يابنت يا اللي عقب غاليك تبكين=لعل من لامك تليم همومه
حنا بعد والله حزانا وباكين=عقب الخبر جانا وجتنا علومه
وانتي على فقد الأبو ما تلامين=والأبو ما يغنون عنه العمومه
الأبو عز أبناه في العسر واللين=يرخص لهم نفسه ويبذل عزومه
يسهر اليا صاروا سقاما وشاكين=ويطلب لهم ربه يحقق حلومه
ويفرح اليا صاروا صحاح متعافين=ويسعى لهم بالرزق ليله ويومه
من يحجد الوالد ردي اصل ولعين=ومضيعن حق الأبو والأمومه
قلته وانا عندي دليل وبراهين=والموت سنه والنفوس محكومه
والناس لو عاشوا بعض وقت ماشين=ليا جاء السفر كلن صحى عقب نومه
راحوا من الدنيا خفافٍ سريعين=وبيوتهم عقب العمار مهدومه
الأنبياء واهل الرتب والسلاطين=وهاك القرون اللي مضت ومعلومه
ماكنهم داجوا على الأرض حيين=واثارهم في الأرض ضاعت رسومه
كم راحت الدنيا بناس عزيزين= أخبارهم عقب الوجود معدومه
راحوا وخلوا باقي الشغل عجلين=والكل منهم ما أنتها من لزومه
يومٍ بعض الناس يمشون لاهين=والموت قافيهم سريعٍ هجومه
كم مرة جاهم صباحاً وممسين=وليا قضى منهم سريعٍ هزومه
وحنا بحكم اللي بنا العرش راضين=والموت ذا طبعه وهذي سلومه
والراحل اللي راح مع درب غالين=قدمه هله واولاد عمه وقومه
ونطلب من اللي كون الخلق تكوين=يكتب له الجنه ويحسن ختومه
وصلوا على اللي علم الناس بالدين=عداد من شاف القمر مع نجومه

الأبو عز أبناه في العسر واللين=يرخص لهم نفسه ويبذل عزومه

المشاركة الأصلية كتبت بواسطة سلطان الميزاني (المشاركة 19113) الله يرحمهم جميعاً ويسكنهم فسيح جناته .. وبيض الله وجهك يابو ضيف الله لنقلك لنا هذه الرائعه .. تقبل مروري سلطان الميزاني.

المشاركة الأصلية كتبت بواسطة راس الضلع (المشاركة 19115) الله يرحمهم جميعاً ويسكنهم فسيح جناته .. وبيض الله وجهك يابو ضيف الله لنقلك لنا هذه القصيده الرائعه

راحوا من الدنيا خفـافٍ سريعيـن
وبيوتهـم عقـب العمـار مهدومـه
الأنبياء واهل الرتـب والسلاطيـن
وهاك القرون اللي مضت ومعلومـه
ماكنهم داجوا علـى الأرض حييـن
واثارهم في الأرض ضاعت رسومه

الله يرحمهم وبيض الله وجهك يابو ضيف الله
وتقبل مروري
اخوك ابن غابش