قال الدقش قولٍ على روس الاشهاد=الفضل للي له نصوم ونصلي
ثم الفضل للي على شمل عباد=شيخٍ يكف مطير في نجد واللي
ديارهم من فوق موروث الاجداد=يم الحجاز وحرته مانخلي
الاد عبداله غطفان الاعماد=سباعٍ لها الجبرين ضلعٍ وظلي
اركب يابوصلاح ياغاية امراد=اللي يبا الفرجه زبون المخلي
ياذخر جدي لاتعزووبه احفاد=عباد عزوتنا نهار الشكلي
منصاك شيخٍ ماتزعزع ولاباد=لاشحت الشطه وضاق المحلي
يرسي جبل ويثبت الارض بإوتاد=اسمه وجسمه والفعل بالسجلي
شيوخ نجد بحظرته تخطي الضاد=شمسٍ بنوره كل نورٍ مولي
محمد المحسن اذا عدو اسياد=بني غطفانٍ تشوفه معلي
من راسه الجبرين تقدح اذا راد=جنايز الهيجاء عيال المصلي
تاريخهم لمطير حافل بالامجاد=وماركاضهم طير السماء به يفلي
وفي دربهم سبع الخلا بطنه اعتاد=على الشيوخ وبالنشاما يحلي
موسمين الارض برموز الاضداد= بفعولهم سمّ المواقع وقلي
كم موقعٍ في نجد يروى للاحفاد=وكم من مناخٍ بسمه اليوم ظلي
الموت بنفوس الجبارين شي عاد=ماكنة الا لعبة للتسلي
وسلم على محسن امير له اتقاد=بيمناه ابوه وجعلها ماتشلي
امارة العمار للبار والماد=روحه لجل شيخٍ حجاجه يهلي
محسن وريث امجاد وامجاد اتلاد= من راس ابوه اله الاماره تزلي
ماهيب امارة ختم واوساط وارفاد=فعلٍ على وضح النقا ومتجلي
ولاهو بشيخً اعمال واموال وارصاد=ماهو بخاشقجي ولا احمد مجلي
محسن محمد ابن جبرين وان زاد=بسمه ترى فعله يفوق التعلي
واعط التحيه فيصل ان شفته وناد=بسمه تراه بشوفتك يسفهلي
حرٍ اخذ من ماضي اجداده اعتاد=ويذودبه دون الوطن مايكلي
حلي طيرٍ من يمانيه هداد=عان السرايا في دروبه تدلي
يقودهم فالبر شبلٍ واذا عاد =جت للفضاء تلقاه ضابط مظلي
لو ان ماهو قايد وراس وعماد=ماكان ابوخالد كتبله سجلي
يابوصلاح وان جيتهم وانت وراد =وصل كلامي وانت كنك محلي
ثم قلهم بيتٍ على روس الاشهاد= بيتٍ يتل اقصى حميّاه تلي
تكفون يالفريس ياذخر عباد= اذن دقلة خيلكم فزعتلي

الله يعطيك العافيه اخوي عز الخوي

تحياتي لك

صح لسان الدقش ويستاهل ابن جبرين المدح.ومشكور اخوي عز الخوي على النقل.الف شكر