|
ضيقــــــــــة البـــال
قالو تهوجس قلت من ضيقت البال = من كثرماتطري علي الطواري ياكثرمافكرت في بعض الاحوال = وياكثرماقررت واصدر قراري لاضاق صدري قمت اغني بموال = من قدح راسي مايجي باختياري وابعدت عن ديرة هل القيل والقال = ونصيت جوٍ فيه جول الحباري وسويت لي من صافي البن فنجال = وبالحاجر المسيول شبيت ناري بارض ٍ خلا مايشتغل فيه الارسال = مايشتغل ياكود رقم الطواري والارض خضرا عقب ماسيلها سال = والما تشوفه في جميع الخباري والعشب اشوفه قدمي الوان واشكال = ومن نبتت الرقروق فيها مواري هذي طرات الروح ياطيب الفال = يالي عن ظروف الزمن مانت داري لكن لاحدك زمانك على الجال = سوق القدم مع واسعات البراري اخير من مجلس كثيرين الاقوال = الي على الفتــــــــنه تسل الشباري ناسٍ لهم في نقلت الهرج مدخال = تقول مجــــــــــبورٍ عليها جباري ماعندهم ياكود وش صار وش قال = هـــــذي سوالف ذاهبين الذراري وقت الضحى مجلاسهم عند فوال = والظهر تلقاهم بمطعم بخاري رجالهم وقت الرخا ماله امثال = لاشفت زوله قلت سبع الغداري ومن كشخته مايرتدي ثوب وعقال = يحط جنز وبعض الاحيان عاري ولاجا لزومه لاتقــــدم ولاقال = عن ماقفه يعلن هبوط ااضطراري هذاك ماله مع هل الطيب منزال = خله مع الاطفال يلعــــــــــب اتاري والا علوم الطيب تحتتاج رجال = تحتاج رجالٍ يدوس الغــــــــــداري |
رد: ضيقــــــــــة البـــال( اهداء لابن مصاول)
أبو عيسى دائماً مبدع وما هذه القصيدة إلا دليل على الإبداع منقطع النظير ..وانت شاعر مبدع وراقي وتختار عباراتك بكل أحترافية لتصوغ بها قصيدة مترابطة الأفكار والصور والمعاني..
وما قرأته هنا ماهو إلا أحد إبداعتاك اخي أبو عيسى ...
قالو تهوجس قلت من ضيقت البال = من كثرماتطري علي الطواري حي والله ذا الراس يا أبو عيسى أشهد انك تقول وتطول الشعر الجزل ...ياكثرمافكرت في بعض الاحوال = وياكثرماقررت واصدر قراري لاضاق صدري قمت اغني بموال = من قدح راسي مايجي باختياري
وابعدت عن ديرة هل القيل والقال = ونصيت جوٍ فيه جول الحباري يا زين هالأبيات وجوها الراقي ...ياويل حالي على هذيك الأرض يا أبو عيسىوسويت لي من صافي البن فنجال = وبالحاجر المسيول شبيت ناري
بارض ٍ خلا مايشتغل فيه الارسال = مايشتغل ياكود رقم الطواري
توضيف رائع لرقم الطورائ حيث أشار الشاعر ان رقم الطوارئ 112 يشتغل حتى مع عدم وجود أرسال ولكنني للأسف في رحلتي الأخيره للصمان جربته ولم يتصل ولكن توضيف الشاعر له هنا في هذا البيت لينبه العامة له وللمعلوميه فهذا الرقم عالمي يعني لو كنت في جنوب أفريقيا ولا تعرف ماهو رقم الطوارئ فقط أضغط 112 وسوف يرد عليك أقرب قسم للطوارئ في تلك البلاد...
والارض خضرا عقب ماسيلها سال = والما تشوفه في جميع الخباري صور شعرية رائعة يصوغها لنا الشاعر المبدع عبدالرحمن بن غلاب بأحسن صورة ....والعشب اشوفه قدمي الوان واشكال = ومن نبتت الرقروق فيها مواري هذي طرات الروح ياطيب الفال = يالي عن ظروف الزمن مانت داري
لكن لاحدك زمانك على الجال = سوق القدم مع واسعات البراري
وانا أشهد يا أبو عيسى..
اخير من مجلس كثيرين الاقوال = الي على الفتــــــــنه تسل الشباري أنا أشهد انهم ذاهبين الذراريناسٍ لهم في نقلت الهرج مدخال = تقول مجــــــــــبورٍ عليها جباري ماعندهم ياكود وش صار وش قال = هـــــذي سوالف ذاهبين الذراري
وقت الضحى مجلاسهم عند فوال = والظهر تلقاهم بمطعم بخاري
ذكرتي بذكرك للفوال ببيت للشاعر ضيف الله بن زراق بن مدلج وهي مقتطعة من قصيدته المسماة (بالخواجه) حيث قال رحمة الله عليه:
لومي على الأنذال حينـا بعـد حيـن=وإلا على أهل المعرفه مالـه أحلـول كم واحدٍ لو قال أنـا رجـل مسكيـن=ماهمه إلا ملـي بطنـه مـن الفـول
رجالهم وقت الرخا ماله امثال = لاشفت زوله قلت سبع الغداري ومن كشخته مايرتدي ثوب وعقال = يحط جنز وبعض الاحيان عاري ولاجا لزومه لاتقــــدم ولاقال = عن ماقفه يعلن هبوط ااضطراري هبوط أضطراري وانا أشهد كم رجال ما يحمى كلمته وفي المواقف الصعيبة يتراجع .
هذاك ماله مع هل الطيب منزال =خله مع الاطفال يلعــــــــــب اتاري
إيبالله ...خله يلعب اتاري صح لسانك 1000 يا ابو عيسى وأشكرك لتلبية طلبي المتكرر عليك بأن تدرج لنا مما تجود به قريحتك وقد أدرجت لنا الليلة أحد روائعك أبن مصاول |
رد: ضيقــــــــــة البـــال( اهداء لابن مصاول)
بارك الله فيك يابوضيف الله
|
رد: ضيقــــــــــة البـــال( اهداء لابن مصاول)
صح لسانك شاعرنا المميز ابن غلاب
وقصيدة رائعة وجديرة بالحفظ والاهتمام شـكــ وبارك الله فيك ـــرا لك ... لك مني أجمل تحية . |
رد: ضيقــــــــــة البـــال( اهداء لابن مصاول)
ابــــــــــــــــــــــــــــداع في سماء منتديات الموازين ابداع
|
رد: ضيقــــــــــة البـــال( اهداء لابن مصاول)
اقتباس:
|
رد: ضيقــــــــــة البـــال( اهداء لابن مصاول)
اقتباس:
الابداع مرورك يابو احمد |
رد: ضيقــــــــــة البـــال( اهداء لابن مصاول)
صح السانك يالبناخي وقصيده ممتازه من شاعرن مبدع في كل المجلالات الله يوفقك يابو عيسى
|
رد: ضيقــــــــــة البـــال( اهداء لابن مصاول)
اقتباس:
صح بدنك ياخال وبيض الله وجهك |
رد: ضيقــــــــــة البـــال( اهداء لابن مصاول)
صح لسانك يابو عيسى الابداع لا يأتي الا من مبدع |
| الساعة الآن 01:55 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
