اخوي راح ووين ابلقى بداله = اخون لياجيته نهضلي وهلأ
اخون ينعمله لياجاء مجاله = عن واجبه مافيه ساعه تخلأ
علي الشكاله راهياتن حباله = وعلي الخوي والجار ماقط زلأ
كلمة هلاء لاهل الوفاء راس ماله = باحسن صفة طيلة حياته تحلأ
ولينصاه الضيف سمحن قباله = ومن واجب الخطار ماقط ملأ
حرن صعد للمجد واتعب رحاله = حتى علي عرش الرجوله تعلأ
مايلبس الا من لبوس الشكاله = وعلي اللبوس الثانية ما تدلأ
حفظ دروس المجد ممابداله = بنور وجهه في حياته تجلأ
تفعل يمينه ماتشاور شماله = يمناه من لمس الكرم ماتملأ
من راس ابوه وراس جده وخاله = اخذ صفه فيها صفاته اتحلأ
ياقف اليا جات الصمايل لحاله = ولاقط قالوا من هل الزوم ذلأ
معروف قوة حيلته واحتماله = دائم وشبحه بالنظر مستقلأ
والدين كمل حسبته من كماله =وقت الصلاة الياجات كبر وصلأ
واللى يعرفه مثل ماقلت قاله = ون قيل له قال لاوالله الأ
واقفى كما يقفى الرشاء بالمحاله = ولاينلحق شئيا ليا قيل ولأ
وقتا يلوع الادمى لوصفاله = يوما ضحوك ويوم دمعن يهلأ
راح وتكني والرجاء في عياله = عساني القى له صفه واتسلأ
وان كان فيهم باينت لي خصاله = الهم عن قلبي تزحزح وجلأ
وارفع يديني يم ربي واساله = يحط له في ظل عرشه محلأ
في يوم مابه ظلن الا ظلاله = يومن هذا يكرم وهذا يغلأ

صح لسان الشاعر غالب ابن عايد بن صلال الميزاني.. والله يرحم الشاعر القوين ابن خالد الميزاني.. وتسلم يمنيك أخوي سالم بن رباح على هذا النقل.. تحياتي سلطان الميزاني.

رحم الله القوين بن خالد القحم وقصيدة رثائية مميزه وأصدق الشعر عادة هو الرثاء لأنه بلا مصالح دنيويه أو مصالح وصوليه.....

وقد أعجبني كثيرا هذا البيتان:

صورة رائعه للمس الكرم باليد ..



رحم الله المرثي وصح لسان الراثي ....

اللهم أرحم موتانا وموتى المسلمين....

اللهم أبدله دار خيراً من داره وأهلا خيراً من أهله