الطغى بالعشق لامنه بدى بشروقه=تنجرح منه القلوب العاشقه وتخافي
ما تضمدها مراهم فرحةٍ مسروقه=نعنبو حي الشقا لا سجهن ينشافي
بالعيون اللي تخبي دمعةٍ مخنوقه=حايره عيت عليها عزة المشرافي
لو بطاوع دمعةٍ من صدتك مزهوقه=كان بلْتْ مفرشي وأروة عليّ الحافي
جمرتك بالصدر وعروق الوفا محروقه=واللقا من بيننا ممنوع دون خلافي
العهد وشلون من جدك قدرة إتبوقه=وأنت مسلم والعهد مع مسلمٍ وسنافي
لا تعاند قلبي اللي عزته بعروقه=ثمّ تزنقك المشاعر زنقت القذافي
تعلن الثوره على حكمك وتحرق سوقه=والعزيمه بالمواقف جاهزه لنصافي
طاقك اللي ذقت من فرقاك خذ مطبوقه=ناذرٍ لقيفيت نذرٍ ما التفت لخلافي
لين أعلمك الجفى من بيننا وتذوقه=وإن طريت الصد قدمك قلت لـي يا كافي

رائعة أخي حمد وننتظر القادم فبالتأكيد هو أروع

بالعـيـون الـلــي تـخـبـي دمـعــةٍ مخـنـوقـه
.......... حـايــره عــيــت عـلـيـهـا عــــزة الـمـشـرافـي

أنعم وأكرم وحي الله المشرافي ..
صح لسانك والله لا يزنق مسلم بمثل زنقة القذافي اللي يبدو إنها بتكون زنقة للعرب جميعاً ..

ومصافحة أولى أكثر من جميلة ..
شوّقتنا للمزيد والمزيد من نصوص أخونا الكريم ..

المشاركة الأصلية كتبت بواسطة ملكة القوافي (المشاركة 432505) وعليكم السلام ورحمة الله وبركاته أهلاً وسهلاً بك بيننا وشكراً على قبول دعوتي لك لا تـعـانـد قـلـبــي الــلــي عــزتــه بـعـروقــه ثـــمّ تـزنـقـك المـشـاعـر زنــقــت الـقـذافــي تعلن الثوره على حكمـك وتحـرق سوقـه والعـزيـمـه بـالـمـواقـف جــاهــزه لـنـصـافـي ليـن أعلـمـك الجـفـى مــن بينـنـا وتـذوقـه وإن طريت الصد قدمك قلت لي يا كافي صح لسانك أخوي حمد السناح ومصافحة أولى رائعه بنتظار المزيد والمزيد من إبداعك

حمد السناح

وعليكم السلام ورحمة الله وبركاته



حياك الله اخوي حمد السناح ..


مصافحة اكثر من رائعة ..

صح لسانك مدد بلا عدد

وفي شوق لجديدك


كل الشكر لك