منتديات الموازين الرسميه - محاورة بين سعيد القحم( الداب الاسود) وبين سعود الهذيلي

منتديات الموازين الرسميه (http://www.almouazeen.com/index.php)

- المحاوره العامه (http://www.almouazeen.com/forumdisplay.php?f=19)

محاورة بين سعيد القحم( الداب الاسود) وبين سعود الهذيلي

سعود الهذيلي

سلامي عليكم ياهل الطيب والمقدار... عزوت(ن) ترحب بالضيوف وتقدّرها.
ابا الد يم الملعبه واسبر الشعّار.......وانا لانزلت الملعبه شفت شاعرها

سعيد القحم

هلا مرحبا ترحيبة الجار لاغلى الجار......من الهاجس اللي كل جابه يعبّرها

عسى الله يحي ضيوفنا في محل مطار....ترى ليلة الجمعه فضيله ونذكرها

سعود الهذيلي

عسى الله يبارك فيك يامكرّم الخطّار.......وانا عملة اهل الطيب ماني مغيّرها

انا اعرف لها ميراد واعرف لها مصدار..........لكن انت ورد لي علومك وصدّرها

سعيد القحم

اناخابرك من رجال البقوم خيار...............لكن البقوم بعزها ماانت ناصرها

وحنا ترانا بالايدي مسكنا الطار............تموت الطيور وفالهواء مانطيّرها

سعود الهذيلي

انا من عزوت( ن) في الملاقا تشب النار.....ويمينٍ طويله مانت قادر تقصرّها

عليك الليالي دائره والفلك دوار................ترانا نشوفك ياسعيّد تدوّرها

سعيد القحم

ترى من حداه الوقت ينشد عن المحضار...يدور ديارٍ يهز الارض ماطرها
وانا جيتكم ماني سريع القدم مرار.......على علمنا وبحورنا ما تقطّرها

سعود الهذيلي

ترى المرجله ماهيب كنزٍ مع التجار.....وناس( ن) يضيع شورها ما نشاورها

الا ياقريب الدار مادري بعيدالدار...............تبا تفتح البيبان والا تسكّرها

سعيد القحم

ترانا نوينا الحج والقابله نزدار........ومكه وطيبه دين الاسلام عامرها

ترانا عيال الدين ونحارب الانصار......عسى الله يعز قبورنا عن مقابرها

سعود الهذيلي

ليا صرت مسلم لف عن سكة الكفار.....ترى ام القرى للمسلمين ومشاعرها
ذنوبك كبيره والله الراحم الغفار......نحسبك مطوع واثر دقنك مخنجرها