حـبــه حبـــه تجـــي المحبــه
 

السلااااااااااااام عليكم ..

هلا والله بالشباب .. والشابات .. الأحياء منهم والأموااااااااااات ..

ياهلا والله بأهلي كلهم ..




ياشباب أنا لي يومين وكأني اتكلم مع خشمي .. ويوم رحت للمستوصف قال لي الدكتورة شي غريب ..
يقول انت عندك اللوزتين ..

الصراااااحة إني انا انشطب مخــي .. وهل فيما اذا لـــو .. انتـــم تسذا مثلي عندكم اللــوز....تيــن ..

ياجمااعة انا خابر اللوز لوز .. والتين تين ..
وراه انا فرقعين جدي .. عندي ( اللوز ) صايرن ( تين ) يادافع البلى ..

مير الظاهر إني ابمكعهن وأجدعهن وارتاح منهن لايصيرن باتســـر
( اللـــــوز ) ( جـــــــــــح )





الأمر الثاااني والمهم وهو اللي انا كاتب هالكلاام علشانه ..
يانااااااااااااس وش اللي صاير للــرز ..


الصراااااحة إن اللي يصير هاليومين ماهوب معقول ..
يعني معقولة الرز يرتفع الى هالحد .. ويصل الى اسعار خيالية ..




http://moh36a.jeeran.com/photos/945801_o.jpg




أنا ماادري وش السالفة .. هل هي اسعار عالمية ..
أو لعب تجار خارجي مع تواطئ من تجار الداخل كالعاااااااااااااااااادة ..
او الهنود هجت بهم وتركوا الفلفل وطاحوا بالرز ..



الغريب إننا مانشوف تدخل حكومي .. مثل التدخل في الشعير ..
وكأن ( الرز ) حاجة أي كلاااااااااااااااااااااام ..
وهو اللي يعتبر ( القوت ) الرئيسي بالسعودية ..
مع إن ( الرز ) للأوادم .. والشعير ( للبهايم )




والصراااااحة إني خايفن ان رمضان الجاي يصير السحور تونة ..
والله اعلم إن السنه الجايه بعد زكاة الفطر ( مكرونة )

والله يستر لانصير باتسر نبداء نشري الرزبالحبة ..



http://moh36a.jeeran.com/photos/945803_o.jpg






تلقى الواحد يدخل للبقالة ويقول :
لو سمحت يالحبيب .. عطنا ( ست وعشرين ) حبة رز ..

ويطلعهن البايع .. ويقعد يعدهن له .. ويحطهن بكيس ويقول خذ .. وعدهن هنا قبل لاتروح ..
ترى إن رجعت وقلت لي ناقصااااااااات مانيب معطيك شي ..

<<((== تقول ماخذن قروش من بنك ..

ست وعشرين .. <<((== يطلع البايع مصري ويقول .. عايز ايه بالست يامال الزهااااااااااب ..



ويطلع الرجاااااااال ويروح لبيته ويدخل وينادي زوجته ..
تعااالي يام الشباب خوذي هالكيسة به ( ست وعشرين ) حبة رز ..
حطيهن بالخزنة بين القروش ..





وبعدين تعالي .. شوفي تراي عادهن عد .. ابيك هاللحين تقسمين بالله قدامي وتقولين ..


أقسم بالله ..اقسم بالله ..


أن أحافظ عليهن ..أن احافظ عليهن ..


وأن اطبخهن لي ولعيالي ..
وأن اطبخهن لي ولعيالي ..


وأن لااتميلح واعطي اهلي منهن ..وأن لااتميلح واعطي اهلي منهن ..


وأن اوقع على إستلاام كل حبة ..
وأن اوقع على إستلاام كل حبة ..

والله على ماأقول شهيد ..
والله على ماأقول شهيد ..


يالله خوذي ثمان حبات وسوي لنا منهن غداء اليوم ..





******************************





عاااااااد وإذا جاء وقت الغداء تشوف الواحد يمسك حبة الرز بإصابعه وكأنه يبي ياكل صامولية من قوة التركيز ..



والأم تنااااااااادي عياله ..

يالله ياعيال تعالوا للغداء ..

اليوم حاطين ( رز ) .. ويجونك الشباب يقرشون كلهم مع الدرج ..

وكأني بهم وهم يقولون .. اوووووه رز .... اووووه رز ..




والأبو يقولهم :

اسمعوا ياعيال الذين امنوا .. ترى هالرز ماجاء ببلااااااااااش ..
جااااي بعد عد أيمان وحلوف ..

ترى اللي يبي ينثر حبه بالسفرة .. والله ماعاد يذوقه ..
نعطيه أندومي ويخب عليه بعد ..

واللي يبقى مايحط للدجاج .. هاليومين حنا اولى من الدجاج ..






وبالنهااااااااااية اقول :

اللهم لاتجعل الرز تكبر همنا ..


وسلااام ائليكم ..



سي يو

رد : حـبــه حبـــه تجـــي المحبــه
 

يعطيك الله العافية

وبالنسبة لموضوع الارز قد قالها معالي الوزير غيروا في نمط المعيشة وابتعدوا عن الارز مثل اللي يقول بيجي يوم مافيه رز .

تخيل لو ينقطع الارز من السوق عندنا ويش بياكل مدمنين الكبسة ههههههههههههه

رد : حـبــه حبـــه تجـــي المحبــه
 

هلا بالبي الـــــــــــــــرويــــــــــــــــس ..

يابعد معاليق شدوقي انت بعد ..

ياحبيلك يابعدي أنت ..

وشكراً لك على ......

رد : حـبــه حبـــه تجـــي المحبــه
 

أأأأأأأأأأأأأأأأأأأأألرز زما ادراك ما الرز الظاهر بتصير قضيه قوميه بعد كم شهر ونبي نسوي مظاهرات<<<<<<<<<<<<<من قال مظاهرات:z018: ..لا ..لا..أقصد أحتجاج سلمي <>ذكرني بالمفاعل السلمي

المهم نقول الدعوى يبي لها شدة حيل وحتجاج سلمي:055: ويافطات نعبي بها الشوارع ونهتف بصوت واحد

الرز....الرز..الرز ..الرز ++++متى تعود أيام العز
يا تجار يا ولاد الوز++++أحنا نصوم وانتوا بعز

ونبي المسيرة تكون على كبري الخليج علشان نغث التجار الي جاين من مخازن الرز .....حسبي الله عليهم:mhtar:

وأبن جويبر يصلح هو اللى يمسك المكرفون:059: :059: لأن صوته شجي ويشبه صوت فريد الأطرش <<<الأطرش في الزفه ههههههههه:z047:

المهم لا تتراجعوا ...لا تتراجعوا ولنعلنها حرباً ساخنة على تجار الرز ونخليهم ينسون الوز والعز

أبن مصاول : اهب يالحضري والله يا انت شايل عليهم:0092: :0092:

رد : حـبــه حبـــه تجـــي المحبــه
 

أبن مصاول اشوفك تتهجم وتحرض الشعب على العصيان المدني وبعد شوي تقول العصيان المسلح
هذا تحريض واضح وصريح لاثارت وتحريك الشعوب ضد حكوماتها
كبري الخليج اللي بالعاصمة
او تقصد حق البحرين
اذا كان حق البحرين انا حاضر سلموني المايك ومشو وراي

رد : حـبــه حبـــه تجـــي المحبــه
 

ياجماعه لاتدخلوونا في السياسه ، خلونا في الرزيزه كيف نعدها حبه حبه

رد : حـبــه حبـــه تجـــي المحبــه
 

لازم يخترعون جهاز للكشف عن حبات الرز المزورة

هذا المطلب ضروري حتى لاتقع الفأس في الرأس وينشط مزوروا الرز والسوق السوداء تجد لها مرتعا في هذا السوق الواعد

داري رزتك البيضاء ليومك الاسود

انا خايف انام مالقى رزي بجنبي جاني وساس من كثر الخوف على رزي لازم اوظف حارس أمن اعطيه نص راتبي بس أهم شئ يحافظ على رزي ( كلوا الا الرز ) نقطة حمراء

وازيدكم من الشعر بيت تراني مسلح نفسي برشاش لكل لص يعتدي أو يحاول ان يقترب من رزيزاتي حصيلة جهدي وشقاء السنين وهو اليوم ينفعك الا رزك ( الله يرحم ايام النيدو )

اذكر الأولين يقولون ان النيدو كان هو أغلى مايملكه أهل السعودية حتى أن التجار فتحوا عشر بنوك فقط للحفاظ على ممتلكات الشعب وثروته القومية النيدو

الحين النيدو يعتبر ثروة الفقراء

امنيتي في الحياة أن املك 5 كيلو رز بس هالأمنية صعبة ويمكن خيالية بس خلونا نتخيل هو حنا خسرانين
واذا ملكت 5 كيلو أكيد بتذكرني مجلة فوربس كأغنى سعودي يملك 5 كيلو رز واسقط ابن جويبر من مرتبته الأولى كأغنى سعودي يملك 4 كيلو رز بس ماظنتي ابن جويبر أخذ 50 سنة حتى يجمع هالثروة


الحين ابا اروح اتفقد الرزاسمع خرفشة نمل حول الرز مع اني ارش البيت من شركة المبيدات كل 6 ساعات ب300 ريال للرشة الواحدة كله حرصا على رزي الحبيب لكن النمل بعشرة أروح يتكاثر كل اربع ساعات الظاهر أني ابا ازيد الرش كل اربع ساعات أهم شئ الرز

رد : حـبــه حبـــه تجـــي المحبــه
 

والله يابعدي مانبشايل ولاشي

بس نبي هم يحمونا من جشع التجار مثل مايحمونا من الحراميه والارهابيين

رد : حـبــه حبـــه تجـــي المحبــه
 

ههههههههههههه والله ياااانت هاااااجتـن بووك تبي البحرين هههههههههههههههههه

رد : حـبــه حبـــه تجـــي المحبــه
 

ايـــــــــــــه ذا الكلام السنع