منتديات الموازين الرسميه - ياعين من حطيت عيني بعينه

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

- - ياعين من حطيت عيني بعينه (http://www.almouazeen.com/showthread.php?t=5834)

ياعين من حطيت عيني بعينه

في مجله المجالس وتحديدا صفحه للروح غذاء وهي صفحه تنشر فيها الكاتبه المعروفه المبرقعه قصيده
مميزه كل اسبوع في صفحه كامله وتهتم بتقديم افضل الشعراء ..... على مستوى الخليج العربي ويتابعها عشرات الا لاف من القراء وقد نشرت فيها
هذا الاسبوع قصيده المبدع

ياعين من حطيت عيني بعينه .... وابطيت واقف في بحر عينه أموج

ابحرت في عينه بليا .. سفينه .... سجيت فيها لين ضيعني الموج

حاولت .. الد الشوف عما يهينه .... ولاانتبهت الا وانا فيه ملبوج

شفت الفتن في ملتقى حاجبينه .... والسحر في عينه مع الزين مدموج

اسود سواده لابسته السكينه .... وابيض بياضه طايش اللون مرجوج

زاويه طرف ٍ حاجز ٍ دمعتينه .... لولاه كان الخد بالكحل ممزوج

كاسيه رمش ٍ زاد ملحه وزينه .... من فوق متكحل ومن تحت مدعوج

بين الرموش السود شفت الغبينه .... واللي رماه الرمش ماعاد له بوج

مرت ثواني من حياتي ثمينه .... وانا اتهادى بين الاشواق وأدوج

مرت وانا قابض على راحتينه .... واقف مقابل له وساهي ومدلوج

مدري وش اللي صار بيني وبينه .... والقلب ماردنه ضلوعي العوج

ولا انتبهت الا بسحبت يدينه .... قال انت تبغى الناس تلحقني هروج

قلت اعذر اللي شافك الله يعينه .... يبطي ودمعه بعد فرقاك مزعوج

عينك بنظرات الغلا مستهينه ؟؟... قال الغلا في داخل القلب منسوج

قلت الوعد قال ايه .. كلش بحينه .... الله يفتح لك من الضيقه فجوج

قلت آآه .. طيب شف لي الدرب وينه .... قال انتبه باقي على شفتك روج