راحت وقلبي راح معها تتله=تمشي وهي نظراتها بالتفاته
وقفت حتى الدرب ماعاد أدله=الكون كله ضاع بربع جهاته
ياليتها مازادت الطين بله=يوم أتركتني للعنا والشماته
شوقي لها شوق الغريب إلهلله=آلي من ألغربه جداه أمنياته
آنا خفوقي له هدف ماوصله=محتاجها والحب هذي سواته
محدن يلوم القلب لا حب خله=أحبها والقلب عينه مراته
عن غيرها هي شيخة الزين كله=قلبي رهينة سيته وحسناته
عنها القمر يمشي وتقعد محله=هي التي فيها صفه من صفاته
في طبعها وأسلوبها مستقله=كل المزايا فيه من حسن ذاته
كلامها لا قالته ما تمله=ياحلو هرجه لا طلع من شفاته

المشاركة الأصلية كتبت بواسطة ابن مشدد (المشاركة 246408) صح لسانك يابو خالد وعتلا شانك قصيده جميله والقلب خضر يابو خالد هههههه

صح بدنك يابو سعود .. لا تعلم احد ..

صح السانك يابو خالد على هذه القصيده الغزليه الرائعه ..

المشاركة الأصلية كتبت بواسطة عايض الحريص (المشاركة 246538) الشاعر الرومنسي أبوخالد صح لسانك مليون وقصيده جزله ورائعه وليست غريبة على من هو أهلٌ للجزاله ويازين هيجنتها مع الخط اللي أنت خابره ههههههههه

اي خط يابو فارس وضح لنا التشفير مانعرف له هههههههههههههههههه