/الحلم يدك..
وفاح المسك من خدك..
عطاك الله من قلبي..
هوى وأثر الهوى ذابح..
شبكنا خمس ويّا خمس..
دقايق وانولد لي همس..
عبير انفاس زف احروف..
بقاياها حلم ذكرى..
بكت عينك على اوجانك..
فرح يوم الفرح دانك..
لقانا نخنق الدمعه..
تعيش العمر بأيامي..
لو إسنين العمر تهدى..
لجل عينك عمر يفدى..
ولو العمر مد وطال..
عن العامين مية عام..
ابرجع للحلم ثاني..
وغصن الود لك داني..
وإذا تقدع غلاك اليوم..
تفنجل كيف فنجاني..
اظمك والغلا ظمك..
غلا دمي حما دمك..
ونار الحب تحرقنا..
مطافي الحب مطافيها..
لمست الحب في قلبك..
يذوب العشق في دربك..
هنا يوم الهنا وياك..
عزف عودي على فنه..
يروّس للغرام ادفوف..
حما طار الغلا بالشوف..
نضج توتك وذاب التوت..
حلا يوم الحلا توتك..
غفى راسك ثمل كاسي..
ونار الشوق بأنفاسي..
طيوف الحب تلعببي..
عليك اغار من ثوبك..
ضحكنا للقمر والليل..
سهرنا لين غاب سهيل..
روى عرقي وانا الراوي..
بضع وديان مخلوقه..
على بحرك سرى قارب..
يدل الدرب ولايقارب..
رسينا وارتسى المرسى..
عطينا فالخفايا روح..
كفاني طاري الفرقا..
عزيز(ن) قدّر الملقا..
حبيبه تحتفي بعناق..
يالبّا عناق محبوبي..
شبيه القلب ما تلاقي..
غرامك فالحشا راقي..
غرامٍ لو سمع به قيس..
يعاف الحب والليلى..
دقايق حلمنا البارح..
نفاها صبحنا البارح..
واذا عوّد علينا الحلم..
نعيش الحلم نهنابه.!