يـاكـثـر مـاشـوفـك فـالاحــلام يـاهـيــه=ليـت الحقيقـه مـثـل حلـمـي تجيـنـي
وقلبـي صويـبٍ مالـقـى مــن يـداويـه=تــعـــال ريـحّــنــي وريّــــــح سـنـيــنــي
جـرحـك بـقـى والـوقـت عـيّـا يمـحّـيـه=وجرحـك سطـا لـو ان سـدي متينـي
ودي علـى شوفـك مـن الـعـام وابـيـه=والشوق فـي داخـل ضلوعـي دفينـي
يـاروعــه احـسـاسـي ويـاكــل مـافـيـه=يـاحــبــي الاول ويــاشـــوف عـيــنــي
يـاقـمـه ارضـايــه بـصـافــي مـعـانـيـه=يــاهــمــي الاول ومــعــنــى حـنـيــنــي
ياسـاكـنـن بـالــي ومـاهــوب نـاسـيـه=يـاحـزنــي الـبــاقــي وكــثـــرة ونـيــنــي
يــاروح شـعـري نــزف معـنـى قوافـيـه=يـاسـاس حـبـي لمـعـه الـحـب فيـنـي
يـاكـل بـوحــي يـــوم اقـولــه واغـنـيـه=ياآغلـى بـشـر يامقـصـدي ياظنيـنـي
ليه الجفا..؟ يآزين والوصل نآسيه=وش فـيــك تقسى؟يـالـغـلا ماتـلـيـنـي
بــاقــولــك قــــــولٍ وقــلــبــي يـعـانــيــه=مـــدام صـوتــك مـاخـتـفـي مايـبـيـنـي
كلمتـك فـي فكـري مـن العـام تـوذيـه=حسـبـي عـلـى كلمـتـك معـنـاً دفيـنـي
كلمـتـك خلتـنـي عـلـى مـركـب التـيـه=تـايــه واصـآفــق بالـيـسـار اليمـيـنـي

يعطيك الف عافيه
تقديري لك

المشاركة الأصلية كتبت بواسطة ساكب الحرف (المشاركة 404972) ياكل بوحي يوم اقولـه واغنيـه --- ياآغلى بشر يامقصدي ياظنينـي ليه الجفا..؟ يآزين والوصل نآسيه ---وش فيك تقسى؟يالغـلا ماتلينـي صح لسانك اخوي عبدالهادي على هالقصيده الجزله المليئه بالمعاني الجميله اعجبني كثيرا هالبيتين ولاهو بمستغرب عليك الابداع شاعر كبير لك حضور مميز دمت بخير

صح لسانك اخوي عبدالهادي
وصحيت كلك
على هالقصيده الجزله
وننتظر منك المزيد
فلا تحرمنا تواصلك وابداعك
.