" فارس البصرة "
تمر سنين بعد سنين والجمره على الجمره=جديه ما تأثر من غروب الدهر وشروقه تذوب جْبال لا شبت لهايبها سبب زفره=تحوّل من شموخ اليا فتات احجار محروقه براكينٍ على أرض الحجاز ونجد منتشره=لها كبدي صفايح من سنين العمر معتوقه طوت عمري على ظهر الحزن واشتالني ظهره=وْكوت قلبي على حيد المنايا واحتمى عروقه عشان ابقى فتى ذيك الديار وعنترة عصره=واعيش بْها حياتي ضيغمٍ محدٍ قدر عوقه عليها كبر متواضع تواضع به على كبره=وْتَواضُع لاعتلاها الكبر يقعدها على ذوقه تناوشها ثلاثه من ملاقيط الغلا حذره=تحركها على درب الهوى تشعل بها سوقه متى ما فرقتها عن بعضها جات منتصره=وْعليها ماتت الاحزان شر الموت مشنوقه وْلقت في خلفها نبت الربيع يشدها عطره=ترازم فوقه رعود السحاب ولاحت بروقه ليا جتها رياح تْسوقها سوق العمى لقدره=تثاقل فالمسير وكم بردها طاحت فروقه على ارضٍ ترتجي وبل السحايب قفر محتظره=بها الوديان بين جبالها والقيظ مخنوقه وْبعد مارْوى منابتها نضج باريافها ثمره=ثرى بغداد منبتها ودجلة منثني فوقه سقاها ثم جناها "فارس البصره" تحت قصره=قطفها واحتظنها قطفة العناب واعذوقه حكمها حكم جمهوري تلبي له قبل أمره=وْقرا في مقلتيها قصة العاشق ومعشوقه وْعقد له مؤتمر داخل قصور الحكم .... تنتظره=ملوك الارض تشهد له شهادة حكم موثوقه والا يا حاكم ديارك حكمت وشتّت الفكره=على اسماع العرب والغرب غنّ بْغير طاروقه |
رد: " فارس البصرة "
صح لسانك اخوي عبدالعزيز قصيده جميله جداً لك تقديري
|
رد: " فارس البصرة "
رمزية عاليه تتمتع بها هذه القصيدة والتي نثرها الشاعر الفخم عبدالعزيز الشاطري
صح لسانك وتقبل مروري |
رد: " فارس البصرة "
صح لسانك ياعبدالعزيز شاعر مبدع دئمن ومتالق
تمر سنين بعد سنين والجمره علـى الجمـره=جديه ما تأثر مـن غـروب الدهـر وشروقـه
|
رد: " فارس البصرة "
صح لسانك على القصيده
|
الساعة الآن 06:26 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir